بسم الله على بركه الله ابدا بقائمه المشتركات
ام اثري…
….منارة الوفاء
…جويدة2..
….scorpion noir ……
.hananelove…
.janino..
.annaa….
titi ….
cherility…
afryma….
houda h
rim25..
.omallaa.
…jill..
.. نايليه و افتخر
…..ماجدولين
…كيا..
فاطمه بشار
مستلزمات الورشة
7-6 كبب صوف او اي خيط انتي حاباتو
كروشيه رقم 3
مقص
نبداو على بركه الله الورشة بسم الله …………..
ملاحظة
قبل ما نبداو نتفاهمو على المصطلحات لي رايحة نستعملهم
صدفة ——–)2 عمود+1سلسله+2عمود " في نفس الغرزة"
س———-) سلسله
1/ نعمل سلسله على قياس الحوض تاعنا " كل وحدة ولاطاي تاعها ههههههههههههه ام الاء تكبر شوي هههه "
2/نعمل صدفة ثم 2س ثم صدفة اخرى ثم 10 سلاسل كل سلسله فيها 5غرز و كل مرة نترك غرزتين في الاسفل +صدفة +10سلاسل تاع 5 غرز +صدفة +2س+صدفة
ملاحظة
دائما اطراف العمل نفس الخدمه 2 صدفات بيناتهم 2 س يعني ماكان لاه نكرر نشرح فقط الوسط
3/ 9سلاسل عوض 10 الصورة توضح طريقة التنقيص ثم 2 صدفات داخل الصدفة تاع المنتصف
4/كل مرة نفس طريقة التنقيص نتحصلوا على 8 سلاسل لكن في المنتصف نعملوا صدفه +3س+صدفة
5/نفس الطريقة نتحصلوا على 7 سلاسل لكن في المنتصف نعملوا صدفة +3س+عمود+3س +عمود+3س+صدفة
6/ نتحصلوا على 6سلاسل ثم 12 عمود داخل القوس تاع 3س
7/ هنا نتحصلوا على 5سلاسل ثم 24عمود فوق 12 عمود السابقة " كل غرزة فيها 2 عمود "
8/نبدا في التنقيص لنتحصل على التقويس
2س في البدايه +3سلاسل في المنتصف +1غرزة حشو و نترك غرزة في الاسفل
8/ نفس الخدمه في المنتصف نعمل سلاسل تاع 3س ثم غرزة حشو و نترك غرزة في الاسفل
9/نفس الخدمه سلاسل تاع 3 س +غرزة حشو
10/ نفس السطر السابق
11/في المنتصف نعملوا 2صدفات بيناتهم 1س
12/ 2س +صدفة " في 1س تاع السطر لي فات" +2س
13/نفس السطر السابق
14/نفس السطر السابق
15/نفس السطر السابق فقط في مكان الصدفة نعمل " 2 عمود+1س+2عمود+1س+2عمود"
16/في كل واحد سلسله نخلقوا صدفه نتحصلوا على 3 صدفات
17/نفس العمليه فقط في المنتصف نعمل نعملوا صدفة رباعيه " 2عمود+1س+2عمود+1س+2عمود+1س+2عمود"
18/في مكان الصدفة الرباعيه نخلق 3 صدفات جديدة " صدفة+2س+3صدفات+2س+صدفة"
19/صدفة +2س+صدفة فيها 7 اعمدة +صدفة +صدفة تاع 7 اعمدة+2س+صدفة
الان وصلنا للصدرية
هذا الباترون يوضح طريقة عمل السوتيان و لي ما فهمتش حاجة اميرتكمممممممم في الخدمه
نعملو طبعا الخيوط تاع السوتيان هكدا نكونو كملنا الجزء العلوي
الجزء السفلي سهل جدا جدا مجرد سلاسل تاع 10س +غرزة حشو حتى نتحصلوا على الطول المطلوب
و في النهايه نعملوا الحاشيه في كا قوس تاع 10 سلاسل نعملوا 7 اعمدة+بيكو+7اعمدة و غرزة حشو في نفس القوس و هكدا حتى ننهي العمل
يبقى التزيين كل وحدة و ذوقها انا فضلت نخليها سامبل و نتوم دبر راسكم
النتيجة النهائية
يا الله ورولي شطارتكم حبوباتيتييييييييييييييييييييييييييييييييي
تحياتي الحارة لكن
مبارك افتتاح الورشة،، يبدو أن الاقبال على التقلاش راه كبير الله يهنيكم
يعطيك الصحة أمورة على المجهودات المبذولة ،دايما متألقة الله يبارك
السّلام عليكم …
كيفكْ أميـــرة … إن شاء الله تمام
توحشتكْ وكل الفحلاتْ
ماشاء الله تبثّين روح الإبداع فينـــا …ربي يحفظك
لِ روحكِ (
)
إنتظري تطبيقي؛ღ
اميرة راني حبست الملوة باش نخدم هادي معاك على خاطر ما عنديش الخيط لدلك حنستعمل الكوتون تع الملوة و حتى اللون رائعبارك الله فيك اختي و اسمحيلي ما عنديش باش نصورلك لكن راني خدامة طوجور و متتبعة لاعمالكم ربي يوفقكم انشاء الله
hggi اله يبارك تهبل دائما متالقة اميرة الله يحفضك
و تقلشي و زيدي تقلشي الصور طول باه تطلع
المهم انا اول وحدة ترد اذن هادي الي خدمتيها نديها انا هههه
واععععععععععععععععععع انا رديت من هيه اقيتك فاسيتيه واعععععععععععع
مبروك بداية الورشة
حبيبتي حنديرها باللون الاحمر كيما قلتي
دوك نسي بصوف رقيقة ولا مخرجتش نشري غدو كتون
مبرووووك افتتاح الورشة ….
ما شاء الله روعة بارك الله فيك و جعله في ميزان حسناتك
شكراااا يا امورة 
,,,,,,,,,,انا لغدوة ان شاء الله نخرج نشري الصوف
شكرا امورتنا وربي يدوم عليك السعادة والهنا وربي يخليك لانك درتينا في بالك راني بديت وان شاء الله نستمرلان الخيط الي عندي رقيق والله اعلم لويكتاه باش نكمل راك عارفة لاتاي هههه ….راني غير نقصر منيش سمينة بزاف بصح مانيش ستايل كما كنت زمان على فكرة انا ام الاء مش ام علاء لك كامل ودي
7/ هنا نتحصلوا على 5سلاسل ثم 24عمود
اميرتي هنا مافهمتش 24 عمود وين نديرهم و كي درت سلسلة قيس لطاية ديالك غلقتيها و لا لا
شوفي واش خدمت نكمل راني صحيحة
[IMG]
[/IMG]
اختي تيتي راهي جاتك هايلة انا تاني راني كما انتي لحقت لثمة حبست باسكو ما فهمتش 24 داخين معاهم الصدفتين ولا نعملو صدفة ثم24 بريد ثم صدفة قلت مانكملش حتى نشوف مانضلش نسنسرانا غلقت الخدمة