هاااااااااااااي واش راكم؟
هدا وين كملت غسل المواعن
درت الغدا فطائر بالسلق والدجاج
قلت والله غير نحطها لحباباتي
بسم الله
المقادير:
عجينة العشر دقائق
واللي متعرفهاش هي:
2 كيسان ماء دافي
2 كيسان فرينة
اقل من فنجال سكر
2مغارف كبار خميرة كيميائية
ملح قيس العجينة
خلطيهم مليح وخليهم يخمرو لمدة 10 دقائق
ثم زيديلهم:
3 كيسان فرينة
نصف كاس زيت مخدومين مع بعضاهم بين الكفين جيداااااااااااااااا
واعجنيها مليح في اللول رايحة تلسق في يديك لكن من بعد تولي تتلم
وقد ما تعجنيها تجي هاااااااااايلة وخفيفة كي القطن
ربطة سلق
اغسليها وقطعيها رقيقة زيديلها فصوص ثوم شقيهم في الوسط ورقة رند وملح شوية برك وزيت وفلفل اسود وخليها على نار قليلة حتى تنشف من الماء تاعها وتطيب مليح
طرف جاج انا درت زوج صدور
اغسليهم واقطعيهم قطع صغيرة واقليهم في خليط سمن وزيت من بعد زيديلهم شويا ملح
صوص تومات
اغسلي الطماطم ورابيها مليح في الروبو وزيديلها الثوم المرحي وملح ومغريفة سكر وزيت ومغرفة هريسة وقرن فلفل حار وخليها على النار حتى تطيب
فرماج مثلثات
على حساب عدد الفطائر
كل حبة في فطيرة
فلفل اخضر حاراو حلو حسب الذوق
اغسليه وقطعيه دوائر
طريقة التحضير
اقسمي العجينة على ثلاثة اقسام
حللي القسم الاول على شكل مربع
واقسميه الى مربعات اصغر
انا هنا قسمتو على ثلاثة وكل ثلث على ربعة عطالي 12 مربع صغير
من بعد حطي فوق كل واحد منهم مغرفة صوص طوماط ثم مغرفة سلق ثم وزعي قطع من الدجاج ثم الفلف الاخضر واخيرا الجبن مثلثات
وحللي القسم الثاني واقسميه كيف كيف وخدي كل مربع غطي به المربع الاخر واغلقي جيدا
وحللي زوائد العجينة وشكليها اشكال اللي تحبي انا درت دائرة واوراق وحطيتها فوق المربعات
ودهنيها بصفار البيض المخلوط مع قهوة طايبة
ورشيها بالسانوج
وخليها تخمر شويا ودخليها للفرن
وهاهي لما طابت
شوفو شكلها
وهادي عن قرب:
من جهة اخرى:
واش رايكم؟
وهاهي من الداااااااااخل:
واش نحكيلكم على الهشاشة والبنة:
وهادي للتعذييييييييب:
ومع هادي درت القسم الثالث:
كيكة بنفس الحشوة:
حللت الجزء الثالث رقيق وفرشتو في المول تاع الكيك وطلعت الحواف كيما تارتولات
وفرشت صوص طومات ثم السلق ثم الدجاج ثم الفلفل ثم صوص طومات واخيرا الفرماج
وغطيتها بطبقة اخرى من العجينة
ثم دهنتها بصفار البيض المخلوط بالقهوة انا زدت الزوائد اشكال من فوق ههه خسارة نرميهم
وهاهي:
وعن قرب:
هادي لما قسمتها:
واش نحكيلكم على روعتها وخفتها سورتو كي فيها بزاف الحشو امممممم
وهادي عن قرب:
وهادي لكل وحدة قيمت جهدي وردت عليه
وهادي لكل من عجبتها لاتارت معليش رايحة تطل وهرب ههههههه
واش رايكم فيها؟
وهادي للتقريييييييييييييييب
واش الموضوع ميستاهلش التقييم؟؟؟؟؟
بــــــــــــــــــــاي واتهلاو في رواحكم
اوكــــــــــــــــــي
يعطيك الصحة باين بنييييييييييييين
|
المشاركة الأصلية كتبت بواسطة amina bourennane
 يعطيك الصحة باين بنييييييييييييين
|
شكرا حنونتي ذوقي وقوليلي
روعععععععععععععععععععععععععةةةةةةةة يطيك الصحة يا بنت ولايتي
رووووووووووووووووووووووووووعة روعة اله يبارك بصح نقولك حاجة اختي ريم وماتزعفيش ناقصاتك حاجة برك وتولي فور نتاع الصح لكاميرا لي راكي تصوري بيها برك خرجتلك طيابك شوية فلو كون تقدري بدليها ولا صوري ببورتابل يكون ضاوي مليح باه لجهدنتاعك مايروحش هكذاك واله طيابك يعجبنيوالدليل جربت زوج وصفات وخرجو فوووووووووووووور برك لملاحظة هذي لاحضتها ونشاله تاخذيها بعين لاعتبار وتتقبليها بصدر رحب لخاطر كلشي يشهي الله يبارك
|
المشاركة الأصلية كتبت بواسطة ام اجياد
رووووووووووووووووووووووووووعة روعة اله يبارك بصح نقولك حاجة اختي ريم وماتزعفيش ناقصاتك حاجة برك وتولي فور نتاع الصح لكاميرا لي راكي تصوري بيها برك خرجتلك طيابك شوية فلو كون تقدري بدليها ولا صوري ببورتابل يكون ضاوي مليح باه لجهدنتاعك مايروحش هكذاك واله طيابك يعجبنيوالدليل جربت زوج وصفات وخرجو فوووووووووووووور برك لملاحظة هذي لاحضتها ونشاله تاخذيها بعين لاعتبار وتتقبليها بصدر رحب لخاطر كلشي يشهي الله يبارك
|
اولا شكرا لمرورك ختي الغالية
ثانيا شكرا لكلماتك الرائعة فعلا والمشجعة
واكيد نصيحتك وصلت ورايحة نحاول يكونو نوعية الصور احسن مع اانني انا راهم يخرجولي واضحين جدا كي نعاود نقرى مواضيعي وراني نصور ضرك بورتابلي سامسونج gt-5230
.والكمرا تاعو 3.2 ميجا بيكسال
ربي يجعل مايدتكم ديما عامرة حنونة
وماتنساينيش بالدعاء عسولة
راهم كملوا ايقونات الشكر من بعد نحط لك راكي تسالي هههههههههههههههه
يعطيك الصحة من عندك اكيد بنينه