مرحبا كنت حابة نشاركم حلوياتي لكن للاسف حتى لليوم باش خلص المسيو وكنا مشومرين تاع الصح اظطريت هاد العام اني مانديرش حلويات بزاف كي العادةموالفة نوصل حتى 6 ولا 7 انواع والبقلاوة
لكن هاد المرة حضرت شيئ بسيط بحواظر البيت يعني نبشت في بلاكار المصروف وقعدت نلم في مكونات اللي عندي وخرجت بهادو هدا مكان الصح زوجي قالي ماعليش ماتديريش بصح ماهنانيش قلبي مانكلش قاطو داري نهار العيد وولادي خاصة
وصح عيدكم كامل دورك نرجع نجيب طبسي فارغ عمروهلي من عندكم ههههههههه
القاطو رانا ناكلوه كل يوم ماشي شرط نديروا بزاف ولا قليل المهم نديروا للفال و ساي
عيدك مبارك حنونة
كل عام وانت بالف خير تعيدي و تعاودي انشاء الله
وتاكليهم بالصحة و الهناء
صـــح عيـــدكم و كـل عــام و أنــتـــم بألــــــف خيـــر
|
المشاركة الأصلية كتبت بواسطة om kheiyrour
 معليش حبيبتي كيما يقولو ناس بكري البراكة فالقليل و البساطة هي احلى شيء
القاطو رانا ناكلوه كل يوم ماشي شرط نديروا بزاف ولا قليل المهم نديروا للفال و ساي عيدك مبارك حنونة
|
ايه عندك الحق راه جاي عرس خويا في 25 اوت وندير ونخلفها ان شاء الله هههههههههههه
صح عيدك اختي بارك الله فيك على المرور العطر
مول التاج يحتاج يا حنونة وراكي شاطرة ربي يبارك من لا شيء خرجتي حلويات عليها الكلام
وهذه هي المرأة الصالحة المدبرة
يعطيك الصحة أختي
وصح عيدكم
شكرا لرفع المعنويات حباباتي
مي بيناتنا جا القو تاعو يهبل والمقروط هادي اول تجربة ليا فيه كان خاطيني كنت نحب البقلاوة بزاف بالجوز وجوز الهند تخرج هبال
ونشكر سوسو سعيدة وراجية رحمة المولى ساعدوني فيه واخت اخرى والله اسمها شوية معقد كي نحوس عليه نعاود نحطو هنا
يعطيك الصحة يالفحلة المهم خدمتي وفرحتي أولادك نتاع الصحة هايلين ومتحوفين ….بارك الله فيك وووووصحة عيــــــــدكم
44444444444444444444444444444444444
الله يبارك الفرحه ياختي في القلب ماشي في كثرة الحلويات الانسان كي يكون متهني وفرحان الدنيا وما فيها
والفاطو تاعك الله يبااااارك عليه
صح عيدكم
عيد سعيد زهور الفل
المهم في الهنا حبيبتي ولمة الاولاد هذاك هو الصح
الايام جاية وطبقي وزيدي
المهم كي خلطتي شوي حلاوة هههههه ماشي لازم عشرة انواع المراة الفحلة لي دير شيء من لا شيء
صح عيدك
المهم كي درتي فال العيد باش الأولاد يفرحو ربي يحفظك و صح عيدك
بارك الله فيكم وصح عيدكم
يعطيك الصحة وتبارك الله تعيدي وتعاودي
;