صباح النور حبيباتي نتمنى تكونو في احسن الاحوال اليوم عندي ليكم وصفة اقتصادية كانت ديرها ماما كي تحصل ما تلقاش واش دير عشا
وانا راها مسلكتني ههههههههه
هي في الحقيقة حاجة بسيطة وكيما قالت الاخت الوهرانية هاذا منتدى فيه مبتدئات
نبدا على بركة الله
جيبي كمية من البطاطا على حساب افراد العائية و غير كثرو ما تخافوش ماراح تبقى لا حبة 
قطعيها دوائر واقليها بلا ما تكثري الملح و كل وحدة وطريقتها كاين لي تملح البطاطا قبل القلي كاين لي بعد المهم ما تملحيهاش بالزاف
في الوقت لي تكون البطاطا تتقلى وجدي الصلصة تاعك جيبي حبة طوماطيش ارحيها ورابي عليها سنينة ثوم و م
غرف صغيرة طوماطيش مصبرة و نص حبة جومبو دجاج نص برك على خاطر الصلصة قليلة و ماديروش الملح و شوية معدنوس مقطع كاس شاي تاع ما و خلي الصلصة تاعك طيب على نار هادية
كي تشوفي البطاطا تاعك طابت ارفديها حطيها مباشرة في الصلصة لي وجدتيها و خلطيها معاها
هنا عندك الاختيار ممكن تجيبي صينية تاع الفور و تدهنيها بشوية زبدة و ديري فيها البطاطا و دخليها للفرن غير حساب ما تدي النكهة تاع الفور تزيدي فوقها شوية فرماج رابي اذا كان متوفر واذا ماكانش ممكن فرماج مثلثات او ماديريش
او انك ديري كيما انا كنت مزروبة خليتها غير في الطاجين او مقلة كبيرة و تغطيها لدقائق و تقدميها بالصحة و الهنا
الوصفة اقتصادية و بنينة في نفس الوقت وممكن ديري معاها سلاطة برك او تقدميها مع دجاج محمر او اي حاجة عندك
اه اذا كانت عندك صلصة تاع دجاج ديريها في بلاصة الصلصة تاع الطوماطيش رايحة تجي بنيييييييييييينة
تقبلو مروري سلااااااااااااااااااام
طريقة اقتصادية وتبان بنينة صح الف شكر
نجربها ونردلك الخبر
شكرا حنونة
سهلة و طيبة
بارك الله فيك
شكرا على المرور شرفتوني
امممممممم روووعه وتشهي وسهلة بارك الله فيك
خلاص ياام رجا راهو جاني واش ندير الغدا عندي مرقاز وكنت حندير لابيري وكي شفت تاعك قلت نبدل شوي مرسي حبيبتي
بارك الله فيك
يعطيك الصحة ام رجاء
|
المشاركة الأصلية كتبت بواسطة أم إناس
 امممممممم روووعه وتشهي وسهلة بارك الله فيك
|
فعلا الوصفة تشهي شكرا
|
المشاركة الأصلية كتبت بواسطة asma mansor24
بارك الله فيك
|
العفو اختي
|
المشاركة الأصلية كتبت بواسطة ماريا205
يعطيك الصحة ام رجاء
|
شكرا ماريا
|
المشاركة الأصلية كتبت بواسطة وفاء سعاد
خلاص ياام رجا راهو جاني واش ندير الغدا عندي مرقاز وكنت حندير لابيري وكي شفت تاعك قلت نبدل شوي مرسي حبيبتي
|
على سلامتك وفاء
جربيها و ما تخافيش
شكرا اختى تنفع للمبتدئات و حتى المحترفات
|
المشاركة الأصلية كتبت بواسطة tokio hotel
شكرا اختى تنفع للمبتدئات و حتى المحترفات
|
العفو اختي
صباح الخير حبيباتي شكرا على الوصفة رائعة 
يعطيك الصحة اقتصادية و فيها نوع من التغيير – قتلنا الروتين –