اليوم راح نديرلكم كيما يسموه ناس بسكرة عيش الصالحين أو بو مفور
* تفتلي عيش أو بربوشة خشينة هو رقيق على العيش
* فوري قدر كيلو أو كيلو و نصف كيما البربوشة 2 مرات أو 3 حتان يرطاب
* وجدي البرمة: نصف ربطة بصلة خضرة مقطعة شوي خشينة مع 2 حبات بصل مدورة مقطة كالأخرى
* ذبليهم في الزيت مع رأس ثوم مهرس و ملح و نصف مغرف أكل شحمة ذايبة
* ضيفي فلفل حار مهرس و نصف ملعقة أكل راس الحانوت و مثلها فلفل أحمر اللي يحب الحار يدير الحار 2 أو 3 حبات طماطم مرحيين و ملعقة و نصف أكل طماطم مصبرة
* يغلي كل شيء مع بعض لكن مايطولش في الغليان(10 دقائق أو 15) و إذا جاك خاثر بزاف زيدي نصف كاس ماء و ضيفي ربطة دبشة مقطعة
( اللي يحب يجيه حامض و بنين يزيد الفرماس (الهرماس) تغليه و ترحيه و تضيفيه مع الطماطم)
( و اللي يحب الكرنب يقطعو طراف صغار و يغليه في الماء و الملح و صفيه و لوحيه مع باقي الخليط يطيب معاه راهو يجي هاااااااااايل)
* أطفي النار و حطي بومفور في قصعة نتاع عود و أفرغي عليه الخليط و خلطيه ملييييييييح و كولي بصحتك
كي نطيبو نحطلكم التصاور
يعطيك الصحة على الوصفة باينة بنينة خاصة في هاد البرد تسلمي
السلام عليكم و رحمة الله و بركاته أنا نحب هاد الأكلة بزاف و كل ما ديرها جداتي نكل حتى يجيني الرقاد هههههههههههه لاخاطر ماما بسكرية بصح لكرمب مايديروهش ؟؟؟؟؟؟
بالاك انت جربتيه بلكرنب و عجبك أما أنا كليتو بلا لكرنب و بنين هايل يعطيك الصحا على الوصفة و كي طيبيه حطينا الصور مشكورة أختي على الموضوع
والله طبق بنين بزاف جربوه ماكمش رايحين تندمو عليه مشكورات اخواتي على
زيارتكم صفحتي
merciii ma soeur
يطيك الصحة هايل نموت عليه حنا نقولولو الحبات يجي هايل نزيدو عله البطاطا والزرودية مقطعين مكعبات ونفوروهم
وفي اللخر نحطولو الزيتون لكحل شحال بنين
يعطيك الصحة
وصفة تقليدية رائعة جدا
امممممممممم يبان بنينيعطيك الصحة
يطيك الصحة
بارك الله فيك يا اختي
مشكووووووره
مممممممممممممم سخفتيني امس كليتو هدا احب طبق الى قلبي بصح منديرولوش كرمب المهم يعطيك الصحة
يعطيك الصحة نموت على هذا الطبق بصح احنا مانديرولوش الشحمة ومانديولوش الماء ونديوه بهاد الطريقة وكاين طريقة اخرى