ان شاء الله يكون جاز مليح
حبيت يكون الموضوع متكامل حول العيد من بيتنا
و تشوفو كيفاش يمر يوم العيد من منطقة مازونة و في عائلتي الصغيرة
ننهض في الصباح الباكر على صوت تكابير العيد الاتية من المسجد
فنشرب القهوة مع الحلوات المحضرة و المسمن طبعا
https://www.djelfa.info/vb/showthread.php?t=1441714
ثم يتوجه الرجال الى المسجد لصلاة العيد
اما نحن فبدأ حملة التحضير للعيد
فنقوم بتحضير سنية القهوة للذحاب الذي يجي بعد الصلاة
و حتى تحضير البطاطا من غسلها و تقشيرها باش يبقا غي القليان
و ماما ربي يخليها تحضر حتى المتوك تاع العصبان و توجدو ترابي البصل و الطمامم الثوم و دير القصب و زبيب و تخليهم على جيهة
و انا رحت نصور السي الكبش لي كي شافني خزن مةر الشجرة ههه
و هنا كان طالق روحو بدا يوالف
كي جا بابا من الصلاة وجد الطارفة لي عاد يعلقو فيها الكبش
و انا حطيت الباسنات باش يديرو فيهم الدوارة و الزليف باش مايوسخوش الدار راكم تعرفو دك يبداو يهلو الضيوف
و بعد ماستنينا السي الذباح يشرف حتى خرج قلبنا 
هاهو جا و قضى على الكبش
وهاهو مسلوخ
نحاولو الدوارة اللي كانت مملوءة لأنو قضى على شدرة الليمون بات ياكل
خلاص كملنا من عملية الذبح
ديت بوزلوف غسلتو من الدم
و هاهم الرجلين
و بدأ الجد و العمل ههه غيرت ملابس العيد الجدد و الباهيين
ههه بدينا نشوطوفالبوزلوف و الدخان و الروائح ممم
و لما كملناه انا تكلفت بعملية غسله و ماما راحت توجد الفطور غاد نحطو في موضوع مستقل
و هاهو ولا انوش ولا واش تقولو
ة هنا بعد ماقطعونا بابا تحت اشراف ماما ههه ربي يخليهم
بعد مافطرنا و غسلت الماعن بدينا في تنضيف الدوارة
اسفة مصورت يديا كانو موسخين المهم غاد نقلكم واش دارنا
بعد تفريغ الفضلات اعزكم الله
نغسلو المصارن مليح مليح بالماء و من بعد نفتحوهم سراءا بسكين او بالاصبع نشلوهم مليح بماء فيه جافيل ومن بعد
نعملو ضفاير كل مصران نظفروه على نفسو ز نقطعو الرية و نغلوهم ثم نصفوهم و نغلوهم يبردو مغلو الكرشة و طلاق 7 نسا و نقوهم تاني لاوم 2 وحدة تشد و وحدة تنحي بالسكين تكون بزاف سخونة و من بعد نقصو الكرشة على قد حبات العصبان اللي نحبو فهمتو الدرس هههههههه
هاهي الكرشة بعد ما قصينا
دوك الرية و المصارت نقصوهم بالمقص صغار بزاف و نخلطوهم مع خليط الزبيب اللي حضرناه من قبل تفكرتوه ههه
و نديرو التوابل المهم لحبيت الوصفة قولولي و نعركوهم مليح هاهي ماما تخلط
و هاهو واجد
و هنا بعد ما عمرنا العصبانات
و هاهو واجد ممم بعد ما توليت انا عمليت التخياط ههههه ماتنساوش راني في الدومان تاع الطب تعلمت فالكبش ههه
فالعشا طيبنا التيشة ببوزلوف غاد نحطها في موضوع وحدو
و هاهو الكبش بعد ماشرفنا ليلة كاملة في المطبخ
قام الوالدين في الصباح بتقطيعه اكيد و خرنا نتاع الهدية و الصدقة
ثم الشواء و في الغذا درنا الطعام بالمرقة نسيت مصورتوش
نتمنا عجبكم موضوعي
في انتظار التقييم باش نزيد
ماشاء الله اختي النجمة جو راااااااااااائع
كل عام وانتم بخير
اللهم ادمها نعمة
ما شاء الله ربي يبارك وعيدكم سعيد
saha aiiidek okhtii
dahaktini ki kela kaml chajra ta3 el9ars
bessahatkom
اسعدني مروركم و تنويركم صفحتي
عيدكم سعيد و كل عام و انتم بخير
ما شاء الله موضوع جميل
ما شاء الله ربي يبارك وعيدكم سعيد
عيدكم مبارك سعيد
كل عـــام وأنـتـم بألـــــــف خيــــــر
شكرا لك أختي على هذه الأجواء الجميلة
تستحقين التقييم لكنني للأسف استنفدت اليوم القدر المشترط في التقييم
لكنني شكرتك على هذه الاجواء الدافئة
اسعدني مروركم و تعطيركم صفحتي بهذه الردود العطرة
موضوع رائع يا ريت لوكان صغرتي التصاور
allah yebarek bessahetkom w yen3ad alikom b kheir nchallah
ما شاء الله ماخليتي حتى مرحلة تفوت بصحتكم
