عيدكم مبااااااااااااارك وكل عام وانتم بالف خير
اليوم درت العصبان التاعي وبغيت نوريلكم الطريقة بالتفصيل غير الممل هههههه
المقادير:
لحم مقطع مربعات
ملح
ارز
قصبر
فلفل اسود
كمون
كروية
فلفلة حمرا
بصلة صغيرة مفرومة
2سنينات ثوم مفروم
1/2 ملعقة طماطم مصبرة
زعفران
نخلط جميع المكونات ونخليهم شوية باه يداخلو مع بعضهم بعض
نحضر المصران الغليظ تاع الكبش طبعا هههههه …نظفه مليح مليح
نخيطه من جهة او نمسكه بخيط ونبدا نعمر حتى لاخر المصران
وفي الاخير نحزمه بخيط
اتمنى يعجبكم….
وهذي صورة العصبان اللي درته قبل تاع الدوارة اللي نديروه في البركوكس
وهذي صور لكل عصباناتي اللي خدمتهم اليوم نتمنى تنال اعجابكم
في قدر مضغوط
(كيكوت)
نقلي البصل بشوية زيت
ونحط العصبان ونقليهم مليح
ثم نضيف الطماطم +الملح+الفلفل+الكمون+
الكروية+الزعفران
ونخليه يتقلى مليح
وضيف الحمص المنقوع
نحط شوية طماطم مصبرة
نحط شوية ماء حتى يتغطى العصبان
ونغلق الكيكوت ونخليه يطيب
ونقطع البطاطا مربعات ونقليها
و كي يطيب العصبان حطيه مع البطاطا بهذه الطريقة
عيد مبارك وكل عام وانتم بخير
|
المشاركة الأصلية كتبت بواسطة enar
 بصحتكم العصبانات ربي يبارك و يزيد ، قوليلي برك ماهي الاطباق اللي ديريها مع العصبان او تقدميه مقلي وحدو ،….ارجو ان تفيدينا في كيفية تقديمه….و صح عيدكم بلا ما ننسى
|
صح عيدك بالنسبة لعصبان اللي في المصران نديره مع مرق حمص و تكون مرقة قليلة وثقيلة شوية اما العصبان تاع الكرشة نديروه في البركوكس 
44444444444444444444444
بصحتكم ومبروك عيدك وعيد كل الاخوات في منتدانا الغالي
كل عـــام وأنـتـم بألـــــــف خيــــــر
الله يبارك نفس طريقتي
منننين شفت معسكر قلت راها جارتي
هي 29 وانا 27 هههههههههههههههه
ربي يدومها اخيتي وصحا عيدك
بارك الله فيك
ما شاء الله باااااااااااااارك الله فيك وصحا عيدكم كل عام وانتم بخير
بصحتكم وربي ادومها نعمة
بارك الله فيك أختي
و ممكن تخدمي عصبانات من قطع متنوّعة من "الدّوارة" ، و" للبركوكس" يمكن اضافة كريّات اللحم المرحي ، للتنويع برك ..
……
و يمكن اضافة الحمّص "المنفّخ طبعا " للعصبانات التّي ذكرتِ اعلاه و يُحتفظ بالكلّ في الكونجيلاتور لوقت الحاجة
و كفكرة اضافية ، يمكن استخدام "الفينة" مكان "الكرشة" ان لم تتوفّر بالقدر الكافي ^^
عيدكم مبارك و تقبّل الله منا و منكم
ربي يحفظكم اخواتي …وشكرا لكل من ردت علي ردا جميلا
عيدكم مبارك وكل عام وانتن بالف خير
