السلام عليكم حبيت نحطلكم هذه الوصفة لي يديروها الشرق يحبها راجلي بزاف راني طولت عليكم
نوجدو مرقة تاع الطعام نقلي بصل مع اللحم ولا مكانش معليش مع الزيت نمرقو بالما ونزيدوالخضرا واش عندك مع التوابل ملح فلفل عكري فلفل أسود كسبر كمون وراس الحانوت طماطم مصبرة خليها الطيب
نروحو للعصبان
نسكرفجو لبصل مع سنينات ثوم وحشيش ونعناع وشوية شحمة والطماطم حبات حبة برك وطماطم مصبرة5حبات بيض وتوابل لي درتيهم في المرقةو5غرارف مرقة تاع الطعام امبعد طميها بالدقيق الرطب تكون جارية شوية كي المسكوتشو عمريها في شكرة تاع السباقيتي وربطيها ولا خيطيها وتقبيها 3ثقب وحطيها تفور شوية امبعد ارميها في المرقة تكمل الطياب قطعيها وسقيها بالمرقة وبالصحة والهنا كاين لي يكولها بلا مرقة
طبق جديد عليا يعطيك الصحة هكذا نتعرفو علي اكلات بلادنا تسلم ايدك
يعطيك الصحه وشكرا اختي