— عزوف الشباب عن الزواج بين المادة و حسن الاختيار# رايك يهمنا 2024.

موضوع مسروق من ستار تايمز

بختصار اخي هو بين المطرقة و السندان
بين مدرقة الغلاء في المهر و التكاليف و بين سندان ندرة النفائس اي الزوج الصالحة التي تستحق ان تبدل من مالك و جهدك لتقاسمها و تقاسمك حياتكما في كنف طاعة الله

انا اقول 100%ماااااااااااااااااااااااادي

السلام عليكم

أولا صاحب الموضوع مشكور على موضوعه سواء كان منقول أو غيره الفائدة أن تركز على مضمون الموضوع وليس عن أنه من منقول أو لا

ونرجع للب الموضوع

أتكلم عن نفسي أن القضية هي مادية 100/100 ونقلكم بنات الفاملية موجودات وبكثرة فقط عليك بالبحث والدعاء بالزوجة الصالحة

وبارك الله فيكم

السلام عليكم ورحمة الله

اسمحولي بمداخلة المرأة الصالحة الأغلبية الساحقة اهلم يكون صالحين و يفهمون ملييح معنا الزواج و ييسرون فيه اذا لقاو الزوج المناسب هذا من جهة من الجهة اخرى الشاب حتى وان كان فقير و لقا الزوجة الصالحة و كان هو مثقي يسعى جاهدا باش ما يخسرهاش تجده يتقرب من اهلها لعل و عسى ان يخففو عليه اذا رفعو تكاليف الزواج واغلبية الاسر يحوسو زوجو بناتهم و المهم تعيش فالهنا و الرزق على الله المهم البنت ما توليش لدار مكسورة الجناح

هذا قاع راني نهدر على الاسرة الصالحة الي ربو بنت صالحة
فهل كلامي منطقي في نظركم ؟
ان كان منطقي هل يمكن ان نقول ان الزوجة الصالحة قد لا تكلف او يكلف اهلها في الزواج اي بوجودها يسقط العائق المادي ؟؟؟

في نظري المشكل مشك نقس النفائس المادي يمكن تخطيه يا لو كان تستدين و تعيش لسنوات في دائق مالية بصح اذا كانت المرأة صالح تاع الصح توقف معاك ..

اقتباس:

المشاركة الأصلية كتبت بواسطة مزالنا واقفين السلام عليكم ورحمة الله اسمحولي بمداخلة المرأة الصالحة الأغلبية الساحقة اهلم يكون صالحين و يفهمون ملييح معنا الزواج و ييسرون فيه اذا لقاو الزوج المناسب هذا من جهة من الجهة اخرى الشاب حتى وان كان فقير و لقا الزوجة الصالحة و كان هو مثقي يسعى جاهدا باش ما يخسرهاش تجده يتقرب من اهلها لعل و عسى ان يخففو عليه اذا رفعو تكاليف الزواج واغلبية الاسر يحوسو زوجو بناتهم و المهم تعيش فالهنا و الرزق على الله المهم البنت ما توليش لدار مكسورة الجناح هذا قاع راني نهدر على الاسرة الصالحة الي ربو بنت صالحة فهل كلامي منطقي في نظركم ؟ ان كان منطقي هل يمكن ان نقول ان الزوجة الصالحة قد لا تكلف او يكلف اهلها في الزواج اي بوجودها يسقط العائق المادي ؟؟؟

انا لا اظن انه بــــوجود المراة الصالحة يسقط العائق المادي……..يا ودراهم فيها فيها…….لان العايلة هي لتحــــكم

حتى ولو ما طلبوش الكثير يطلبوا القليل……

خطيبي مسكين مشكلته المادة خطرات حتى يشفني تاع الصح…مي راني حاسنا عونه متخرج قاري و زيد متميزر فالخدمة شا يدير يسرق …الله غالب الرزق على ربي و انا راني قابلة بلي كتبنا ربي

اقتباس:

المشاركة الأصلية كتبت بواسطة بن عمير 22 انا لا اظن انه بــــوجود المراة الصالحة يسقط العائق المادي……..يا ودراهم فيها فيها…….لان العايلة هي لتحــــكم حتى ولو ما طلبوش الكثير يطلبوا القليل……

السلام عليكم كيراك الراجل الزين

راني معاك بصح ما قريتش مليح واش كنت قول فالرد
و من جهة اخرى باغي تدي شيرة باطل هه هاو لازم تبين دراهمك : )

هوما كاين لي يغلي تكاليف بزااف المهمر الأغلبية ما يطلبلكش بزااف بصح كي زيدلها الذهب و الهدايا لي نتا تقدمهم و لي البنت ت تجيبهم لأهلك ونتا تخلصم بطريقة غير مباشرة و تكاليف الوليمة و الشكليات الأخرى تماك الكارة

و من جهة اخرى غلاء تكلفة الزواج على واحد ما عندهش تأتر حتى على العلاقة بعد الزواج ……

اقتباس:

المشاركة الأصلية كتبت بواسطة وسام المؤمنة خطيبي مسكين مشكلته المادة خطرات حتى يشفني تاع الصح…مي راني حاسنا عونه متخرج قاري و زيد متميزر فالخدمة شا يدير يسرق …الله غالب الرزق على ربي و انا راني قابلة بلي كتبنا ربي

و الله ختى ران في نفس ضرف مع خطيبك و قاع رانا طايحين يايضن …. المهم ستحفضو عليه و ما عليش اذا درتو عرس بسيط و تخليتو على العديد من التقالديد المهم ما تخسروش راجل ناوي خير
و الدنيا هذي غير متاع الغرور و الانسان ما لازمش يغتر بيها
و الزواج عشرة مشي ليلة العرس

ربي سهلكم ان شاء الله : )

انا من رايي الجانب المادي وشروط بعض الفتيات التعجيزية