عدم المبالاة 2024.

جبتلكم موضوع للمناقشة
كيف نوفق بين زوج كل همه عمله من 5 صباحا الى 5 مساءا او اكثر ياتى الى البيت ليرتاااااااااااااااااااااااااااااح .يغتسل و ياكل و يناااااااااااااام
و يوم العطلة الاسبوعية لا يريد الازعاج ينام حتى 12
و لما ينوض يلعب قليلا مع اولاده ثم يدهب الى المسجد يصلى يحضر الدروس الدينية حتى العشاء
و الزوجة ماكثة فالبيت تهتم بالبيت من الالف للياء.اولاد .فضيان.اوراق ادارية ….
تتجول فى المنتديات تبحث عن مواضيع فى السعادة الزوجية .تستمع لدعاة و دروس لاسعاد زوجها
تنتضره كل مساء بشوق تلبس له احلى الباس .تعد له احلى الاطباق.تحاول ان تغير فى شكلها من قصات شعر و الوان
و لللللللللللللللللللكنه لا يبالى
حتى انها اخر مرة غيرت لون شعرها من اشقر الى بنى يعنى فرق واضح لم ينتبه لمدة يومين حتى اخبرته

السلام عليكم تاع فرانسا كامل هكذا حتي انا زوجي واش حديري نهار كامل وهما يجريو اذا ماشي الخدمة تلقايهم يخدمو فلوراقي هذي بلاد الجري حاولي فالوكاند تخرجو بدلي الروتين ربي كون معاك اه انسيت معانا احمدي ربي كيميكونش برك تاع حوايج خرين سلام

اختي رانا كامل هكدا كي نشكي يقولي علاه العيشه فلخارج خلاة وقت للرومنسيه نهار كامل و هما يخدمو و يجرو ربي يكون معانا و كيما قالتلك الاخت شوشو هكدا و لا كتر

اقتباس:

المشاركة الأصلية كتبت بواسطة loubna 91 اختي رانا كامل هكدا كي نشكي يقولي علاه العيشه فلخارج خلاة وقت للرومنسيه نهار كامل و هما يخدمو و يجرو ربي يكون معانا و كيما قالتلك الاخت شوشو هكدا و لا كتر

يا اختي نعرف وحدة هي لتخدم وراجلها اضال قاعد تشف لحجر تضال تجري هي علي ولاتها ودارها ربي يهديهم .والاخت اصبري لمعيشة هنا واعرة كاينين خرين ميشفوش ولاتهم خلاص ربي كون معانا في غربتنا سلام

السلام عليكم

لا للتعمييييم يا جاراتي

هناك فقه الاولويات على الرجل أن يتعلمه ومن المفروض أنه تعلمه في حجر أمه !

أما عن العاملات هن من ارتضين ذلك الوضع لأنفسهن …

اقتباس:

المشاركة الأصلية كتبت بواسطة لينة نور السلام عليكم لا للتعمييييم يا جاراتي هناك فقه الاولويات على الرجل أن يتعلمه ومن المفروض أنه تعلمه في حجر أمه ! أما عن العاملات هن من ارتضين ذلك الوضع لأنفسهن …

وعليكم السلام صح وشقلتي لكن هنا لمعيشة غير الوقت كامل معمر بالنسبة لمراة والراجل ربي كون في العون

السلام عليكم ورحمة الله تعالى.
باينة قلبك راه معمر أصبري وخلاص .

سلام عليكم اختي نصيحتي لكي هي الصبر وزيد من الفوق عقلية الراجل راهي موش كيما نتاع المرا تفكيرو لبعيد وراسو راه معمر لازم تساعفيه وزيد الشيطان لعنة الله عليه راه يخليك تحسي بلي راجلك مقصر معاك باش يوصل للفتنة بين الزوجين وهذا مبتغاه واكبر جائزة عندو رجاءا متخليهش يربح بالعكس شوفي الحوايج الشابين في راجلك مدام لاتي باولادو ويلعب معهم وخدام خاطيه المشاكل واكبر نعمة الي معضم النساء تتمناها في راجلها هي الصلاة والذهاب الى المسجد راك في نعمة ربي يباركلك وزيد واش ادير المراة مع راجلها قليل وانك واقفة معاه قليل من النسا الي مديرينها اعتز بنفسك وادعي ربي يحفضلك راجلك واولادك
اتمنى نكون افدتك وكلامي ميونش اثقيل علا قلبك

شكرا للاخوات اللى نصحونى رانى صابرة و نحوس نلهى روحى بولادى ما نعمروش فى راسي باش ما نزعفش

نلهى روحى بولادى ما نعمر وش فى راسي باش ما نزعفش

لماذا لا تبحثين عن طريقة اخرى

اقتباس:

المشاركة الأصلية كتبت بواسطة hadjsalim نلهى روحى بولادى ما نعمر وش فى راسي باش ما نزعفش لماذا لا تبحثين عن طريقة اخرى

ما هي الطريقة

اقتباس:

المشاركة الأصلية كتبت بواسطة لينة نور السلام عليكم أختي مريم ، من المفروض التسوق و كل ما يتعلق بالاوراق هو من دور الرجل ……فليس من المعقول أن تقومي بالاثنين اللهم في حلات ناذرة …. عذرا على السؤال ، هل هو من طلب منك ذلك أم أنك من عوده منذ البداية ؟ ثم هناك مسألة الفواتير وغيرها مما يمكننا تسويته عبر الانترنت … ( prelevement automatique ) يعني لا يستحق الخروج من البيت … طيب لمذا لا تحاولين استدعاءه لجلسة تحاور وتشاور بالعقل والمنطق ،تفهمينه أن التسوق ليس من عمل المرأة ولاغيره من الاعمال الخارجية أو تكتبين رسالة لأمام حيكم تطلبين منه تنبيه الرجال عموما عن ظاهرة تكفل المرأة بأعباء البيت كله .. واذا استجاب هنا تبدأ مهمتك ، بشكره والثناء مما يجعله يستعذب المسألة ….. ولعلكما تتفقان على شراء مصروف يكفي لمدة شهر مثلا وتقومين باذخاره والتصرف بطريقة ذكية بحيث لايكون هناك اسراف . وهي طريقة تخفف عليك الذهاب والاياب يوميا الى المتاجر واخلاء بيتك وانهاك صحتك …. لا ترضخي للأمر الواقع يجب الاجتهاد في البحث عن حلول جذرية … السلام عليكم عذرا على التأخرفي الرد أختي ، ما الذي يجعل الحياة هنا ليست كالحياة في مكان آخر ؟ ما الفرق ؟

اختى لينا نور بالنسبة لزوجى فهو يعمل طوال اليوم و عمله شاق يصل حوالي 5 او 6
تكون المكاتب قفلت .و القضيان ما يلتزمش بالقائمة و يخربلى الميزانية نبعثوا يشرى و نندم
فالاول ماكنتش حاسة بصح ضرك مع 3 اولاد ما قدرتش .مرات نستناه حتى يجى يحكمهم باش نروح نقضى
انا مشكلتى رومنسية و نحب نعيش مليح و هو عملى و ما يعبرش بزاف

Hatiti yadak 3la ljorh y’a khti allah yjib lkhir

يا اخواتي اتقو الله لازم انتم تصلحو وتديو للخير هي بلسانها قالت انو عمل زوجها شاق يعني فوق طاقتو ومتتوقعوش من رجال يكونو كيما نتاع المسلسلات مهند…؟هاذ الوقت الراجل همو يكفيه واكبر نعم انو الزوج يكون صالح ومتدين تحطي راسك على لمخدة وانت متهنيا
انا نعرف نساء منهم الي رجلها يسكر والاخرى رجلها يخونها ولاهامو واخرى راجلها بعيد على ربي وبخيل وميصرفش عليها مليح……….وكثير من الحالات المهم المراة لازم اتشوف الي اسء منها لا الي اكثر منها
يارب سخر لك زوجك كما سخرت البحر لموسى امين