اللهم صلّ على سيدنا محمد صلاة ترضيك وترضيه وترضى بها عنّا يارب العالمين
وعلى اله وصحبه اجمعين والتابعين باحسان الى يوم الدين
وش احوالكم حبيباتي
اولا نعتذر على التأخير
كان النت ثقيل ومنبعد ماكنتش في داري
وثانيا نشكر حبيبتي ام كوثر على التثبيت جزاكِ الله خيرا
وثالثا نشكركم على الردود الطيبة يا بنات
ربي يخليهالي …وماتنسونيش من صالح دعائكم
ربي يرضى علينا وعليكم
كما العنوان يقول عجينتي الطرية مانبدلهاش بعجائن الدنيا
هههههههههه
لكلش تصلح …ومازال اطباق عديدة كنت جربتها
بافكار شفتها على النت وماصورتهاش
ان شاء الله كل مانعاود وحدة نحطها في هاذ الموضوع
حتى تشوفو بلّي بالفعل عجينة متعددة الخدمات
رائعة لذيذة ..مقرمشة…خفيفة وقطنية
تصلح للبيتزا والميني بيتزا وتجي مقرمشة خفيفة وبنييييييييينة
والله احسن من نتاع برّا …فقط تبعو الخطوات
لانواع الهمبورجر
للموالح في حفلات النجاحات رائعة وخسارة ماكنتش صورت
وان شاء الله لما تتاح لي الفرصة نصورهملكم
للشوصون ،لعجائن الجبن …لخبيزات بالتوابل
معجنات بالسلق باللحوم او الدجاج…
المهم الليستة طويلة…
فقط اطلقي العنان للابداع لانه الاساس مضمون
لو تتبعتي الخطوات
المقادير:
5 كيسان فرينة+بيضة كبيرة+3 معالق كبيرة زيت+ملعقة كبيرة سكر+ملعقة صغيرة ملح+ملعقتين صغار خميرة الخبز+ماء للعجن
بالنسبة للملح يمكن الزيادة او النقصان حسب الذوق وحسب الحشو المستعمل
يعني اذا كان حشو مالح ننقصو الملح
واذا كان حلو ننقصو الملح كذلك
نحطو المقادير في الخلاط الكهربائي
واذا ماكانش مش مشكل اطلاقا
نعجنو ونلوحو الماء بالشوية
حتى نتحصلو على عجينة طرية
نكملو عجن حتى ماتعودش تلصق في اليدين بزاف
ويمكن الاستعانة بشوية فرينة
لكن لو عجانة يسهل الامر بزااااف
شوفو العجينة
نحطوها تختمر ونغطّوها بمنديل مطبخ وبكيس
واذا كان بارد الحال
نحطّو كاسرولة فيها ماء على النار
لمّا يغلي نطفي ونحط فوقها وعاء العجينة
هذا يساعد على اختمارها بالخف
تشفاو على العوامل المساعدة على نشاط البكتيريا 
في دراسة الوسط زمان…هاذيك هي
ههههههههه
شوفو ماشاء الله كي تخمر
اذا درت كمية كبيرة نجبد بالشوية ونشكل
نرش طاولة العمل بالفرينة
ونحلّها بالقنوط
خلاص …مبدئيا العجينة واجدة لكل انواع العجنات
واشهرها طبعا البيتزا
واللي بهاذ العجينة قادرة تعملي بيها 20 نوع وربما اكثرمنها
بصوص الطماطم العادية وزيت الزيتون واللي هي ألذها وأبسطها
واللي بالطماطم والجبن طبعا الذااااااااااائب
واللي بالمرقاز واللي باللحم المفروم واللي بالفطر
واللي بالدجاج واللي بالكروفات….
اهنا صورت اللي بكريّات اللحم المفروم والطماطم الكرزية البسكرية
تحية لناس بسكرة العزااااااااااااز 
وقرمشة مانحكيلكمش
جربوها وتشمو ريحتها بنييييينة
واللي محشية بالفرماج
تحبو تذوقو
وهاذو خبيزات بزيت الزيتون و
ممممممممممم
مع شريبة او حريرة سخونة في الشتا مانحكيلكمش
وهاذي حبوبتي في رمضان
نكلّح بيها النّاس اللي مايحبّوش ياكلو الأكل البايت
نديرها كل يومين في بلاصة البوراك ونلم فيها بواقي الاكل ياكلو ويقولو ممممممممممم الماكلة اليوم بنيييييينةهههههه
ياربي مايطيحش الموضوع هذا في يد واحد من افراد العائلة الكريمة
وميني بيتزا هايلة والتزيين حسب الذوق
هاذي موالفة نديرها لبواقي الحوت بأنواعه
نزيد معاه زيتون وكمون ومعدنوس
هاذي بالجبن
وهذا درتو هاد السمانة تطبيقي لفلة ربي يجازيها خير على الفكرة
https://www.djelfa.info/vb/showthread.php?t=1511956
وهاذ بحشو الطماطم والمرقاز
بنّنّنّة
وهاذو ميني هومبرجر
وهاذو بصوص طماطم عادية
وهاذي بالمرقازوالفلفل والطماطم والزيتون والجبن ممممممممم
وهاذي فكرة هزيتها على سلفتي
ادّيرها للاولاد الصغار في العيد بخبز الدار
ويفرحو بيها ماتتخيلوش
وهكذا اذا كنتي رايحة عند ماماك او عجوزتك
ومحتارة وش تدّي في يدّك مكان الحلو
او خارجة تحويسة مع العشية في الربيع ممممم
تدّيها للاولاد
نقوللك احسن وألذ وأجود من هك ماكانش
وممكن من نفس العجينة
تديري الحلوبالشوكولا نوتلا والبنان او مكسرات
واذا زدتيلها صوص توفي
امممممممممممممممم
.
يعطيك الصحة تبان هايلة
من فصلك الوصفة
|
المشاركة الأصلية كتبت بواسطة سارة 84
 يعطيك الصحة تبان هايلة
من فصلك الوصفة |
النت ضعيف
والتحميل ثقيل
تابعي اختي وربي يسهل ونحطها
السلام عليكم ورحمة الله وبركاته
ما شاء الله من تغدية العقول الى تغذية البطون
بشوية علينا لتجينا التخمة وتروحنا الفهامة والتمخميخ:d
اذا ممكن تحطيلنا المقادير وشكرا
مممممممممممممممم روووووووووعة واش تساليني على الصباح اسلت لعابي الله يعطيك الصحة
بارك الله فيك كنت حابة نشوف الصور مي مابانوليش كبار بزاف ياريت تعاودي تصغريهم
اممممممممممممممممممم سخفتيني على الصباح اممممممممممممممممم
امممممممممم روااااااااااااائع يا ام انيس سلمت يمناك في انتطار التفاصيل
امممممممممممممم أطباق كيما هاك مافيش ياتيك الصحه التزين وطريقة التقديم اممممممممممممم
بصح بنتظار الوصفه
روعة مرسي
من فضلك الوصفة
ماشائ الله تبارك الرحمن فعلا مبدعة هياااااااااااااااااا الوصفة يا الشاطرة الفنانة المبدعة المتميزة هيااااااااااااااااااااا
رووووووووووووعة فوق ما تتصوري كلس هااااايل وفن يعطاك الصحة
ممكن الوصفة يا فنانة
ابدااااااااااااااااااااااع فعلا يعطيك الصحة يابنت لوراس يا ثشاويث