صباح الخير عليكم
جابلي بابا عجينة في باطة اسمها عجينة التزين قالي راهي الفوندون راني حاطيتلكم الصورة تاعها زعمة واش هي واش نقدر ندير بيها وصفات و كيفاه نخدم بيها افيدوني يا اللي تعرفوها و استعملتوها تكسبو فيا اجر يعيشكم 
اختي الفوندون هو لي يحطوه غالبا فوق الميل فاي يكون رخامي ابيض و كذلك مرة جربتوا درتوا مع المرغرين وحصلت على كريمة زبدة زينت بيها كعكة ، و ايضا يحطوه فوق الاكلير مع اضافة الكاكو،وقالولي كاين لي يضيفوها للطلية باش تجي خفيفة وبنية يعني انا اغلب استعمالاتوا نعرفها فla patisserie اما حلويتنا التقليدية و الله ما نكذب عليك وباش تستعمليه تذوبيه مع ملعقة ماء على النار هذا كل ما اعرفه ان شاء الله الاخوات يزيدوا يفيدونا و صحة فطوركم
اختي لا تخلطي بين الفوندون وعجينة التزيين لي نسموها عجينة اللوز ماهمش كيف كيف عجينة التزيين لي نسموها عجينة اللوز او عجينة السكر هي التي تستعمل لصنع ورود واوراق للتزيين مثلا العرايش ، تاكدي جيدا قبل الاستعمال
شوفي حلوة ورورد بالغوز والازرق خدمتهم بيه
إضغط هنا لرؤية الصورة بحجمها الطبيعي.
|
المشاركة الأصلية كتبت بواسطة لينا11
 تزيني بيها حلويات كاوراق ورود بقوالب سيليكون
شوفي حلوة ورورد بالغوز والازرق خدمتهم بيه
|
يا اخت لينا الله يسترك هذه عجينة اللوز مالا ما هيش فوندون والله حرت بيناتهم؟؟؟؟؟؟؟؟؟؟؟
|
المشاركة الأصلية كتبت بواسطة nawel zed
يا اخت لينا الله يسترك هذه عجينة اللوز مالا ما هيش فوندون والله حرت بيناتهم؟؟؟؟؟؟؟؟؟؟؟
|
هذي يزينو بيها وتقدري تلونيها وتقدري تديري بيها حلوة الكفتة
|
المشاركة الأصلية كتبت بواسطة لينا11
نعم حنونة خاطي فوندون
هذي يزينو بيها وتقدري تلونيها وتقدري تديري بيها حلوة الكفتة
|
شكرا اختي الغالية كنت نحساب هذا هو الفوندون جزاك الله كل خير على فكرة راني نجرب في وصفاتك
اخر حاجة اعشاش البطاطا باللحم ماما قاتلي تقول قاطو كي تشوفيه ههههافيدينا بجديدك
صح فطورك
ان شاء الله حنونة نكمل التزيين تاع قاطوات نحطهم
okhti mercii mais kifah nakhdem baha psk rahi traya bezaf w saha ftourkom