السلام عليكم بنات اليوم جبتلكم وصفة شهية وهي عجيجنات البطاطا مسكرفجين ارجو ان تنال اعجابكم لا تنساوني بالرد
تعملى صوص بيضاء كيما اتاع الكفة بصلة قطع الدجاج 2سنات ثوم الزيت وفلفل اكحل واعود قرفة والمعدنوس الحمص قليهم امليح وامرقى حتى اطيب الدجاج
من جهة اخرى قشرى مثلا 4 حبات بطاطا رابيهم امليح ماتضغطيش على لاراب باش اتجى البطاطا رقيقة كى اتكملى مباشرة اعصرى عليها القارس باش ماتكحالش من جهة اخرى خلطى بيظتين مع المعدنوس مقطع رقيق و2مغارف كبار فرينة اتكونى خلطى امعاها ربع باكية خمارة الحلوى والملح و ملعقة قهوة صغيرة قرفة ورشة صغيرة فلفل اكحل خذى البطاطا اعصريها مليح بين يديك افرغى عليها الخليط اتاع البيض شيءا فشيءا حتى تتحصلى على مزيج تقدرى اتلميه بعدها اقليهم فى الزيت على نار قليلة باش اطيبلك البطاطا
ملاحظة اختى كى اتكونى الكويرات راهم مايتكوروش بالحيلة فقط اتهزى طرف بملعقة اكل افرغيه فى ملعقة اخرى عاودى الكرة حتى تتلم تتقلى قطريها مليح من الزيت فوق الاوراق الماصة للزيت منبعدخليها تغلى فى لاصوص مدة 5 دقائق فقط قبل ماتطفى النار خلطى مغرف صغيرة نشاء فى نصف فنجال ماء افرغيه على المرقة يغلى مرة واحدة واطفيل وقدميه بالليمون والمعدنوس لعائلتك وشهية طيبةالسلام عليكم بنات اليوم جبتلكم وصفة شهية وهي عجيجنات البطاطا مسكرفجين ارجو ان تنال اعجابكم لا تنساوني بالرد
يعطيك الصحة أختي
يسلمك حبيبتي هدا رف كبير ان تزوري صفحتي نورتي حبيبتي وشكرا على الرد
نفس طريقتى انا فقط نخلط كلش مع بعض يعنى البطاطا و التوابل و البيض ثم ناخذ مقدار و نعصرها ثم نقليها تجى اسهل مشكورة تاكلها بالصحة
يعطيك الصحة
يعطيك الصحة
لذييييييييييذة
طريقة البطاطا جربتها خالتي منذ سنوات لكن لم تعمل المرقة البيضاء
السلام عليكم ورحمة الله وبركاته
الله يعطيك الصحة موالفين ندروها ونسموها احنا المشوكة
بصحتكم
امووووولة شهيتيني الله يبارك
بارك الله فيك حبيبتي
شكرا على الوصفة الجميلة و الاقتصادية
حلوة القنفد
المقادير 250غ دهان كاس صغير سكرا بيضة عط ر
- خمارة فرينة بندق ديكور شكلاطة دائبة حبيبات شكلاطة الطريقة نضع دهان +سكر +الفاني+بيضة+الفرينة نشكلهاكرة صغيرة نضع في وسطها حبة بندق تم ندخلها الفرن تم نغمسها في الشكلاطة و نصع حبيبا.ت الشكلاطة من الفوق . كالقنفد
انا نطيبها بصلة حمرا تجي بنينة بزاف ،شكرا على الفكرة الجديدة.
yesselemkoum habaybi 3ala hdi rodod li tferah
شكراااااااااااااااااااااااا راهي ولات البطاطا كيما اللحم ههههههههههههههههههههههههههههه