السلام عليكم
قبل أقل من 24 ساعة على بداية الباك راني حاير في راسي بخصوص الزووم خطرات نقول ندي معايا و خطرات ندوور في راسي و راني حافظ بصح خطرات تغيبلي و الفلسفة متوشيتهاش كامل ربي يسامحها والله بزااف صعيبة و هذا عامي الثاني يعني إذا مجبتوش يعطولي الحمرة برى مباشرة ……. أرجو المساعدة منكم 
توكل على الله وجاوب على قدر اللي حفظتو وربي مارحش يضيع تعبك
وان شا الله من الناجحين
مي حرت علاه داروا فلسفه ههههههه يخلوها لمولاها نتاع ادب
|
المشاركة الأصلية كتبت بواسطة hakou999
 السلام عليكم
قبل أقل من 24 ساعة على بداية الباك راني حاير في راسي بخصوص الزووم خطرات نقول ندي معايا و خطرات ندوور في راسي و راني حافظ بصح خطرات تغيبلي و الفلسفة متوشيتهاش كامل ربي يسامحها والله بزااف صعيبة و هذا عامي الثاني يعني إذا مجبتوش يعطولي الحمرة برى مباشرة ……. أرجو المساعدة منكم |
خويا تسمع للشيطان ؟الله يخزيه و ينعلو
لعنه الله و خزاه شوف خويا إذا تظن أنو الشيطان هو من يرزق … تفضل خذ كل الغش الذي تريده
زوووم و لا أي شيئ ….. تفضل
لكن تأكد سوف تدفع الثمن غالياً الأن أو بعدها.
و حينها لا ينفع الندم .
إتكل على نفسك أخي صدقني بالله و برب الكعبة راني مش حافظ تارخ و جغرافيا ة قانون و 3 دروس من الاقتصاد
و مارانيش رايح أنغش و لا نتكل على الغش
تعرف كل درهم سوف تتحصل عليه في حياتك المستقبلية راح إيكون فيهم الحرام ؟
يعني أنت كي تطلع للجامعة و ربما ما كنت رايح تتحصل على الباك لولا الغش …. يعني راك رايح تحكم مكان مش ديالك و زيد كي تكمل الدراسة رايح تخدم بالديبلوم مش من رزقك بل… غشيت لكي وصلت إليه كل درهم رايح تربحو فيه رايح إيكون فيه الحرام .
صدقني هو مش كلامي بل ما تعلمته من إستاذي و بارك الله فيه و في دنينا العظيم .
———————————————————
أنت راك حافظ إسمع هتان الرقيتان أخي
سوف تحس براحة و إستقرار نفسي رائع أخي و بثقة كبيرة إن شاءا لله
إن شاء الله ربي يوفقك و يوفق كل الاخوة .
رقية الحسد و العين بارك الله في شيخنا ماهر المعيقلي
https://www.djelfa.info/watch?v=sXgrMkn1rNs
+++++++++
رقية الامراض النفسية و الحزن .
https://www.mediafire.com/?gxybi1n8090ic2s
أغلق عيناك و إسمعهما و بالتوفيق لك أخي .
و لعن الله الشيطان لعن الله الشيطان لعن الله الشيطان لعنة الله عليه بعدد الحركات و السكون….
شكرااااا خاوتي و الله طلعتلي المورال الله يحفظك و ينجحك إن شاء الله
العفو واجب أخي و بالتوفيق لكل المؤمنين .
ya kho rana kamel kif kif boncourage