اخواتي الفضليات انا عندي مشكل صغير وهو الذباب راهو هبلني وما لقيتش كيفاش نديرلو استعملت جميع مواد التنظيف ما نفع معاه والو وانا ما نحملش المبيد يضرني والله هبلني اعطوني طريقة نتخلص بيها منو.
شكرا لكم
اختي كاين دوا غبرة والله منعرف واش اسمو بصح او يتباع مرسوم فيه ذبانة
ديريه في الما وكي تعودي رايحة ترقدي رشيه في الدار كاملة في الارض
كي تنوضي الصباح تشوفي الخير تولي تكنسي في الذبان ومن بعد سيقي مليح وما يزيدش يرجع ان شاء الله
نشكرك بزاف يا بنت بلادي وما تنسايش سلميلي على قنطرة سيدي راشد بزاااااااااااااااف ورود فرانس
كاين شريط لاصق به رائحة تجذب الذباب اليه ومن بعدها يلصق به وكل فترة تغيريه
يستعمل بالقرب من المصابيح
كاين واحد التدبيرة قالتهالنا الغالية"ام مارية"الله يذكرها على خير
قالت ديري القطران في ساشي وخليه مفتوح وساعة ساعة حركيه الدبان مايزيدش يدور بيك وكانت مام ترش "حاشاكم"الجفافة وتحطها قدام الباب
ملاحظة علاجال الريحة القوية نتاع القطران تقدي تغلي القرفة وجلوف نتاع الليم تعطيك ريحة شابة فالدار
نتمنى تستفادي من الفكرة
شكرا لكم على مروركم وساجرب ما طلبتم مني.
https://djelfa.info/vb/showthread.php?t=1272687
السلام عليكم ديري نصف ليمونة و ضعي داخلها 3 او 4 قرنفل و حطيها في المكان الذي يكثر فيه الذباب مايزيدش ايولي ان شاء الله
مشكورين بارك الله فيكن
choufi kheti kayen terika tba3dou a3lik besah ma tektlouche hiya taksmi haba kares a3l zouj w diri fihom keroufel