أخواتي العزيزات كا سبقلي و دت موضوع عن طبق ليلة عشوراء
و اليوم رايحة ندير طبق ليلة المولد النبوي الشريف
احنا في دارنا ليلة المولد نحضرو عشاء عادة يكون كسكس بالدجاج أو باللحم حسب المتوفر و أحيانا أحنا نديرو كسكس و مرت خويا الدير رشتة بالجاج و جيب عشاها و جي تتعشى في الدار الكبيرة أغلب أفراد العايلة الكبيرة يكونو حاضرين نتعشاو كامل و من بعد نشعلو شمعة في كل بيت و بكري كي كنا شوية صغار نشعلو في سطح شمعة لكل فرد حتى الموتى ربي يرحمهم كنا نتفكروهوم و نشعلولهم مثل جدودي ربي يرحمهم
و ذراري و حتى الكبار يبقاو في الساحة مع المحارق بلا ما ننساو المشاجرات و الخلايع أنا خويا حتى لضرك رانا كبار و مازال يرمي علينا المحارق كيما كنا صغار
و غدوة منذاك نكونو حضرنا من قبل سميد حمسناه و حضرنا عجينة المسمن نديرو صبح الطمينة و المسمن نحطوهوم على الطاولة اللي يدخل ياكل منهم
و لكن ضرك الأمر بدا يختلف شوية الدار الكبيرة قريب يرجع مافيها حتى واحد و كل واحد لاهي في حياته و أولاده في مثل المناسبات هادو ماشي كامل يكونو حاضرين ديما كيا الناقصين اللي يتعذر عليهم الحضور الحمد لله كي كاين وسائل الاتصال و اللي راهي تقرب المسافات
مولد نيوي سعيد أعاده الله علينا بالخير و الصحة و البركة
شوفي يا أختي ، أنا هذا العام الاول في بيتي الزوجية،،،
راني رايحة ندير يوم الخميس إن شاء الله العشاء على خاطر حماتي تعرض كامل ولادها يوم الجمعة "
الخميس إن الله ندير تليتلي باللحم و ليبولات لحم مرحي،، مرقة بالزرودية و الحمص ….
لحم حلو ،
سلاطة
فواكه ،
عصير
قاطو و تاي
ربي يفرح كامل المؤمنين إن شاء الله
شكرا اخت روح مراد على الموضوع احنا من عاداتنا انديرو للعشاء كسكسي بالدجاج واللحم او شخشوخة السيار وكاش بلا خفيف اللي ما ياكلش العجين ومن بعد انشعلو في كل بيت شمعة والاولاد كل واحد يدي شمعته والنجوم ويخرجو ايلعبو او انروحو زيارة ومن بعد انديرو للاولاد الحنة وفي الصباح انعملو لغرايف ويسموه تاني البغرير وانفطرو بيه وانخرجو للجيران وان شاء الله يفوت على جميع المسلمين بالهنا والمزيد من الدكر والطاعات يا رب
في البداية مساء الخيرلكل عضوات واعضاءاجمل منتدى وشكرا على الموضوع حبيت نشارك معاكم العشاء اللي اعتمتو منذ اسست بيتي وهو شخشوخة تاع المسمن بالدجاج اللي يحبها زوجي ولازم تكون في اواني تقليدية مع سلطة مشكلة و فواكه وعصائر اما الحلويات العام الماضي حضرت المقروط اما هذا المرة لم افكرربما نشري حاجة جاهزة بعد العشاء نلبس انا واولادي البسة تقليدية ونشعل الشموع ونغني شويةاناشيد دينية اللي نعرفهم ونحكيلهم على السيرة النبوية ونوريلهم في التلفزة كيف يعتز المسلمين بميلاد سيد البشرية والاطفال وهم يرتلون القران باه يغيرو ويحفضو القران بالمناسبة انا سجلت في هذا المنتدى منذ مدة طويلة لكن هذه اول مشاركة نتمنى تقبلوها مني
حنا نهار المولد النبوي الشريف نديرو في دارنا طبق تقليدي رشتة بالدجاج و المرقة بيضا او شخشوخة باللحم ومرقة حمرا تجي اممممم ونحضرو الطمينة ونشعلو الشمع كامل في الدار وفي صحن كبير نحطو شمعة للواحد على حسب افراد العايلة ونلعبو بالنوالات اونتع الالوان انا هذو لينحبهم وعلى بالكم كامل الذراري يموتو على المحارق او في ليل كي نكملو نتلمو ونقعدو نغنو على المولود غنى نتع بكري اوهذا مكان او صح مولووووووووودكم
يا البنات ربي يهديكم للخير
وش راكم اديروا هذا حرام و ما يزوجش الاحتفال بيه
و زيد راكم اديروا في عادات مشبوهة وفيها اعتقادات خاطئة و زيد المولد النبوي هذا ما هو الا بدعة
كيما عادات انتاع الشمع اللي يشعلوهم وكل واحد شمعتوا وكل شمعة تخلاص يموت هذاك الشخص هو الاول
ههههههههه
وش هذي الخرابيط افطنوا يا البنات راكو تتحاسبوا عليها 
(كل بدعة ضلالة، وكل ضلالة في النار). أو كما قال صلى الله عليه وسلم. ويقول أيضاً: (من سنّ في الإسلام سنة حسنة فله أجرها وأجر من عمل بها إلى يوم القيامة، ومن سنّ في الإسلام سنة سيئة فعليه وزرها ووزر من عمل بها إلى يوم القيامة). أو كما جاء عن الرسول – صلى الله عليه وسلم -، نرجو توضيح هذين الأمرين؛ لأن فيهما إشكالاً على كثير من الناس؟ جزاكم الله خيراً.
انا مانيش نقول من راسي كل الاحاديث تدل على ذلك
وزيدو ابحثوا في النت
ارجوا تقبل الامر
سلام أنا ما نعمل والو في داري عشاء عادي كلش عادي حتى أولادي تعودوا لا شمع لا محارق نحكيلهم على حياة الرسول باه يفهموا المولد النبوي فقط
|
المشاركة الأصلية كتبت بواسطة aridj 23
 سلام أنا ما نعمل والو في داري عشاء عادي كلش عادي حتى أولادي تعودوا لا شمع لا محارق نحكيلهم على حياة الرسول باه يفهموا المولد النبوي فقط
|
لالالالا اختي لازم تحكيلهم في كل الايام مش نخصوا الحديث عن السيرة في هذا اليوم فقط وحتى كل العبادات
البنات عندبالهم راهم يتعبدوا ويدوا في الاجر كي راهم يديروا في الحوايج وراهم فالحق راهم يديروا في بدعة … والبدعة اعظم من الاثم وهي احب الى الشيطان لان الاثم يتاب منه والبدعة لا يتاب منها لانه يظن صاحبها انه على الحق
الشمع …………… وعلاه رانا نصارى
الاناشيد ………….. قالها الرسول ولا شكون اللي قالكم ديروها
العشاء الزين والمحارق ………
وكان جاء الاحتفال فيه خير وكان فاتونا الصحابة ليه ما نكونوش خير منهم
والله الموفق 
اختي الكريمة انا اتفق معك انه هناك بعض العادات اللي لازم نتخلاو عليها لانه فيها اذى كبير كيما لمحارق والطيرة اللي تطفى شمعتو يموت و لكن الاشياء اللي مافيهاش ضرر لاداعي ان نعتبر هابدعة سيئة لانه كاين بدعة سيئة واخرى جيدة وخاصة في الوقت الحالي والاغراءات اللي يتعرض ليها ابنائنا ومحاولة ابعادهم على ديننا اللي في الحقيقة هو دين سلام ورحمة وفرحة و رانا في امس الحاجة لترسيخ الاسلام في قلوب اطفالنا عن طريق الحب لا عن طريق التحريم والتخويف والنار واحتفالنا لايعني انه لانتكلم على الرسول الكريم الافي هذا اليوم بل يجب ان يكون في سائر الاوقات لكن الايام الخاصة تبقى دائما راسخة في الاذهان على العموم الاخوات اللي معارضين فكرة الاحتفال نتمنى يفيدونا بحديث صحيح وصريح يحرم الاحتفال المعقول بالمولد النبوي الشريف وعلى حسب ما سمعت من بعص المشايخ انه الله سبحانه وتعالى يخفف العذاب يوم الاثنين عاى ابي لهب لانه يوم بشر بمولده صلى الله عليه وسلم اعتق الجارية التي بشرته وان الرسول صلى الله عليه وسلم سؤل لماذا يصوم يوم الاثنين قال انه اليوم الذي ولدت فيه والله اعى واعلم بنا وبما في قلوبنا
شكرا أخواتي
أخواتي أنا كي نشعلو الشمع ما نقولوش اللي تطفا الأولى يموت صاحبها و لكن نشعلو شمع احتفالا بليلة المولد النبوي و كيما تعرفو كامل أنتي باش ترصخي فكرة ما عقول أولادك لازم حاجة مميزة يستناوها و يشوقو يعرفو عليها أكثر و أكثر
واش المضر كي الديري عشاء مليح و تلمي عايلتك راهي فيها صلة رحم تبقى راصخة حتى بعد سنسن و سنين واش المضر كي اليري طمينة و توزعيها على جيرانك راهي فيها منفعة و احترام و حب الجار
و من جهة أخرة الأولاد كي يشوفو هاذ الجو و يحوسو يعرفو المزيد عن ديننا و عن رسولنا الكريم أحنا نقدمو محببات و نخلقو جو اسري يساعد الأطفال على حب التطلع و يكون مناسبة لذكر الله و الحديث عن بداية الدعوة الإسلامية و الحديث عن الماضي و الحاضر ….
انا اتفق معك الاخت روح مراد انا شخصيا ارى ان الغاية محمودة وهي ترسيخ حب الرسول الكريم وذكر الله لكن ذخلت مجتمعتنا الاسلامية افكار تكاد تمنعنا من ان نضحك للاسف وهذا بعيد كل البعد عن ديننا وفي النهاية هذه اشياء ثانوية لاتقارن مع من يضعون انفسهم في موقع يحددون فيه من يدخل الجنة ومن يدخل النار من دون علم ولا دراية بل انجرا ف وراء افكار لم نجد لها ولم نسمع لها دليلا بينا لحد الساعة ولازلنا ننتضر برهانهن وكل واحد مسؤول عن اعماله ونياته
إنما الأعمال بالنيات
أحنا نيتنا فقط ترسيخ ديننا الحنيف و تذكير أولادنا و إخواننا بيه
ههههه انتوما راكم تتكلموا غيرا من الهواء و بالعاطفة
بصح لو كان تشوفوا بلي كيانة الادلة هذي باينة بلي ما بحثتوا ما والوا
اما بالنسبة للدليل فانا لا احتفل به بل من يحتفل به هو الذي مطالب بدليل شرعية الاحتفال ولا لالا قال الله تعالى :{ هَاتُواْ بُرْهَانَكُمْ إِن كُنتُمْ صَادِقِينَ}
زيد هاذي حكاية البدعة الحسنة والسيئة …هههه
الرسول صلى الله عليه وسلم قال ***** كل بدعة ضلالة وكل ضلالة في النار ***** ما تقولولش راني ثاني قالطة في الحديث
و الرسول قال كل وكلمة كل من الفاظ العموم و مكانش هنا تخصيص بين الحسنة والسيئة
وهذي الاحتفال لم يحتفل به الخلافة الراشدين الاربعة فكيف نحتفل احنا و لا احنا خير منهم؟؟؟
وزيدوا شوفوا هنا
https://bafree.net/alhisn/showthread.php?t=121157
وزيدوا شوفوا الشيخ فركوس
https://www.ferkous.com/home/?q=art-mois-7
راني نستنى ردوركم واللي تعطيلي الدليل الصريح انا ثاني نحتفل به نهار السبت 
موفقين
بارك الله فيك أختي كاتي حياتي
في الحقيقة أنا لا أحتفل به لا زوجي لا أولادي يحتفل بالمولد لأننا نعلم أنه لا يجوز الاحتفال به ندير عشاء عادي كسائر الايام
وأرجو أن ينتبهو الاخوات لأن جميع المشايخ حرمو الاحتفال بالمولد و بارك الله فيكم