السلام عليكم جميعا يا فحلات هدا المنتدى اولا نشكركم على كل جهودكم المبدولة
حبيت نسقسيكم على معجون المشماش فالحقيقة لبنت خالي هبلتني قلتلي نحوس على معجون مي تبقا الحبة حبة كاملة بلا ما نقطعوها انا قتلها اول مرة نسمع بهادي العفسة قاتلي سقسيلي انا درت درت ما صبت غيركم نسقسيكم ؟؟؟؟
ادا كاين الطريقة اطوهالي بالتفصيل او ادا النواة كي ما ناحوهاش تطلق المرارة فالمعجون و لا لالا يعني فيدوني ربي يجازيكم كل خير
و رمضانكم مبارك
:
يغسل المشمش و ينزع النوى
يوضع مع نصف مقدر السكر
في طبقات متبادله يعني قليل من المشمش ثم السكر ثم باقي المشمش ثم السكر لليوم التالي
ينشل المشمش و يؤخذ ما يتبقى من شراب و سكر بدون ذوبان و يضاف إليه باقي السكر , أي النصف الثاني
يوضع على نار هادئه مع التقليب حتى يذوب السكر و يصبح قوام المحلول السكري كقوام الشراب الثقيل
يضاف عصير الليمون و تنزع الرغوة كلما ظهرت
يضاف المشمش و تترك المربى تعلي على النار مع التقليب من 10 : 15 دقيقه
حتى ينضج
يوضع في قنينات محكمة الغلق ثم يوضع في الثلاجة
اختي انا موالفة انديرو كيما قلتي حبة كاملة الطريقة كالتالي
1كلغ مشماش مش طايب مليح يعني مزال ساد روحو
1كلغ سكر
نغسل حبات المشماش حبة حبة ونحي النواة يالشوية او خليها كيما تحبي لازم المشماش خضر شوية باش تصمني متكونش مدودة
ضعي المشماش في الاناء اللى راح اطيبي فيه الافضل تكون كوكوتة لانها ثقيلة و زيدي السكر و طيهم فوق نار ذليييييلة ومتحركيش ابدا عندك راني وصيتك ومتسكريش عليه خلي منين يتنفس باش ما يفيضش السكر و يسيح كي يطيب تشوفي لونو ولا ذهبي غامق متخليهش يحمار بزاف نحيه وحطيه يبرد ليلة كاملة وعبيه شهية طيبة
|
المشاركة الأصلية كتبت بواسطة كنت طفلة
 :
يغسل المشمش و ينزع النوى يوضع مع نصف مقدر السكر في طبقات متبادله يعني قليل من المشمش ثم السكر ثم باقي المشمش ثم السكر لليوم التالي ينشل المشمش و يؤخذ ما يتبقى من شراب و سكر بدون ذوبان و يضاف إليه باقي السكر , أي النصف الثاني يوضع على نار هادئه مع التقليب حتى يذوب السكر و يصبح قوام المحلول السكري كقوام الشراب الثقيل يضاف عصير الليمون و تنزع الرغوة كلما ظهرت يضاف المشمش و تترك المربى تعلي على النار مع التقليب من 10 : 15 دقيقه حتى ينضج يوضع في قنينات محكمة الغلق ثم يوضع في الثلاجة |
شكرا جزييييييييييييييلا
|
المشاركة الأصلية كتبت بواسطة كنت طفلة
و هاذي على طريقة حورية تاعنا
|
شكراااااااااااااااا
|
المشاركة الأصلية كتبت بواسطة sofiane2075
|
يعطيك الصحة