السلام عليكم و رحمة الله وبركاته
في الحقيقة أنا أعشق طورطة الليمون لكن عمري ما تجرأت وطيبتها خفت ما تصلحليش و نولي ما ناكلهاش هذا المرة كليتها عند أختي الصغيرة و عجبتني ما صدقتش هي ألي خدمتها ضنيت أنها شراتها عطاتني الكيفية و لأاول مرة نطيب طورطة الليمون ما تتشبعش ما نطولش عليكم إليكم الكيفية خاصة للواتي يحبو الليمون و طرطة الليمون la tarte au citron mmmmm
-العجينة / 200غ زبدة طرية + 2 ملاعق كبارسكر قلاسي +رشة ملح + 01 بيضة + الفرينة مع مغرف صغيرة خميرة كميائية خلطي كلش مع بعضاه في الروبو أو حتى بيدك و خليها في الثلاجة لنصف ساعة تكوني حضرتي كريمة الليمون
– كريمة الليمون = 1/2 لتر حليب يكون فايض مسبقا + 2 صفار البيض+ 4 مغارف كبار فرينة + 6 مغارف كبار سكر عادي + عصير 2 قارص + زاست حبة قارص
حطي كل المكونات في كسرونة خلطيهم مليح و من بعد حطيهم على النار حتى تثقال غطيها وحطيها تبرد
نرجعو للعجينة حبيتي تعمليها طرطة واحدة كبيرة أو طورطات صغار حلي لعجين و حطيهاى على المول الي حبيتي من بعد أثقبيها ودخليها للفرن من ذاك طلي عليها إذا تنفخت عودي أثقبيها أو هبطيها بيدك
الميرانغ = 04 بياض بيض طلعيه مليح كاثلج + 02 كيسان سكر عادي زيدي ضربيهم ملليح
لما طيب العجينة نحيها من المول ديريله الريمة و زيديلها الميرانغ غطي بها الكريمة و رجعيها في الفور شعليه من الفوق برك باش تحمارالميرانغ
و انشاء الله تجربوها و تتدعولي و لأختي و هاهي الصور
الله يعطيك الصحة اختي تبدو شهية جدا
انا ايضا عملت وحدة بصح ما خرجتليش ان شاء الله نجرب الوصة ديالك
تسلم ايدك اختي يعطيك الصحة
الله يعطيك الصحة
جاتك روعة حبيبتي تاكليه بالصحة وانا كذلك نموت على لتارت
بارك الله فيك وفي اختك اللي افادتك بالوصفة
الله يبارك روعة
كل الشكر والتقدير
للمجهود الطيب والرائع
بارك الله فيك
يعطيك الصحة اختي تهبل
بارك الله فيك
يعطيكي الصحة
بارك الله فيكي على الوصفة
يعطيك الصحة و العافية أختي