السلام عليكم
ختي الهام جربت وصفة الارز تاعك وعجبتني ومنه فاننا ومن هذا المنبر نناشد ونرجو من الاخت الهام او باقي العضوات الشاطرات انهم يفيدو المبتدئات بالوصفات التالية
طريقة تحضير الكسكسي ماشي الفتيل
طريقة تحضير التليتلي
طريقة تحضير البركوكس
وطبعا لما نقول مبتدئات اذن يستحقو الوصفة بالتفضيل الممل وبالمقادير
في انتظار تفاعل الجميع
سامحيني هذا وين شفت الموضوع 
ضرك كي جربتيلي الروز وعجبك راني في حصلة ولا كيفاش ؟ 
المنبر هذا اللي راكي تناشدي من فوقو وين جا ؟ ماشفتوش
اللي طلبتيهم ساهلين ماهلين صابريني برك ونحطلك الوصفات في ثلاثة وبالذات البركوكس نتاعي مميز انا ندير فيه القديد ولا الشحمة ماعلاباليش إذا تحبيها ولا لالا لكن بلا قدي ولا شحمة مايسماش بركوكس أكيد عندي إضافاتي الخاصة ثابريني شوية برك نكمل القاطوات نتاع العرس نتاع طهارة ولد خالتي نهار الجمعة ونتفرغ للمنتدى وماشي غير هذو برك نحطلكم وصفات ومواضيع جديدة بحول الله
مشكورة على الثقة في وصفتي 
انا اني او نستني الهام ربي يكون بعونك
|
المشاركة الأصلية كتبت بواسطة إلهام07
 سامحيني هذا وين شفت الموضوع
ضرك كي جربتيلي الروز وعجبك راني في حصلة ولا كيفاش ؟ :d:d:d:d:d:d المنبر هذا اللي راكي تناشدي من فوقو وين جا ؟ :d:d:d:d ماشفتوش :d اللي طلبتيهم ساهلين ماهلين صابريني برك ونحطلك الوصفات في ثلاثة وبالذات البركوكس نتاعي مميز انا ندير فيه القديد ولا الشحمة ماعلاباليش إذا تحبيها ولا لالا لكن بلا قدي ولا شحمة مايسماش بركوكس :d:d:d:d:d أكيد عندي إضافاتي الخاصة ثابريني شوية برك نكمل القاطوات نتاع العرس نتاع طهارة ولد خالتي نهار الجمعة ونتفرغ للمنتدى وماشي غير هذو برك نحطلكم وصفات ومواضيع جديدة بحول الله مشكورة على الثقة في وصفتي |
يا ختي جربت الروز وحساء البصل البنبن وقريب نجرب القاطو تاع الغريبية اللي سرقتيها من عند القسنطينية 
يعطيك الصحة عليهم وعلى كل ما عطيتي في هذا المنتدى وربي يعطيك اللي في قلبك ان شاء الله
بالنسبة للوصفات ساصبر حتى يعجز الصبر عن صبري
مبروك على اللي راح تختنوه ربي يكبرو في طاعتو
بما انك راح ديري مواضيع جديدة ما تنسايش تحطي موضوع خاص بالمبتدئات 
تهلاي في روحك اختي الهام وشكرا مسبقا
|
المشاركة الأصلية كتبت بواسطة lina bens
انا اني او نستني الهام ربي يكون بعونك
|
بصح لازم تجربي معانا اختي