طلب مساعدة من امشرفات والخبيرات 2024.

السلام عيكم ورحمة الله
عندي رجاء عندكم ونتمنى كما تعودت عليكم متخيبونيش انا عندي مدة طويلة مدمنة مدونة الجيريا ونجرب بزاف طبخكم
ربي يجازيكم الخير كلكم اليوم راني جاية حابة تساعدوني راني عروسة جديدة وعندي مشكلة كبيرة في طبخ طبخي ميعجبش زوجي ومن كثر ما توسوست حاجة ماراهي تخرجلي مليحة المادلان اسهل حاجة اليوم خرج كارثة معرفت واش ندير بالاخص كي رمضان راه قريب قولولي واش ندير
ام رامي واماني ام كوثر الهام وكل لبنات ساعدوني والله في دارنا كان طبخي مليح بيني وبينكم راني كل الوقت نبكي لاني نحب الطبخ بزاف
يارب نلقى عندكم الحل ربي وحدو داري بحالتي
وشكرا مسبقا

السلام عليكم

تصبحي على خير رايحة نيني

راني حاسة بيك يا اختي انا نظن انه فقط ارتباك او خوف صاريلها كيما الطالب الي يكون حافض و فاهم كلش و يوم الامتحان مايخدمش و هذا لعدم الثقة في النفس
من راي اقراي الاذكار و ماتتقلقيش كي تكوني طيبي و طبقي الوصفة بحذافيرها ماتجازفيش بزاف و اذا لا قدر الله مانجحتش عاااادي جدا حاولي انك ماتبينيش الفشل قدام راجلك على اساس انك جديدة و مال ماوالفتيش la responsabilité و مع الوقت باذن الله ترجعي كيما كنتي و احسن
في انتظار جديدك اختي

اختي نظن انو نوع و بهارات الطيابات لي اطيبيهم في داركم ماشي نفسها لي والف بيها راجلك

سيي تسرقي على عجوزتك بالعين واش اطيب يعني ادا كانو قراتان و لا مرقة الخ و واش من البهارات لي تستعملها بزاف

و عن الحلويات ماتياسيش و جربي كي مايكونش راجلك فالدار ،ادا صلح اللهم بارك وادا لا ارمي و كاموفلي الحالة

الكل تصرالنا هكدا،عن نفسي ماعندهاش ثلاث ايام طيبت بسبوسة جاتني كاااااااااارثة طابت فالطروف و فالوسط ماطابتش كامل بالرغم انها احمارت ،مع العلم اني موالفة نديرها

ساعات عقلك مايكونش راكب في راسك ،تنساي ولا ,,,,,,
و لكن قبل ماتبداي اي حاجة سمي بالله و ان شاء الله مايخيبناش

اسمحولي على الجرنان

ديري دائما طبق معتاد لزوجك وزيدي كمية صغير من طبق اخر وشوفي ردة فعله
واذا كان من النوع اللي ماكلته قليلة خاصة اذا يدخن ماتقلقي روحك بتعليقاتو ماوالو طيبي اللي حبيها انت

اختي الكريمة لا تياسي راه صاريلك كما انا انا ثاني كيكن في دارنا كنت ما نخرجش من مطبخ نذل نخلط و عائلة تاعي تشكر فيا وكتزوجت عكس ذلك وسبب هو ان اهل زوجي وزوجي متعجبهمش واش نطيب ما يهمهم والو خاصةزوجي لما نعمل حاجة نقولو عجباتك يقولي نورمال تتكل ولا مرة شجعني ولا مرة شكرني وكندير حاجة ونتعب عليها خطراتش قاع مايكلهاش كون نقولك يا اختي في بداية كانو يحسو بيا بلي راني ندير سحور في ماكلة حتى ناكل انا باش ياكلو هذي هي لازم نصبر انا صح حطموني على لكونت كنت من عشاق المطبخ مجنونة بيه نبات نخلط والان رجعوني للوراء لكن يا اختي ننصحك تعملي ثقة بنفسك وتقولي قادرة نعمل قادرة وعلاش انا خلاص وليت مانحيرش فيهم و ليت كتعجبني حاجة وجي في قلبي نديرها ليا انا بغاو يا كلو مرحبة ما بغاوش الله يسهل نديرها لعمري والله لرجعتلي روح المطبخ ندير لعمري الله يسهل

و الله يا اختي … تحيرنا معاك …. تصرا هادي بزاف .. ماشي نتي الاولى و الاخيرة … تصيبي روحك وحدك … تزيدي وتنقصي وكل دقيقة تذوقي …. كامل العرائس الجدد يتوسوسو …. ما تخافيش … الصابر ينال … مايعيا راجلك يجيبلك الضياف بالعشرة … نصيحتي برك هي ما تكثريش التوابل … تقولي بلاك كي نكثر راهي جي الماكلة مليحة بالعكس رايحا تمريها… ديري شوية شوية .. وتاني مركز الطماطم ليمد الحموضة … وما تكثريش الماء كي تمرقي … وقلي دائما قبل … و طيبي على نار هادية … و الحاجة لماتنسايهاش خلاص دائما قبل ما تبداي قولي بسم الله يا رب عاوني … بسم الله يا رب سهلي …. بسم الله يا رب فرحني
وانشاء الله …. تكون النتيجة مفرحة و هاذو روابط بعض وصفاتي المتواضعة انشاء الله نكون قدرت نعاونك بيهم
https://www.djelfa.info/vb/showthread.php?t=1596054
https://www.djelfa.info/vb/showthread.php?t=1598624
https://www.djelfa.info/vb/showthread.php?t=1599024
https://www.djelfa.info/vb/showthread.php?t=1597623
https://www.djelfa.info/vb/showthread.php?t=1598364
https://www.djelfa.info/vb/showthread.php?t=1596793
https://www.djelfa.info/vb/showthread.php?t=1595500
https://www.djelfa.info/vb/showthread.php?t=1598604
https://www.djelfa.info/vb/showthread.php?t=1599855
https://www.djelfa.info/vb/showthread.php?t=1600492
https://www.djelfa.info/vb/showthread.php?t=1597518
https://www.djelfa.info/vb/showthread.php?t=1596808
انشاء الله يوفقك ربي … وتفرحي بانجازاتك …. وما يعيا طيابك هو البنين ……. كوراج اختي … كوراج

والله شكرا ليكم الكل فرحت بزاااااااف كي لقيت ردود وحسيت روحي منيش وحدي
كل كلامكم صحيح
اخت الهام صح والله تعقدت من تعليقاتو وشكرا على الروابط تانى حبيت نقولك المشكلة معرفتش خلالالالالاص واش يحب
اخت mira biologiste كلامك صحيح المجازفة مرات تاني مشي مليحة
الاخت موجو جوجو حبيت نقولك اني راني بعيدة على والدتو والحلويات انا علاش راهي مخلوعة اني متخصصة في حلويات بشهادة الكل ودرك كوارث المشوك اسهل قاطو خرج تقول ترفاس موسكوتشو صدقيني جات كما مسكوتشو دارتها وحدة عمرها 5 سنين والله بلاك في دارنا درت مئاااااات المرات وتجي ماشاء الله واش نقول الحمد لله
فايزة1207 التدخين مالاحظتوش مي ممكن
طالبة مساعدة واش نقولك ربي يقويك انتي تاني يقولك الي يشوف هم الناس ينسى همو انا راني معاه برك وهكا لوكان كما انتي منستحملش انا بروحي منستحملش خلاش التعليقات
fatimazahra09 عندك حق في كلامك انا مرات من التقلاق نقول نزيد توابل بلاك هو يحب توابل بزاف مرات نكتر الماء راني مخلوعه في روحي
كثرت عليكم ولكن راكم عارفين الوحدة متلقاش وين تفاجي على عمرها حتى مع اهلك متقدريش تحكيلهم ربي يجمعنا دايما معاكم في الخير والمحبة

أنا ثاني زوجت عندي عام ماكلتي تهبل , انا زوجت ولاو حوايج ما يصلحوليش تقولشي اول مرة في حياتي نطيب , كوارث طبيعية, المشكل انو كي كنت في دارنا نطيب كميات كبيرة بصح كي وليت نطيب لزوج عباد تلفتلي, ما تخافيش مع الوقت تولي عادي كيما كنتي, كي تدخلي للكوزينة كثري البسملة و التسبيح و ان شاء الله تقوليلنا بلي كلشي ولا يصلحلك

اختي ممكن الفور ولا الكوشة هي لي عاملتها بيك
و الطياب كيما قلتلك سيي تعرفي كيفاش ياكلو في دارهم و طيبي كيما هوما
انا لي عمري لي ناكل الحار ونطيب بيه وليت الحار و للقدام
و خليه يعلق كيما يحب المهم انت طيبتي و متاكدة بلي طيابك مليح
و ممكن تان يجرب فيك

اقتباس:

المشاركة الأصلية كتبت بواسطة الطامعة في رضا الله والله شكرا ليكم الكل فرحت بزاااااااف كي لقيت ردود وحسيت روحي منيش وحدي كل كلامكم صحيح اخت الهام صح والله تعقدت من تعليقاتو وشكرا على الروابط تانى حبيت نقولك المشكلة معرفتش خلالالالالاص واش يحب اخت mira biologiste كلامك صحيح المجازفة مرات تاني مشي مليحة الاخت موجو جوجو حبيت نقولك اني راني بعيدة على والدتو والحلويات انا علاش راهي مخلوعة اني متخصصة في حلويات بشهادة الكل ودرك كوارث المشوك اسهل قاطو خرج تقول ترفاس موسكوتشو صدقيني جات كما مسكوتشو دارتها وحدة عمرها 5 سنين والله بلاك في دارنا درت مئاااااات المرات وتجي ماشاء الله واش نقول الحمد لله فايزة1207 التدخين مالاحظتوش مي ممكن طالبة مساعدة واش نقولك ربي يقويك انتي تاني يقولك الي يشوف هم الناس ينسى همو انا راني معاه برك وهكا لوكان كما انتي منستحملش انا بروحي منستحملش خلاش التعليقات fatimazahra09 عندك حق في كلامك انا مرات من التقلاق نقول نزيد توابل بلاك هو يحب توابل بزاف مرات نكتر الماء راني مخلوعه في روحي كثرت عليكم ولكن راكم عارفين الوحدة متلقاش وين تفاجي على عمرها حتى مع اهلك متقدريش تحكيلهم ربي يجمعنا دايما معاكم في الخير والمحبة

ما تيئسيش من الدنيا نصيحتي ليك تبقاي دايما واقفا وفي تحدي لكل شي … وديري الثقة في نفسك … وما تخافيش كي جي تجربي الوصفات … المرة الاولى تخسر والتانية كيف كيف والثالثة جيبيها …. روحي بالعقل مع الزوج نتاعك ….حاولي كيفاش تخليه ياكل بعينو قبل فمو …
الله يهنيكم و قوي علاقتكم على محبة الله وطاعتو …. وما نعياو نسمعو بيك … شافا ….
اي حاجة راني هنا وكامل المشاركات في هدا المنتدى مارايحينش نبخلوك ….. الغالي طلبو رخيس …..سلام

ربي يهنيك والله ماكاين والو تتقلقي عليه و تمرضي روحك باطل انت كنت في دار عايلة طيبي كونتيتي و درك زوج برك لازم توالفي برك و ديري كونفيونس في روحك انا كي سكنت وحدي كنت نطيب كلي جيش راح ياكل امبعد والفت ونزيدلك كل دار وطيابها على حساب التوابل راجلي مالغرب و انا مالشرق انا والفت طيابهم وراجلي والف طيابي رجع ميحبش تاع يماه مي ننصحك مشي حنا لي نحلولك مشكلتك لازم تهدري مع راجلك كي ياكل سقسيه واش الحاجة لي مليحة واش راه خاصها هكدا تعرفي واش يحب روحي معاه خير بالسياسة لالزم تعرفي واش يحب هو طيبي على حسابو ماشي واش لازم فالوصفة واقيل مارانيش رايحة نحبس ربي يفرحك كي يفرح بيك راجلك ويقولك كلمة حلوة ان شاء الله

okhti rebi eykoun m3ak ana 3endi les roussetes ta3 elhlwa "sec" wga3 jarbthoum wjaw haylin wla habit neb3atlek ba3tili le******** message wana tahet amrek