المقادير
كاس فرينه
كاس ماء
الملح
زيت المائدة
الطريقة
الماء حسب انوع الفرينه "فهناك الفرينه التي لاتتطلب هدا الكميه من الماء
نقوم بوضع الفرينه و الملح ونقوم بصب الماء تدريجيا مع التحريك حتي نحصل على عجينة لزجة شبه سائلة تشبه عحينة "البغرير"
ضربيها بالخلاط لمدة 10د
بعد هذا نحتاج إلى مقلاة من نوع "تيفال" (التي لا تسمح بلصق العجين ) نقوم بوضعها على اناء اخر يكون فيه ماء ( حمام مائي ) ثم نقوم بوضع العجين على المقلاة بواسطة فرشاة ادهني مرة الاولى ثم زيدي مرة ثانيه و هكدا حتى تشوفي بلي تحصلتي على ورقة نوعا ما سميكه بمجرد ان تجف العجين
انزعها بشويه حتى متتقطعش ضعيها فوق طرشونه قماش نقوم بدهنها بزيت المائدة حتى لا تجف. غطها و كملي مع باقي العجين
ملاحظة :
يجب أتخاذ منحى واحد لأتجاه الفرشاة كما يجب أعادة المحاولة حتي نحصل على طبقة سميكة نوعا ما "ليست هشة"
دائما البوراكا الاولى مش راح تطلع مليحة و الثانيه شوي شوي اما الثالثة و الباقي ح تطلع بوراك و عليه الكلام
نصيحة فى البدايه جربي كميه صغيرة ( فنجان) ادا طلعت معاك مليحة عوديها بكميه كبيرة 
تحياتي و ان شاء الله تنجحي فيهم
ملاحظة :
بعد إزالة الورقة الأولى من المقلاة يجب أن نمسح المقلاة بمنديل من كل البقايا السابقة
السلام عليكم اختي ميميشة جربتها السبت اللي فات جاتني شوية خفيفة تقطعت شوية..درك نجرب كيما قلتيلي ندهن مرتين ونرد لك الخبر ……سؤال اخر منقذتي واش رايك في الديول تع الدقيق شكون خير الفرينة او الدقيق
يعطيك الصحة والى تقدري تعطيني وصفة تاع قلب اللوز تكون ناجحة ومجربة ولك جزيل الشكر
سمحيلي اختي دخلت في صفحة تاعك
عمري مارت الديول تاع الفرينه لاكن منكم نستفيد
|
المشاركة الأصلية كتبت بواسطة kokotg
 السلام عليكم اختي ميميشة جربتها السبت اللي فات جاتني شوية خفيفة تقطعت شوية..درك نجرب كيما قلتيلي ندهن مرتين ونرد لك الخبر ……سؤال اخر منقذتي واش رايك في الديول تع الدقيق شكون خير الفرينة او الدقيق
|
اهلا اختي kokotg
فى الحقيقة جربت نتاع الدقبق جاوني شوي قاسحين
لكن الفرينه احسن يطلعوا مثل البوراك
اي استفسار راني هنا يااحلى اخت 
|
المشاركة الأصلية كتبت بواسطة ام مريم الجزائرية
يعطيك الصحة والى تقدري تعطيني وصفة تاع قلب اللوز تكون ناجحة ومجربة ولك جزيل الشكر
سمحيلي اختي دخلت في صفحة تاعك |
مافيش مشكل ام مريم ان شاء الله راح نحط الوصفة فى ركن اسرار مطبخ دليله قلب لوز نتاعها يطلع معايا مليح هدا الاسبوع ان شاء الله نحط لك الوصفه
وكاين قلب اللوز يجي بالياغورت هو ثاني هايل ان شاء الله ثاني راح نحط الوصفة 
الله يخليك ..جعله الله في ميزان حسناتك:m h31: