السلام عليكم ورحمة الله وبركاته اخوتي اريد من طلبة التسيير ان يتجمعوا باش نحضروا شوية للبكالوريا 2024 الناس كامل تقرا غير احنا الي يحب يقرا يقرا معايا ونتجمعوا هنا باش ننجحوا في الباك ان شاء الله نستناكم كامل هيا وينكم 
وعليكم السلام وانا تانيك طالبة في التسير ان شاء الله 2024 عندي الباك وحاب نبد من دوكا
اوووووكي انا هذا العام عقبت حبيتو ننصحكم
مي كيفاه ندير ماني فاهم والو وكيفاه نبدا في القريا وكيفاش نقسم وقتي
شوووةفي روحي للمكتبة روحي اشري كتاب محمودي عادل و ابداي احفضي فيه … انا عقبت و ندمت كي ما بديتش بكري
شوفي اختي لازم تكون هذه الصفحة مفتوحة لنراجع معا واكتبي في قوقل جدول تنظيم الوقت في البكالوريا وشوفي في الموقع الاول للدراسة في الجزائر حمليه والا اكتبيه كيما درت انا واذا حبيت مساعذة في اي مادة ستجديني في هذه الصفحة وما تغيبوش دائما نتلاقاوا هنا
اختي نحتاجك في شرح او ملخص الوحدة الاولى في المحاسبة اكتبيه انتي باش نفهموه وربي ينجحك وينجحنا كامل
نتاعش الدرس هههه .. وقيل درس الاهتلاك
شوف هو درس ساهل ما يختلفش بزاف على الإهتلاك نتاع الدوزيام فهمت … كاين فرق في الاهتلاك المتناقص و المتزايد برك … بالصح علاه ما تبداش بتاع الحفاضة صدقني راك من بعد تحصل …
اختي محمود عادل هذا الكتب وشمن مادة+اني نسقسي فيك باسكو معلبالش+ والتوقيت هذا ثابت على 6 طول شكرااااااا
والله راني نحفظ ونراجع وما فهمتش اختي راني نقصد اعمال نهاية السنة
خوتي وعلاش مديروش مجموعة زعما في ***** هكا ونقرو مليح ++مجرد راي لاغير هه
خونتي وعلاش مديروش مجموعة هاك تهدرو فيها +نفهمو بلخف + مجرد راي واد تقدرو
شوف اعمال نهاية السنة ساهل فيه حفاضة و فهم … و هذا المجال طويل … لازم تصبر شوي على الفهامة خطراكش لازم تفهم بالشوي و بالقطرة ….. فهمتني .. و كتاب محمودي عادل هو نتاع اجتماعيات فيه دروس و فيه مصطلحات …. و بالنسبة للفيييييييييسبوك انا حاليا ما عنديش ذي السمانة نحل واحد ان شاء الله راني نعلمكم
مرسي ختي ربي يخليك وان شاء الله نفرحو بيك هد العام
بلا مزية حنونة و أي استفسار الهام في الخدمة …