مساء الخير حبيباتي واش حوالكم انشاء الله تكونو بخير
اليوم راح نحطلكم طريقتي في عمل اوراق البوراك او ذيول و بالتفصيل نتمنى تجربو كل وحدة منكم لانه راه ساهل ممكن مايصلحش مع الورقة الاولى الثانية لكن الثالتة اكيد راح تصلح
نخليكم مع طريقة التحضير
نحتاج الى سميد ( اي نوع سميد ) ملح و ماء
اولا
نخلط السميد مع الملح و الماء عادي حتى نتحصل على عجينة ( كمية السميد انت و قداش حبى اديري ممكن كاس او غرفية او ,,,على قد ما تحبي ) نترك العجينة ترتاح ربع ساعة
نعجن العجينة مليح ثم نبدا نسقي فيهابالماء بالشوي و نعجن
انا كي ولات العجينة طرية حطيتها في صلاديي و بقيت نضيف في الماء ( ممكن تعملي العجينة مباشرة في قصعة )
العجينة كي تولي طرية نخبطها من اسفل الى اعلى و اليك الصور
و نبقى نخبط فيها حتى نتحصل على القوام المناسب تكون جارية لكن ماشي كيما تع لغرايف و اطرى من تع لفطير و الصور توضح
الان كملنا من العجين نروحو لطريقة الطياب
نستعمل طاجين الفطير او مقلى تيفال او هذه
و انا ننصحكم بيها لانها فعلا ممتازة ما تحتاجش اني نذهنها بالزيت واذا ذهنتو الطاجين لراح تستعملوه اكيد الورقة الاولى راح تفسد او تخسر ( راح ما تلصقش في الطاجين ) لدى يجب ان نذهن بدكاء
الان نوريلكم كيفاه الطيب بالصور
نحط اوراق البوراك على قطعة قماش نضيفة متفرقين باه ما يلصقوش
اذا خرجتلك في الورقة مثل هادي
عادي تقدري تسوديها ههههه كيما هك
الان نلم اوراق ديول تعنا في نخبيوهم في سشية نضيفة في الثلاجة لحين الاستعمال
حبيباتي عارفة راني كثرت من الصور
و تعبت في تحميلهم نتمنى فقط كلمة شكر منكم
يعطيك الصحة باين عليك فحلة ونص
راااااااااااائئع جدا طريقتكي هي نفس طريقة الغالية أم كوثر جربتها مرة و مصلحتيش راكي فحلة الله يبارك
روعة الله يستــــــــــــــــــــرك دنيا واخرة
ماشاء الله اختي يعطيك الصحه راكي فحله
Zahra. Machkora. Chatra merci
يعطييييك الصحة
هكذا تخدمهم اختي بنفس طريقتك
بارك الله فيك روووووووووووعة
|
المشاركة الأصلية كتبت بواسطة مسلمة بالفطرة
 يعطيك الصحة باين عليك فحلة ونص
|
شكرا حبيبتي على مرورك الحلو
|
المشاركة الأصلية كتبت بواسطة oum anas 69
راااااااااااائئع جدا طريقتكي هي نفس طريقة الغالية أم كوثر جربتها مرة و مصلحتيش راكي فحلة الله يبارك
|
شكرا ام انس نورتيني, ماتفشليش جربيها مرة ثانية بكمية صغيرة و انشاء الله تصلحلك
|
المشاركة الأصلية كتبت بواسطة قطرة الربيع
روعة الله يستــــــــــــــــــــرك دنيا واخرة
|
اميييين صديقتي – خديت دعوة مليحة على الصباح هههه –
|
المشاركة الأصلية كتبت بواسطة أم إناس
ماشاء الله اختي يعطيك الصحه راكي فحله
|
شكرا ام اناس نتوما ثاني راكم فحلات الله يبارك
|
المشاركة الأصلية كتبت بواسطة fofol
zahra. Machkora. Chatra merci
|
|
المشاركة الأصلية كتبت بواسطة زينة نور
يعطييييك الصحة
هكذا تخدمهم اختي بنفس طريقتك |
|
المشاركة الأصلية كتبت بواسطة مغتربة uk
بارك الله فيك روووووووووووعة
|
شكرا حبيباتي على مروركم العطر 
شكرا لك هذه هي طريقتي وهي احسن طريقة بالنسبة لي لاني جربت
الديول بالفرين والبانسو معجبتنيش
بارك الله فيك كنت رايحة نحط هذي الطريقة لقيتك سبقتي يعطيك الصحة
يعطيك الصحة عزيزتي هذي الطريقة التقليدية كنت نعملها قبل ويجو يهبلو ما ييبسوش فقط راهي تشدالوقت
|
المشاركة الأصلية كتبت بواسطة ياسمين1990
شكرا لك هذه هي طريقتي وهي احسن طريقة بالنسبة لي لاني جربت
الديول بالفرين والبانسو معجبتنيش بارك الله فيك كنت رايحة نحط هذي الطريقة لقيتك سبقتي يعطيك الصحة |
نورتي غاليتي فعلا هذه هي الطريقة المليحة لنتحصل فيها على ديول رائع
هههه ايه راني سبقتك لمزية كنت نخدم بيد و نصور باليد لخرى
يعطيك الصحة ديول نتاع الحراير
يعطيك الصحة اختي ما شاء الله روووعة ان شاء الله ينجحولي هاد المرة + تقييم ممتاز