طريقتي في اعداد العدس واللوبيا 2024.

صباح الخير اليوم حبيت نعتلكم طريقتي في اعداد العدس واللوبيا
الكل يعرف انو العدس واللوبيا ماعادوش بنان كيما بكري نشفا يما كانت كي تنصب لاكوكوت نشمو وانا نقرا
وزيد مع تشمخيه وتبدلي الما نتاعو بعد ما يطيب وش نحكيلك كون ديريهم بلحم يقعدو مش بنان
المهم طريقتي بلا تشماخ وبلا تبدال ما
نحط العدس ولا اللوبيا نضيف الطماطم والتوابل البصل الحار الزيت والجزر والما واهم حاجة نضيف نصف ملعقة صغيرة خمارة فورية
ونخليهم حتان يغليو ونسكر عليهم لاكوكوت نخليهم تقريبا ربع ساعه ونفتح عليهم ونحرك وادا صبتهم مزال شوي نزيت نسكر عليهم وبلاكم تنساوهم راكم تصيبوهم بيري
ملاحظة نصف ملعقة صغيرة تضاف في الكيلو من العدس او اللوبيا

وشكون جربها او يعرفها؟؟

السلام عليكم يعطيك الصحة على الفكرة انا العدس مانشمخوش باش يجى بنين حمصيه اى نشفيه من الماء فى مقلة ثم ضيفى قطرات من الزيت وحمصيه ثم اضعه فى القدرة فيها البصل الجزر حبة بطاطا حبة لفت فلفل اسود قرفة فقط الكمون والطماطم فى اخر مرحلة كى يلبى لان الطماطم تمنع طياب الحبوب والكمون يمرار كى يطيب بزاف ونشمخ اللوبيا بماء به قليل من السكر كدلك الماء يلعب دور كبير فى حلاوة الاكل حسب كل منطقة وهدا عن تجربة

اختى عدس نشمخوه فقط بلا خميرة ونطيبوه

ولوبياء نرنخها في خميرة ومن غد نطيبها وحدها

ومن بعد نطيب جزر مع مرق ولما طيب نضيف لها لوبيا

واما دامك من بوسعادة طيبى بماء قادة ولا ماء فاطم الزهراء
وكاين البعض قالوا لما نشروا العدس ولوبي نشمخهم في ماء ومن بعد يخبوه في كونجلتور راه يطيب لكن مجربتوش

اختى عدس نشمخوه فقط بلا خميرة ونطيبوه

ولوبياء نرنخها في خميرة ومن غد نطيبها وحدها

ومن بعد نطيب جزر مع مرق ولما طيب نضيف لها لوبيا

واما دامك من بوسعادة طيبى بماء قادة ولا ماء فاطم الزهراء
وكاين البعض قالوا لما نشروا العدس ولوبي نشمخهم في ماء ومن بعد يخبوه في كونجلتور راه يطيب لكن مجربتوش

شكرا على الفكرة…نفهم بلي اللوبيا طيبيها بلا ما تشمخيها ليلة من قبل؟و طيب عادي؟

شكرا لكن على الطرق ، لكن قولولي برك واش مالخميرة تاع الحلويات ولا الخبز

انا نخدم بخميرة الحلويات.

السلام عليكم الخميرة لى يستعملوها لنضج الحبوب هى خمارة الحلوى او استعمال اقل من نصف ملعة بكاربونات وفعلا مثل ماقالت الاخت على الكونجيلاتور يحلل المواد القاسية فى اى شيى تخبيه اللحم الحبوب _____

اختي مشكوره لكن عندي تعليق حول الحبوب وعلى حد علمي توضع لها مواد حافضه لذلك يفضل ترنخي اللوبيا يوم من قبل للتخلص من المواد الحافظة اما العدس فغليه 5 دقايق وسيحي الما وديريلو ماء جديد قبل ما تضيفي البصل والتوابل

يعطيك الصحة

السلام عليكم شكرا لك على معلومة المادة الحافضة ام ورود

c’est bien tout ce que vous dites ,est merveilleux,seulement faites attention,la fermeture de la cocotte,pour les légumes secs,peut causer,une explosion ,donc eviter,car la soupape risque de se boucher,woujouhakoum ghaliine alina

اقتباس:

المشاركة الأصلية كتبت بواسطة الجزائرية المحبوبة اختى عدس نشمخوه فقط بلا خميرة ونطيبوه ولوبياء نرنخها في خميرة ومن غد نطيبها وحدها ومن بعد نطيب جزر مع مرق ولما طيب نضيف لها لوبيا واما دامك من بوسعادة طيبى بماء قادة ولا ماء فاطم الزهراء وكاين البعض قالوا لما نشروا العدس ولوبي نشمخهم في ماء ومن بعد يخبوه في كونجلتور راه يطيب لكن مجربتوش

وينك ياليلى راني نجوس عليك

فكرة جيدة…………