السلام عليكم
عيشكم اخواتاتي كيفاه نديررو الكسرة والمطلوع بالتفصيل ماتعرفش نعجن
كيفاه يتعجنو والمقادير
كل مانديرهم مايصلحوليش والله حرت عدت نحشم من عجوزتي
تعجن غير هي
وبارك الله فيكم
السلام اختي
عجينة المطلوع ساهلة بصع لازم تعجنيها مليح
نمدلك بعض من تجاربي
بللي العجينة بالماء الدافي و ديري شوية سكر باه تجي حمرة ف الطياب
اعجني مليح و كيما تقول ماما كي تكون لعجينة تطرطق كلما تزيدي تعجني تجيك احسن
الماء زيديه بكمية قلييييييييييييييييييييييلة انا نغطس يدي في الماء دافي و نكمل نعجن
عندي سر اخر جربتة من احد النتديات و نجح اسقي بشوية حليب
انا عجينتي نديرها جارية باه تجي خفيفة بصح انت و شطارتك باه تلوحيها في الطاجين هههههههه
الطياب الطاجين سخون مليح لازم تعسيها باه ما تتحرقش
اختي كاين اللي يديرو فيها شوية زيت و كليتها ممتازة و حتى جربتها
نصيحتي الاخيرة ما تكثريش الفرينة كي تبرد تولي استيك
ان شاء الله نكون عاونتك اختي العزيزة
اما المطلوع انا تاني بكري كانت عندي مشك بصح راني درت موضوع على المطلوع بالغرامات راهي يجي تحفة على ضمانتي ربي يوفقك حبيبتي
اضغطي على الرابط
https://www.djelfa.info/vb/showthread.php?t=1311798
بارك الله فيك
الاخوات كفاو وفاو
ملاحطة…. كي ديريها تخمر مطوليش بزاااااااااف خاصة مع السخانة باش متطرحش ويفسدلك
باه جي الكسرة مليحة انا نديرلها قليل من خميرة الحلويات ونعجن مليه بطريقة التقطاع تع العجينة وعند الانتهاء من العجن اضع قليل من الزبدة المارغارين عليها ونعجنها عجنة اخيرة بعدين نقرصها ونطيبها على نار قوية وكاين لي يعجنها بالرايب قالو جي راءعة
باه تمشي في يدك لازم تعاوديها عدة مرات وتعجني حتى تبياض وتولي تطرطق كيما علمونا دخلي يدك في ماء وتعجني مي عندك تولي جارية متقدريش تتحكمي فيها في الطاجين والمكونات سميد حفنة فرينة ملح خميرة سكر زيت وماء دافي وفي الاخير قطعة زبدة هادي الكسرة كاين ليزيدلها البيكاربونات زعما طري مي تمد نكهة منحبهاش +متجيش بيضا ولاكان خلطي زيت وزيت زيتون تجي تهبل
اما المطلوع =خبز كوشة انا وصفتي جامي نبدلها ولقيت بعض فحلات المنتدى لهم نفس طريقتي
روووووعة تسلمي على الموضوع ابعثيلي شوية
يا اختي معليش ما تحشمي ما والو مادام حابة تتعلمي راهم جاوبوك لبنات يعطيهم الصحة وزيدي شوفي في المنتدى راهم الوصفات لا تعد ولا تحصى اخرهم نتاع ام ابراهيم ثاني كل يشكرو فيه وتعلمي اختي المهم كي تتعلمي وما تفشليش ربي يوفقك