السلام عليكم
هذا الصدر ممكن تلبسيه على شكل كاري أو v
أولا لازم يكون عندك الكريستال حجم صغير حوالي 100 غ من اللون القاعدي و 40 غ من اللونين الآخرين + 2 كبة بلون و 1 كبة خيط بلون آخر
و ممكن تستعملي أي نوع من الكريستال غير لي استعملتو أنا، لكن من الأحسن الحجم يكون صغير باه يخرجلك باهي
تستعملي في البداية خيطين باه تخدمي الدور الأول
وتعملي سلسة 272 عين وتغلقيها وتقطعي الخيط الثاني وتخلي واحد برك تكملي بيه
وتبداي تخدمي بالكريستال
تدخلي حبة الكريستال فالكروشي
وتخلفي ماي وحدة وتدخلي الكروشي فالماي الثانية
تجبدي الخيط وتدخليه في حبة الكريستال
ومن بعد تزيدي تجبدي الخيط باه تثبتي حبة الكريستال مليح
تدخلي الحبة الثانية بلون آخر وبنفس الطريقة .. تخلي بين كل حبة وأخرى ماي وحدة
أنا هنا استعملت لون قاعدي هو الازرق يعني نحط أزرق ثم وردي ثم ازرق ثم ابيض ثم ازرق ثم وردي وهكذا …
تخدمي بنفس الطريقة حتى تكملي 33 حبة وبعدها تلوي الخيط مرة وتخدمي ****اجة تتكون من 6 بريد (تلوي الخيط مرة وحدةعلى الكروشي )
وتواصلي بعدها في استعمال الكريستال
ملاحظة: لون الكريستال لي كملتي بيه لازم تبداي بيه هكذا باه يجيك نوع من التناسق في الخدمة تاعك
وتكملي هكذا حتى تكملي الحلقة
نغلق نهاية الدور مباشرة مع البداية
وننتقل للدور الموالي بوضع حبة الكريستال كما موضح فالصورة
ونستمر بهذا الشكل
لما نوصل لل****اجة نزيد لي بريد يوليو عندنا 10 ( 2على الجانب و 6 فالنص و2 على الجانب الآخر)
نكملو باقي الأسطر وفي كل سطر ننقص حبة كريستال على الجانبين مع زيادة لي بريد والصور رايحة توضحلكم وراني حطيتها بالحجم الكبير هكذا تبان واضحة أكثر وتقدرو تحسبو العدد تاع لي بريد وتاع الكريستال
وعند نهاية السطر الخامس نبداو في زيادة حبات الكريستال على الجانبين كما نغير اتجاه حبات الديامو في الاتجاه المعاكس
ونستعمل في هاذ المرحلة الخيط باللون الوردي والصورة تبينلكم وين تحطو الحبة تاع الكريستال
وهنا الصورة توضحلكم اتجاه حبات الكريستال
لما ننتهي من حبات الديامو نقطع الخيط الازرق ونلصق الخيط الوردي ونعمل لي بريد بيه
وما ننساش نحرق الخيط لي قطعناه باه جيكم الخدمة نضيفة
الصورة الموالية توضخلكم طريقة تثبيت الخيط الوردي في حبة الكريستال
وهكذا يكون الشكل تاع الخيط الوردي والشكل تاع الكرستال
هكذا يجيك الصدر من الجهة الخلفية
نستمر في زيادة حباس الكريستال لـ 4 أسطر متتالية يعني حتى السطر رقم 9 وفي الـسطر 10 نبداو ننقصو حبات الكريستال تدريجيا مع استعمال الخيط باللون الأزرق حتى النهاية
أنا عملت 13 سطر وتحبي تزيدي عدد الاسطر حتى 14 أو 15 أو تنقصي وعملي كوكايجات في النهاية للتزيين
وهذا الشكل النهائي تاعو مع أني مازالني ما كملتش الحاشية
بعد ما ننتهي تماما منو راحية نحطلكم الصورة النهائية
وهنا عملتلو الحاشية الداخلية بلي بريد
وهنا الشكل النهائي بعد ما عملت فوق الذرعين خطوط بالكريستال
وهذا بلون آخر
انتهى وشكرا على المتابعة
444444444444444444 أول من أرد بارك الله فيك
ما شاء الله عليك موفقة عزيزتي
بالتوفيق اختي الله يعطيك الصحة
Barakallaho fik habibti wasli
salam okhti w baraka lhe fik 3ala charhe ana bghit na3rafe wache les six brides ndirouhom mara wahda wala kol 33 haba
شكرا اختي نبيلة انا حاب نجرب واحد ………………..ان امكن حطيلنا الشكل النهائي باش نشوفو المودال
ربي.يجازيك.خير.ويجعلها.في.ميزان.حسناتك.
sabahe el kheir okhti ma jawebtiniche 3la souali
الله يعطيك الصحة ختي شكرا على هذا العمل
بالتوفيق اختي الله يعطيك الصحة
روعة يعطيك الصحة
يعطيك الصحة حبيبتي رائع واناملك اروع
الله يعطيك الصحة
و كيما قالت عبير حطي لنا المودال نشفوه
ششكراااااااااااااااااااااااااااااااااااااا كملي رانا معاااك