مرحبا بكم راني مزال مابديتش الموضوع راني كل دقيقة ندير عديل باه ماتقلقوش الميكرو هبلني معاه
اهلا بالجميع اقدم اعتذاري لام محمد اسفة عن التاخير ربي الي عالم راني نلقى صعوبة للتصفح وانشاء موضوع
بدون اطالة نبداو على بركت الله
المقادير
4 كيلات سميد رطب انا نفضل تاع الميرزان اكون لونو اصفر باهي
كيلة ماء عادي من الحنفية
قرصة ملح
م ك زيت
حبة بيض اختيارية تحبي تستغني عليها الي عندهم الحساسية من البيض
التحضير
نخلط كل المقادير باليد
ناخذ شوية من العجين ونحطو في الروبو ونخليه ادور لبضع دقائق راح يتعجن واولي طري نلمو ونشكل كورات ونحطهم داخل كيس بلاستيكي
نبدا ناخذ بكورة ونبسطها في الرقم الاول ثم الرابع ثم الاخير انا الرقم التاسع هو الاخير
نتركها تنصف شوية ونقلبها من الجهتين بدون اضافة الفرينة
كي نتشف شوية ابداي جوزيي بالورقة في تاع الرشتة
من جهة نديرو قدرة فيها الماء يغلي تاع الطعام والى الكسكس
ندهن الكسكاس بشوية زيت باه مايلصقش العجين الي من تحت
نبدا نحط غير بشوية من الرشتة وكي نشوفها بدات تفور ناخذ فرشيطة ونقلب غير بالعقل ونفرغها في قصعة ونكمل باقي العجين
وهذي النتيجة يارب نكون وصلتلك الفكرة راهي ساهلة وماتتطلبش وقت كبير
ملاحطات
السميد استعملي الي لونو اصفر اجي روعة للرشتة انا نشري تاع الميزان
البيض امد تماسك للعجين والي عندها في عايلتها الي عندو الحساسية تقدر تستغنا عليها
كمية الماء اذا مكفاتكش زيدي غير بالشوية
كي تكملي ديريها في كيس بلاستيكي شفاف وخبيها في المجمد لوقت الاستعمال
طريقة طهيها بطريقتي الخاصة
كمية من الدجاج افضل واحسن +حبة بصل كبيرة رابي+ملح وفلفل اسود+شوية زيت
حمسي مليح ومرقي بماء سخون
كي يغلي المرق نحط حمص مشمخ ليلة من قبل والجزر كما المرقة الطعام
اللامانة خصار تاع الرشتة بكري اديروها غير باللفت وانا ماشي متوفر عندي نديرها بالجزر والقرعة سامطة تاع هنا منطيبش بها بزاف
نخلو المرق يغلي وينقص شوية برك باه كي نحط الكسكاس مايقسليش لعجين
نحط الرشتة تاعي في الكسكاس ونحطو فوق القدرة افور
كي تفور الرشتة نحيها ونحطها في قصعة
وناخد غراف وناخذ شوية من المرق ونفرغ فوقها
نخليها شوية وناخذ فرشيطة ونقلبها
ونعاود العملية حتى تشوفي الرشتة شربت بنة المرقة وطابت مليح وماشي معجنة
انا ندير هذي العملية سبع مرات راهي بالخف نتشف ورجعيها حتى تكملي كامل
هذي خلاص هذا هو طيابها
كي اطيب الرشتة تكون الخضرة طابت والمرقة ولات خاثرة امممممممممممممممم
يارب نكون وصلت الفكرة واي استفسار قولي رانا كامل نتعلمو من بعض
ملاحطات كاين الي يشرب الرشتة بالماء الصراحة تشرب بنتة المرق تاعها افضل باه نبعدو على ذوق تاع الطعام
وعليكم السلام ورخمة الله….رني نسنا اولادي حطي لغدا طولتي
اممممممم الرشته وقيل الرشته نتعشاوها.
الغداء خلاص درت للوبيا بانتضار الطريقة
امممممواح
امممممم رووووعه اولادي
يعطيك الصحه خرجتلك تحفه بصحتك
وجزاك الله خيرا
|
المشاركة الأصلية كتبت بواسطة malek nour hane
 وعليكم السلام ورخمة الله….رني نسنا اولادي حطي لغدا طولتي
|
نوضي وجديلي لفطور هذا تاع الارشيف نهاري كامل باه نكتب موضوع
|
المشاركة الأصلية كتبت بواسطة x ام رحاب x
اولادي الله يخليك حبيبتي جعلها في ميزان حسناتك
|
الله يسلمك يالحنينة دائما منور موضيعي بارك الله فيك
|
المشاركة الأصلية كتبت بواسطة أم إناس
اممممممم الرشته وقيل الرشته نتعشاوها.
الغداء خلاص درت للوبيا بانتضار الطريقة امممممواح |
|
المشاركة الأصلية كتبت بواسطة أم إناس
امممممم رووووعه اولادي
يعطيك الصحه خرجتلك تحفه بصحتك وجزاك الله خيرا |
الله يسلمك واش راكي جربيها رديلي الخبر اذا معجبتكش ماشي انا
يديك
ههههههههههههههه اولادي نورمال نتغدا من الارشيف الا ماقتل يسمن خخخ…يبعطيك الصحة يالفحلة
الله يجازيك…..أنا نموت عليها…وكنت حابة نلقى طريقة صنعها والحمد لله راكي كفيتي ووفيتي
يعطيك الصحة اولادي باينة تهبل
يعطيك الف عافية اختي الغالية على الموضوع
بارك الله فيك وربي يجعلها في موازين حسناتك ويحفظلك الاولاد من كل شر
واحلى تقييم لتعبك على الموضوع ولعيونك الغالية
تقبلي فائق الاحترام والتقدير اختاه
|
المشاركة الأصلية كتبت بواسطة malek nour hane
ههههههههههههههه اولادي نورمال نتغدا من الارشيف الا ماقتل يسمن خخخ…يبعطيك الصحة يالفحلة
|
لا لا حنونة اروحي برك نطيبهالك جديدة وكما يحب الخاطر
|
المشاركة الأصلية كتبت بواسطة ninnou
الله يجازيك…..أنا نموت عليها…وكنت حابة نلقى طريقة صنعها والحمد لله راكي كفيتي ووفيتي
|
الله يسلمك يارب تتوفقي واي سؤال اسالي حنونة
|
المشاركة الأصلية كتبت بواسطة دائمة الحمد
يعطيك الصحة اولادي باينة تهبل
|
الله يسلمك يالعزيزة راكي نورتي الموضوع
|
المشاركة الأصلية كتبت بواسطة ام محمد78
يعطيك الف عافية اختي الغالية على الموضوع
بارك الله فيك وربي يجعلها في موازين حسناتك ويحفظلك الاولاد من كل شر واحلى تقييم لتعبك على الموضوع ولعيونك الغالية تقبلي فائق الاحترام والتقدير اختاه |
الف شكر لك حنونة على الدعاء ولك بالمثل الحمد لله وفيت بوعدي والله جبال كان فوق ظهري كي ظولت عليك
يعطيك الصحة اولادي باينة تشهي وانا ثاني عاملة موضوع على الرشتة بالصح نتاعك اسهل واقيلا نخدمها بطريقتك ونشوف
شكككرا وبارك الله فييييييييييييييييييييييييك
انا نحبها مووووووووت
انا لا اضع البيض اتركها تجف في الهواء مثل التريدة ثم نخبيها في علبة و هكذا تبقى مدة طويلة
عندما نفورها لا اضع المرق نحط شوية زبدة و نعاود نفورها ثم نسكب المرق تاعها تشربو كامل و الله بنة ما تتصورش
يعطيك الصحة
|
المشاركة الأصلية كتبت بواسطة عطرالذهب
يعطيك الصحة اولادي باينة تشهي وانا ثاني عاملة موضوع على الرشتة بالصح نتاعك اسهل واقيلا نخدمها بطريقتك ونشوف
شكككرا وبارك الله فييييييييييييييييييييييييك |
الله يسلمك حنونة صح راهي ساهلة ومتعبش وشكرا على الثقة دورك نضرب طلة على ملفك
|
المشاركة الأصلية كتبت بواسطة الجواهر
انا نحبها مووووووووت
انا لا اضع البيض اتركها تجف في الهواء مثل التريدة ثم نخبيها في علبة و هكذا تبقى مدة طويلة عندما نفورها لا اضع المرق نحط شوية زبدة و نعاود نفورها ثم نسكب المرق تاعها تشربو كامل و الله بنة ما تتصورش يعطيك الصحة |
اختي البيش يمد للعجين تماسك وتقدري تستغني عليه والتفورات كامل نرش بالمرق يمدلها ذوق رائع مكاش الي مايطلبهاش مني
يعطيك الصحة ومشكوورة على التفاصيل المفيدة باذن الله نجربها بطريقتك لأني حابة نتعلمها