السلام عليكم
اليوم جبتلكم طريقة هايلة باش تجمدو الفرولة او التوت .راهي تقعد كيما هيا انا جربت الطريقة ونجحت تقدرو تحتفظو بها حتى للشتاء
الطريقة هي
نغسلي الفراولة او التوت ثم تحطيها في كسكاس تقطر ثم تحطيها في صينية او صحن وتبعديها على بعضها البعض باش ما تلصقش في بعضها البعض وتفسد .
وممبعد دريها في المجمد حتى تجمد ممبعد دريها في اكياس التجميد راح تصييها مجمدة حبة بحبة وفي وقت الحاجة تستعمليها كلي جبتيها جديدة
جربوها ماكومش راحين تندموا
السلام عليكم ياأخية وبارك الله فيكي على الموضوع وباذن الله نجربها وهل هذه الطريقة تنطبق على حب الملوك أم لا و بالوفيق.
رااااااائع
جربت تجميد الفراولة لكنها ما ضلحتش و فسدت
راح نجرب طريقتك و نجمد كل حبة وحدها
بارك الله فيك
طريقة رائعة , ساجربها بالتاكيد 
جربتها بنفس الطريقة وفسدتلي ذبالت كامل وراح اللون ديالها لكن الطريقة الاصح هي خسل الفراولة ورشها بالسكر ونتركها تبات ليلة كاملة من بعد نجمدها تقعد محافضة على اللون لكن الشكل قليلا ليس مثل الجديدة تصلح للمربى وللحلويات و سلطة الفواكه والمثلجات وفي هذا رمضان انا كونسرفيتها عملت مقدار الفراز +نصفه سكر وتركتة ليلة كاملة وفي الغد تنحي كامل الفريزة وتضعيها في بلارة والسيرو تعمليه يطيب دقائق فقط ثم تصبيه فوق الفراز وتعمريهش بزاف وتغلقي مليح وتعاودي تعقمي الفراز في قدر به ماء يغلي وتحطي البلارة فيها مدة دقيقتين ثم تنحيها ومتفتحيهاش مدة 15 يوم من بعد راح تستفادي من الفراز وسيرو في صنع الحلويات ملاحضة متحطيش السيرو حامي في البلارة والفريزة باردة من الثلاجة را تطرطق وشكرا لك اختي
المشكلة اخواتي ليس في طريقة التجميد بل في كيفية غسلها
أول هام لاتتركيها كثيرا في الماء يعني تغسل كمية و من بعد نزيد نغسل كمية اخرى وهكذا ( لاتوضع كلها دفعة واحدة في الماء)
ثانيا بعد ما تغسليها انزعي الوريقات لاتنزعيها من قبل حتى لا يدخل الماء فيها وبالتالي تفسد بسرعة
ربي يوفقكم وتقبلوا تحياتي
بارك الله فيكم على الموضوع والمداخلات والأفكار
يعطيك ربي ما تتمناي
بارك الله فيكم أخواتي أفكار مفيدة شكراً لكم
بارك الله فيك ساجرب الوصفة واعطيك الخبر
جزاك الله خيرا على هذه الطريقة