طبق السمك وطريقة تتبيله راح تندمي اذا مدخلتيش 2024.

بواسطة aksachli
22 يوليو، 2023

أهلا أحبتي انشاء الله تكونو بخير وبصحة جيدة راح نوريلكم طبق لذيييييييذ وطبعا مفيد السمك مكانش لي ميحبوش وخاصة في الصيف اليوم جبتلكم طريقتي في تحضيره وتتبيله وبعثه في الفرن هههههههههه حاجة ساهلة وخاصة في الصيف المهم منتولش عليكم

المقادير:
بالنسبة لسمكة تزن كيلو واحد ( سمكة الطون) لي درتها نحتاج
– نصف حبة بصلة متوسطة مقطعة مربعات صغيييرة
2 فصوص ثوم
– حبة زرودية صغيرة مقطعة شرائح رقيقة ( يمكنك الاستغناء عليها)
– 3 شرائح ليمون
– عصير حبة ليمون
– التوابل ( ملعقة ص ملح ، ملعقة ص فلفل أكحل، ملعقة ص موطارد، هريسة ، ملعقة ص فلفل أحمر حار ، ملعقة ك طماطم مصبرة ، zeste de ciitron ، نص ملعقة ص كمون ، معدنوس مقطع رقيق حوالي ملعقة كبيرة ، 2 ملاعق كبيرة زيت)

الان خلطي جميع المكونات ما عدا الجزر و شرائح الليمون كيما في الصورة ، و حضري السمكة بعد ما تكوني غسلتيها مليييح ضعيها علو ورق الالمنيون مدهون بالمارغارين حليها في الوسط كيما في الصورة

وضعي نصف الكمية من التوابل وزيدي حطي الجزر و شريحة ليمون و حتى على الجهتين حطي شوي توابل و شوي جزر و شرائح ليمون وشوي مارغارين وغلفيها مليح بورق الالمنيوم اقفليها باحكام

وحطيها في الفرن تكوني شعلتيه بربع ساعة قبل 180° وخليها طيب من كل جهة نصف ساعة ماتزيدي ما تنقصي

وهاهي بعد ما طابت وقدمي معاها وش تحبي أنا درت روز وفلفل حلو وبيتراف وزينت السلطة على شكل سمكة ههههههه انشاء الله تكون عجبتكم الوصفة وجربوها متندموش لذيذة