لسلام عليكم
المقادير
اشتري melange fruit de mer ياتي في ساشيات كونجلي يجي فيها لكروفات سيبيا بواسون بلون ……….
علبة ارز
فلفلة حلوة مقطعة لمربعات وكذالك الطماطم
اذا امكن جلبانة مفصصة بيزي
بصل متوسط
زيتون مقطع
والتوابل والملح والطماطم المصبرة
طريقة التحضير
اولا الارز
بواسطة كاس كيلي الروز كيما تحبي انتي ضعيه في طنيجرة وزيديلو زوج مغارف زبدة وزوج مغارف زيت خليه يتقلى على نار قليلة وكي تشوفي لونه بدا يبياض صبي عليه الماء لي كيلتيه بنفس الكاس لي كيلتي بيه الروز وخليتيه يغلي بحيث كل كاس ارز بزوج كيسان ماء وزيدي ارميلو الفلفة الحلوة مع جلبانة البيزي مع رشة ملح وخليه يتغلى على نار متوسطة حتى ينشف يجيك روز حبة بحبة
من جهة اخرى خدي طنيجرة اخري قطعي البصل زيديلو زوج مغارف زيت والتوابل * راس الحانوت وفلفل عكري والملح وزيديلو ميلونج تاع انواع الحوت
وخليهم على نار قليلة رايحة تلاحظي بلي الخليط رايح يولي مميه بلا ماتزيديلو الماء كي تلاحطيه بدا ينشف زيدي حطيلو الزيتون مقطع والطماطم المقطعة وزوج مغارف طماطم مصبرة وغطيه وخليه حتى تحسيه انو بدا ينشف طفي الفورنو عليه
هكا البايلا تاعك راهي جاهزة حطي الروز في طبق واسقيه بلاصوص وزينيه بالزيتون وشهية طيبة
طريقتي تختلف عنك نوعا ما
تسلمي اختي
الله يسلمك اختى زهرة ممكن تكتبيلنا طريقتك حتى نزيدو نستافادو وشكرا لك مسبقا
شكرا اختي على الطريقة
بصح هذي فواكه البحر ماشكيتش نلقاها
جامي شريتها
نحب نجرب الاطباق الجديدة والمختلفة في المذاق
بارك الله فيك هبة
|
المشاركة الأصلية كتبت بواسطة ام إثري
 شكرا اختي على الطريقة
بصح هذي فواكه البحر ماشكيتش نلقاها جامي شريتها نحب نجرب الاطباق الجديدة والمختلفة في المذاق بارك الله فيك هبة |
لالا هادي تجي في صاشيات كونجولي كيما لكروفات تتباع 400 غ ب 60 الف
ما شاء الله
باينة بنينة
بوريكتي و جزاكي الله كل خير
وفيكم البركة والله بنينة تاع الصح وخفيفة …….شكرا لكم نورتم الموضوع
يعطيك الصحة على الطبق الشهي
بورك فيك شكرا
بارك الله فيك اختي على الطبق الشهي
جزاكم الله الفردوس الاعلى ….نورتم الموضوع
رائعة بارك الله فيك تشهي تحياتي
وفيك البركة حبيبتي ………نورتي الموضوع
