رمضان كريم يا الحراير
ممكن تمدولي طريقة عمل طاجين الزيتون بالشومبينيون
انا الشومبينيون ما نعرفش نخدم بيه وجامي استعملتو ممكن تشرحولي طريقة العمل
وصح فطوركم حباباتي
اختي نوال رمضان كريم
طيبي طاجين زيتون عادي ثم في وسط الطياب حمسي شوي شومبينيون في مقلة مع الزبدة وارميه في المرق تع الطجين يطبخ شوية وطفي عليه
وتقدري تعملي ليفولوفو تعمريهم بالمرق تع طاجين الزيتون باشومبينون وتحطيهم يتحمرو شوية في الكوشة من الفوق
ثم حطيهم في صحون وسقيهم بالمرق
ليفولون يكون طايبين تخدميهم بالعجينة المورقة اوتشريهم جاهزين راهم ينباعو هايلين
صصح رمضانك اختي الشومبينيون تحمصيه في مقلة مع شوية بصل وفلفل اكحل وزبدة
|
المشاركة الأصلية كتبت بواسطة islam1aya
 اختي نوال رمضان كريم
طيبي طاجين زيتون عادي ثم في وسط الطياب حمسي شوي شومبينيون في مقلة مع الزبدة وارميه في المرق تع الطجين يطبخ شوية وطفي عليه وتقدري تعملي ليفولوفو تعمريهم بالمرق تع طاجين الزيتون باشومبينون وتحطيهم يتحمرو شوية في الكوشة من الفوق ثم حطيهم في صحون وسقيهم بالمرق ليفولون يكون طايبين تخدميهم بالعجينة المورقة اوتشريهم جاهزين راهم ينباعو هايلين |
ربي يحفظك ويجازيك كل خير
|
المشاركة الأصلية كتبت بواسطة yasmine_moub
صصح رمضانك اختي الشومبينيون تحمصيه في مقلة مع شوية بصل وفلفل اكحل وزبدة
|
ربي يحفظك ويجازيك شكرااااااااااااااا
بارك الله فيك وجزاك الله خيرااا
بارك الله فيك
ديري طاجين الزيتون عادي وكي ترمي الزيتون الداخل زيدي معاه شومبينيو يطيب عادي ويمد بنة لصوص
حتى مع المثوم يجو روعة ديريهم من الأول في لاصوص
ومع طاجين البسباس مرقة بيضاء بالدجاج
وتقدري تحمسيهم مع زبدة وبصل مرحي و معدنوس وفلفل أسود وملح وتحشي بيهم البوراك أو العجينة المورقة وأنا نحشي بيهم سكالوب ونروليه ونطيبو فب الفرن يجي روعة
نصيحة فقط كي تحمسيهم في المقلاة الملح زيديه في الأخير باش ما يخرجش منهم الماء وييبسولك
وصح فطورك