اريد من شاطرات المنتدة مساعتدي في طاجين الحلو لانه عندي عزومة بالنسبة لطاجين الحلو طريقتي هي ندير زبدة مع لحم مع سكر مع شوي قرفة وقرتفل ونخليهم يتقالاو ثم اظيف الماء لما يتقلاو اظيف شرائح القارص ونخليهم يتقلاو ثم اضيف العين البقرة والزبيب و لكن ديما يجيني حامض شويا لا ادري ماهو السبب القارص ام ماهو الخطا الذي افعله اتمنى ان التفاعل مع طلبي
أنا ننصحك ما تديريش السكر مع اللحم في الأول يجيك يابس اللحم، أنا نديروا بشوية بصل إذا حبيتي نقلك طريقتي؟
طبعا ياريت اريد طريقتك بالتفصيل
ولو فيه اسألة نحن في الخدمة
https://www.djelfa.info/vb/showthread.php?t=1116533
عزيزتي طريفتي بجد رائعة شكرا لكي لكن لو طبخته قبل العزومة بيوم عادي ام لا بما انني لن استعمل القارص وايضا بالنسية للفواكه المجففة عل احطها قبلا في ماء ام لا وكم المدة وايضا بالنسبة للزبيب نحطه بعدما يثقال شوي صح
شوفي حبيبة خدي لحم الخروف ديره في طنجرة مع قليل من الزبدة و حكمي حبة بصلة قطعيها رقيقة جدا و خليها تتقلى مليح ضيفي قليل من الملح غير على اصابع و عود قرفة و ملعقة صغيرة زعفران و مرقي غير شوية و خلي لحم يطيب مين ينضج لحم ضعي برقوق مع مشماش و ضيفي كاس سكر و خليه يطيب و تكون مرقة شوية مدة ربع ساعة ثم ضيفي شوية ماء الزهر و فاني خليه يطبخ غير خطرة ثم طفي و تكون موجدى لوز نحيله قشوره و حمريه في الزبدة و قدميه تحبي ثتني دزينيه باناناس تاع علب و شكرااا
شكرا جزيلا يعطيك الصحة فقك سؤال لو حضرته قبل يوم العزومة بيوم عادي
|
المشاركة الأصلية كتبت بواسطة mari_boutole
 شكرا جزيلا يعطيك الصحة فقك سؤال لو حضرته قبل يوم العزومة بيوم عادي
|
لا اختي يجمد فيه لحم و مين تعاودي تحيه البرقوق يخسر احسن طيبيه في نهار العزومة و تنقسيله الغز مبن تحبي توجدي طابلة طفي عليه و قدميه
نعم شكرا جزيلا لم لققد ساعدتني
mé3édouche idirou b lbarkouk kéyén bézéf fruit sec okhrin idirou bihom iji ihébél kima fraise et kiwi et mongue et annana néchefine