السلام عليكم
أريد الإستفسار على الدهان البوسعادي المصنوع من زبدة الغنم ، حاولت أني نشريها لكن ملقيتش شكون يروحلي لبوسعادة ، إذا تعرفو واحد في العاصمة يبيعها دلوني عليه و إلى أعطونا الطريقة و شكرا على القائمين على المنتدى
ان شاء الله يفيدوك البنات ونستفادو معاك
اختي انت تحوسي تشري ولا تخدميه ومنين انت باه نعرف نجاوبك
أنا نسكن في العاصمة في بادئ الأمر كنت نحوس نشريه لكن كي بحثت وجدت بلي في العاصمة ميبيعوهش ، أنا جذوري بوسعادية ، الآن ختي إذا كنت تعرفي طريقة تصنيعو فمن الأحسن لوكان تعطيهالي لأني راني نلاحظ بلي الأشياء القديمة راهي تنقرض و أيضا إذا تفضلت و أعطيتيني بلاصة هنا في العاصمة يبيعوه أكون شاكرة
أنا في إنتظار الرد…………………………..;plz
السلام عليكم اختي طريقة التصنيع منعرفش وثاني نحسبك تسكني في بوسعادة دنقلك بلي اخ زوجي يبيع فيه بصح السومة غالية واما الجزائر اسمحيلي والله منعرف وياخي تقصدي في دهان الغنم
نعم نقصد دهان الغنم ؛أخ زوجك في بوسعادة أو في العاصمة ، و بالنسبة لسومة أنا أعلم أنو غالي و شكرا لك
اخ زوجي في الجلفة واسفة اذا مقدرتش نساعدك
ma3liche oukheti au contraire c avec plsir merci bc
أنا وين نسكن يباع حسب الطلب يعني نطلب من سكان البادية يبيعوه لتا وتحدد الكمية وهذا لتفادي احتمال اي غش وبعد مدة تستلمه والناس هنا دايرين له قيمة كبيرة ولازم يكون بمواصفات معينة ويستعمل أيضاً كدواء . اعتقد انك تعرفي قيمتو بحكم انو أصلك من بوسعادة ،
المهم والمفيد انه يمكنني ان اسأل عن كيفية صنعه وأفيد ك ان شاء الله لكن اصبري عليا حتى الاسبوع القادم لما نخرج للبادية ونسال الحرائر نتاع اللبادية
لما تمخضي اللبن وتتحصلي على زبدة تحاولي تصفيها مليح من الحليب الي عالق فيها وذلك بوضعها في الماء وتجمعي بأصابعك ولما تصفى تحطيلها مقدار مناسب من الملح ( وكل ماكان الملح بكمية كبيرة كانت النتيجة أحسن ) لأنه الملح يحفظها من أنها تزراق وتفسد
وتخبيها في آنية من الأحسن من الفخار أو من الزجاج وتكون محكمة الإغلاق .
إذا حابة الزبدة تاعك تتحول بسرعة للدهان خليها خارج الثلاجة في مكان دافي كالمطبخ مثلا ، وإذا حاباتو يطول في التحول حطيه في الثلاجة ـ وهو من الأحسن يكون خارج الثلاجة ـ جداتنا زمان كانوا يحطوه في جرة من الطين ويحفرولو حفرة في الأرض ويوضعوه فيه ومايفتحوهش حتى بعد عام .
وكل ما قدام الدهان تتغير نكهته ولونه ويكون فعال في التداوي أكثر .
هذه طريقتنا في صنع الدهان خاصة تاع البقر وما نعرف ولا حتى تاع الغنم يصنع بنفس الكيفية أم لا .
اليوم تقريبا ماعدناش نديرو الزبدة في البيت وإذا مخضنا تكون كمية قليلة ومانتحصلوش على زبدة كافية باش نحولوها لدهان ولهذا أنا كل مايخلاصلي نشري كيلو ولا زوج زبدة حرة من عند لبان موثوق فيه ونخدمها في البيت .
نتمنى نكون أفدتك وإذا طريقة البوسعاديات غير طريقتنا يقولولنا نجربوها .
مشكورةةةةةةةةةةةةةةة