صك الغفران السورسي .واللي ماعندوش يموت بالهم .بلاد ميكي 2024.

بسم الله الرحمن الرحيم :
تقرا ولاماتقراش في بلاد ميكي كلش كيف كيف ، سنين ونت تتميزر فالقراية وتشقي والديك وتبكيهم ، الدراهم بلا حساب ، تروح للجامعة تمرض بالمصران وليسطومة من السانك سانك ، بلا الغسيل والمزيرية والمصروف والحقرة تاع الإدارة ،تتخرج يعطولك كارطونة ، ومن بعد تحسب يرحموك ويتهلاوفيك ، لالا خويا ، وين تروح يقولك العامين والسورسي ، والنسا لاعامين ولاسورسي غير هوما راهم معمرين البلاد ، أنا تحديت الزمن والظروف وعاودت الباك ربع مرات ، ودخلت للجامعة وقريت خمس سنين ، تخرجت العام اللي فات ، راني فالتسعة وعشرين ، علابالكم واش حطوني عندهم ، حطوني عاصي ،شكون العاصي يا مسلمين.، العاصي اللي يضل في الإنحراف والمخدرات ، ولااللي يصلي ويقرا باه يعاون بلادوا ، حتى ماقبل التشغيل ماعطاونيش وعطاوه للنسا ، أنا معنديش صك الغفران تاع بابوات الرومان ، واش أدير بيا فالعسكر ، ياخي راني فوت ربع سنين عسكر فالجامعة ، كي بغيت ندخل للدرك الوطني في 2024ماقبلوش قالك سنانك فاسدين ؟ ياخي علاه سناني يمشوا غير فالعامين ، ولادكم راهم يعقبوا العامين ؟ أديوا اللي ماقراوش عاقبوهم ،وحنا القاريين دخلونا خدامة ولا خليونا ننفعوا الشعب ، نحيوا قانون العار على القاريين راكم اقتلتوهم وندموا اللي قراو ، من المزيرية للمزيرية ، أنا راني رايح ليهم نفوت فالمحكمة عاصي ، لاقباش أنا جزايري ونبغي نكون حر ،مانستناش إيجيو يهزوني اللي ماقراوش ،انا عندي ليسانس منيش ثانوي خويا ، أروح بصح أمام الله منسمحلهم على اللي ضيعولي الخدمة وأنا فقير وسماوني عاصي ،وبيناتنا الله ………

اصبر وخلاص، حسبك الله ونعم الوكيل

انا ثاني معنديش صك الغفران راني باصيت وملقيتش راسي اذا نروح نفوت ولا نزلطي

الصبر خويا ………….هاذا واش نقدر نقولك

كاين ناس حالتهم أسوء من حالتك بكثيييييييييير

أنت على الأقل عندك شهادة جامعية + صحتك مليحة+…..

والمشاكل اللي راك تمر بيها….ماهي إلا وقتية

يجي نهار وين تزول ….وكي تتفكر تبدا نضحك

سلاام ولد ولايتي

صدقني اخي انا احس بك اتعرف لماذا لان هذاالصك او الخرطي الوطني كان سببا في دخولي عالم البطالة من بابه الواسع مدة 6سنوات الى اليوم رغم وجود العمل وبالقرب من منزلي تخيل يقول لك مدير مؤسسة تربوية تعال فمكانك موجود لكن للاسف لا املك صك الغفران تخيل والله كنت نحلل على اللوردبال تخيل الله لاتربحهم خلاوني معلق ماعطاوني الاعفاء ما عطاوني اللوردبال لكن الفضل لله اولا ثم للبوعزيزي ففي هذه السنة لحقهم ريح الثورات سرحو كلش لكن والله ماني مسامحهم على السنوات الي خلاوني فيهم معلق حسبي الله ونعم الوكيل

حسبنا الله ونعم الوكيل
ولا حول ولا قوة الا بالله

صدقوني يالخاوة أنا ماني كاره الجزاير وراني راضي بالمكتوب ومانخافش الفقر ومانيش تاع كسر وخرب أنا إنسان مجرد إنسان يطلب حقوا ماتعطوني لادار ماني نحوس على الحرقة ماني طالب منكم الملاين والرابالات أنا راني باغيكم تعطوني الكرامة تاعي وتخلوني نعيش هاني باغي نجيبها بذراعي نزوج وندير لولاد إلا كتب لي الله الحياة ونودعكم للأخرة ماتسالوني مانسالكم أعطوني حقي وانتوما ربي يحاسبكم غدوة علاه تقتلوا المواهب علاة تقتلوا العلم علاه الدكتور القسنطيني فالنووي هرب من المريكان علاجال البلاد حكمتوه للعامين ومن بعد خدمتوه فالغابات ومن بعد انتحر يوم اللي كرمتوا أديبة من العراق في قسنطينة …..ياو ماناش نحوسوا على الرابالات باه نسكتوا ….ياورانا نحوسوا على الكرامة رانا ذلال في بلادنا وين انروحوا ياناس …باغيكم تسمعونا راكم ماقيمتوناش ، البلاد اللي ما يكونش فيها القاري عزيز كيفاه تطور كيفاه غدو يبزق عليا ولا يسبني سنة ساتة ولا تاسعة وانا جامعي كيفاه تقولولي راك حر في لالجيري…..بركاونا من الخرطي . الريفورم يمدوها للصغار وحنا قالك راكم عصاة !!!!

ماذا أقول لك اخي

حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل

انا رشيت فالجاميعة وفوت العسكر وقاعد ندور بلاخدمة

بلاد الميكي تا الصح
بصح الله غالب واش راح نديرو نصبروا وربي يفرج علينا ان شاء الله .

السرجان و الجندي يدو في 4 ملايين ونتوما يا جا معيين موتو بالشر ترشو في الجامعة و مبعدا يجي كابران شاف ما قرا ما شاف يسبكم و يبزق عليكم في لكازرنة نتاع العامين لي يسكت على حقو محشيتلو طول و عرض

بلاد ميكي بلاد نتاع التيكي كلش فيها رشوة كلش فيها تيكي بالمعريفة تجيب الديسبونس وبالمعريفة تخدم وقتاش تفيقو يا شباب البنات يخدمو ونتوما طفرت فيكم

واحد يدي الباك يروح للجامعة يضيع ربع سنين ، ويفوت عامين ،ويخرج بلاخدمة ، يروح يدير لاشان على ماقبل التشغيل ، والخدام يطير عليه ، وست شهر مايخلصش ، واحد يدي الباك ،يروح يقاجي ، ربع سنين يولي يهز عشر ملاين ، وحدة تتخرج تروح تخدم مباشرة في ماقبل التشيغيل ، وكاين اللي ماطارلوا والو ، يعني راهم يقولونا قاجوا وبركاوكم مالقراية ، كونوا نسا وبركاكم مالرجلة .

فزدها علينا بوتفليقة يدعم فالنسا و مزال بالعربية بغا يدرها دولة التاع النسا و يبعث الرجال للشونطيات حشا جماعت الشونطيات
ويبقى فيها وحدوا يحسب فيها دايمتلوا

بسح حنا نحمدوا ربي لخطراه خايف يجي نهار تولي لويزة حنون رئيسة لثمة تزيد تكمل علينا مليح البايرة هذي
وجماعت حقوق المرأة

كلنا في الهم كفيف حتى أنا اليوم رحت الى ا

لناحية ولم يعطوني السرسي

العام الثاني اللي منشركش فيه في المسابقات ربي وكيلهم

أليس في بلاد ميكيماوس ….. تحكيلكم واش شافت
فالتربية والتعليم يقراوا كلش غير الدين الإسلامي ويلا قراوه يقراوه مزروبين نحاو العلوم الإسلامية كشعبة وخلاو الفلسفة ومن بعد يقولك التنصير
الثقافة عندهم الشطيح والرديح والغناوات
الفلاحة عندهم كلش ويستوردوا كلش البنان المستورد رخيص على الثوم المحلي
الصناعة عندهم إيفري وموزاية ويوكوس وسعيدة و القوفريط تاع ميل فراك
الرياضة عندهم ملاعب تاع بلاستيك وحايرين في ميترا قازون
الشباب ضايع ، القاري صايع واللي ماشي قاري بايع وخسرت الطبايع
البحث العلمي عندهم مشروع ضخم وهو إنتاج بذور بطاطا محلية تنوض فريت واجدة
الصحة شعارهم الداخل إلى المستشفى مفقود والخارج منها مولود
الإعلام عندهم خمس قناوات تعاود البامج تاع بعضها واللي يتفرج لازم تحكموا لادياري
الأشغال العمومية بناو طريق سماوها مشروع القرن راه فيها الموت كثر ملابيست
التضامن عندهم ليجوي تاع النيلوا شنوية يعطيوهم للولاد المرضى فالعيد الكبير
والحكاية طويلة …………….طويلة بزاف
أتكلم ماتخليهاش في قلبك