نسيت لم اقل سلام عليكم وصباح الخير .و في التارخ هل توجد القضية الفلسطينية
في ظرف أسبوع تكمل ماكانش منها أخي واشي كي تمت الحرب هزيتي السلاح
خويا راجع شوية تجيبو الباك ما كان والو
بصح أسبوع ما ضنيتش تقدر تكمل ربي يعاونك
لاه يعني شجعوني
ان شاء الله ربي يوفقك اخي
لم يبقى الا القليل
اجتهد في هذا الاسبوع الاخير
والرزق من عند الله
ان شااااااااااء الله تنجح وجميع اللممتحنين
يا أخي أنا راني علوم تجريبية ونسبة المراجعة راني كيما نتا الله يستر وان شاء الله نكملوها
ماشي مستحيل باش تلحق
بصح********************** لازم اجراءات مستعجلة
ما كان حتى مستحيل اسبوع يكفي لا ن تراجع الدروس الاساسية
تشجع وادرس جيدا خاصة ان كنت تفهم في القسم
وانت واش راك خاسر ما راك خاسر والو اقرا اسبوع واتوكل على ربي
و الله يا اخي لازم مترقدش باش تمكمل معليش سوفري شويا و امبعد تربح
توكل على ربي وراح تكمل ان شاء الله اخي الكريم
ربي يوفقك ويوفقنا
توكل على الله و اتعب و اجتهد ان الله لا يضيع اجر من احسن عملا.
أخي مستحيل تكمل في أسبوع الناس من سبتمر وملحقتش بصح تقدر تركز على الأساسيات وتلحق أن شاء الله
بصح لازم تضاعف مجهوداتك يعني تنسى النوم وربي يعاونك أن شاء الله
أن شاء الله كامل ناجحين
اللي يحب ربي ينجحو
قرا ولا ما قراش
مبروك عليك الباك خويا وجدلنا الطمينة
سمانة تكفيك بالفور والزيادة
السلام عليكم و رحمة الله تعالى و بركاته
أولا أنا مثلك بدأت اليوم ( أنا ُ آخذ إستراحة الآن) 
كل شيء ممكن ,,, ما عندناش بناء الصواريخ ولا حاجة واعرة بزاف اللي لازملها الوقت ,,,, أسبوع تكمل فيه و زيادة ما تقلقش روحك برك و واحد ما يحبطلك المورال أخي إذا درت حاجة في بالك توصللها بإذن الله
أنا اليوم برك كملت التاريخ 
ثانيا نقولك حاجة اللي دايمن تطلعلي المورال و تبينلي بلي إلا حبينا حاجة نديروها
خويا العام الماضي بدا فهاد الوقت و هو يقرى تسيير و اقتصاد ,,, بدى يقرى و فورصا روحو حتى طاح فراش مريض ,, المسكين راح جوز الباك عايب و الحمة دارت فيه حالة ,,,,,,,
المهم حنا قولنا خلاص الباك مستحليل يجيبو حتى خرجو النتائج و تفاجئنا بلي جابو ب 11
سمحلي خويا طولت عليك بصح ما تتقلق ما والو تكمل و تجيبو إن شاء الله
و السلام عليم و رحمة الله و بركاته