هدا القاطو عندي انا هو المفضل وسهل التحضير سيرتو في الأعراس
المقادير
4صفار بيض
كأس سكرعادي وكأس زيت
2خميرة نتاع قاطو
2 قارص (عصير وقشور )
فرنية نما بيها
ومننساوش قرصة ملح وفاني
التحضير
بيض+سكر + زيت + قشور القارص والفاني وعصيرالقارص ونخلط مليح من بعد نضيف الفرينة مع الخميرة والملح حتي نتحصل على عجينة طرية مثل الصابلي العادي
نحل العجينة بحلال ونقطع اشكال بالطابع الي تحبيه
من بعد نخلو الكوشة يطيب صفر
القلاصاج
4بياض البيض +عصير نصف حبة قارص +مغرف زيت +ملون اصفر وعطر القارص ونحلط بالباتور مليح ونضيف السكر قلاسي تتحصلي على قلاصاج
كي يبرد القاطو ندير ملفوق القلاصاج ونحليه ينشف من بعد ندير بريو أو اللمع ابيض بواسطة اسفنجة نمسح السطح القاطو ونزين بوريدات كيما تحبي ا بعجينة لابات داموند
ان شاء الله يكون القاطو نتاعي عجبكم ويكون الشرح مليح
بالصحة وعافية على الجميع
شكرا لك تبان حلوى تشهي
شكرا بارك الله فيكو بربي نسييها
بارك الله فيك
تبارك الله يعطيك الصحة شكرا على الوصفه
بارك الله فيك أختي
شكرًا لك اختي على الوصف
اختي أم مبين حبيت نسقسيك على القلاصاج يجي يابس و ل
شوفي حبيبتي القلاصاج يجي طري وبنين
شكرا حبيبتي على الردرد الطيبة حبيباتي انشاء الله تجربوه وتنجحو فيه
يعطيك الصحة
الله يبارك فيك ساهل و باين بنين الله يعينك
بارك الله فيك أختي
يعطيك الصحة راني مجرباتو يجي روعة