اهلا عزيزاتي احلى واطيب لمة
بروكلو مرقة كان غدايا ليوم الجمعة او هاي ليكم الوصفة
من 2 الى 3 حبا ت بطاطا
حبة بصل متوسطة
2 فصان من الثوم
2 ملاعق كسبر كبيرة
مغرف صغيرة فلفل اسود، ملح
معدنوس
حبة قارص
كمية من الفرينة
من 2 الى 3 بيض
راس بروكلو صغير طبعا حسب العائلة
زيتون اخضر مقطع
كمية من الدجاج
أول حاجة تقطعي زهرات البروكلو أو حاولي تتخلصي من الجذور قدر الإمكان او تحطيه اطيب في الماء والملح والقارص باش تتخلصي من الراحة وتحافظي على اللون تاعو او تقدري تفوريه، من جهة أخرى تقطعي البطاطا مربعات صغار او تقليها أو تصفيها أو تحطيها في ورق ماص باش تضيفيها للمرقة، تنصبي مرقة بيضة ترحي حبة بصل مع الكسبر والفلفل الأسود والملح والدجاج أو شوية زيت أو تقليها مليح أو تضيفيلها الماء ماوش بزاف أو تخليها تطيب،بعد مايطيب الدجاج تضيفي الزيتون الأخضر بعد ما تكوني غليتيه باش يتنحالو الملح، أو زيدي البطاطا المقلية، بعد ما يطيب البروكلو
تصفيه أو توجدي 2 بيض، ملح، فلفل اسود ،معدنوس، أو فرينة تخلطيهم مليح أو تغمسي زهرات البروكلو
او تقليهم في الزيت
بعدها تحطيهم في ورق ماص
أو تضيفيهم للمرق أو تخليهم يغليو شوية في المرقة هذة خطوة مهمة باش يشربو المرقة اجي البروكلو هايل أو تقدميه مع القارص مممممممممم بصحتكم انتظر ردودكم عزيزاتي
بارك الله فيك بصحتكم
امممم الطابلة راهي تشهيي يعطيك الصحة
يعطيك الصحة وبصحتكم.
بصحتكم اختي
بصحتكم فى الحقيقة كرهت غداء عشاء كى ايجى وقت الطياب نتقلق
بصحتك حنونة تكلي وتزيد
ماشاء الله كلش امممممم ويعطيك العافيه
يعطيعم الصحة اثلجتم صدري بكلماتكم العطرة ربي خليكم
ya3tik elsaha
شكرررررررررررررررررررا لكن حبيباتي
يعطيك الصحة بصحتكم
ما شاء الله بصحتكم يعطيك الصحة
شكرا من الاعماق
بارك الله فيك طبق رائع