هاذو حلوياتي لي خدمتهم قبل يومين
و طبعا كل الوصفات من المنتدى مع بعض التغييرات
تشاراك بالعجينة السحرية
قلوب بالجلجلان بصح أنا درتهم مربع و ما درت الشوكولا
قاطو بالبيمو
تارتولات بالنيستلي .
صحا عيدك تاكلوهم بالهنا
باهييييييين
تشاراك العجينة السحرية درتو العام لي فات يدوووووووب فالفم بصح كي طول يبس جابلي ربي قويت المايزينة كي حليت
قلوب الجلجلان نموووووت عليهم و قاطو البيمو مممممم بنان جربتم
بصحتك اختي
شكرا لكما أختاي أم نسمة و آرك
و ربي يعطيكم ما تتمناو .
الله يبارك اختي .. روعة
ممكن وصفة تارتولات بالنيستلي .
أختي ميفا بارك الله فيك .
الحقيقة الوصفة درتها غير من راسي
نص باكي زبدة أو أقل كانت باردة قطعتها مكعبات و زدتلها فرينة عيني ميزاني
و بديت ندخل الزبدة في الفرينة +2 مغارف سكر+2 مغارف زيت +فاني +شوي حليب ربما مغرف +مغرف صغيرة خميرة
و جمعت العجينة.
جاتني 15 تارتولات .
بصح كاينة وصفة بالزيت نتاع عضوة في المنتدى (نسيت اسمها ) :
– أربع كيلات فرينة مغربلة
– كيلة زيت
– قرصة ملح
– بيضة مخفوقة
– 1 خميرة حلويات
– ماء وماء الزهر لجمع العجينة
هذي الوصفة الأصلية وانا زدت فيها مغرفة وحدة سكر ناعم و شوية فاني لكن الوصفة الاصلية كيما راهي مليحة وماتحتاجش إضافات او تعديل تعرفو الانجليز مايحبوش الحلاوة في الأكل لهذا الوصفة مافيهاش سكر وماتخافوش مع حشو التارت ماتحسوش باللي مافيهاش سكر بالعكس تماما تحسو السكر في الوصفة مضبوط
شكرا اختي ..
|
المشاركة الأصلية كتبت بواسطة جويرية الإيمان
 أختي ميفا بارك الله فيك .
الحقيقة الوصفة درتها غير من راسي نص باكي زبدة أو أقل كانت باردة قطعتها مكعبات و زدتلها فرينة عيني ميزاني و بديت ندخل الزبدة في الفرينة +2 مغارف سكر+2 مغارف زيت +فاني +شوي حليب ربما مغرف +مغرف صغيرة خميرة و جمعت العجينة. جاتني 15 تارتولات . بصح كاينة وصفة بالزيت نتاع عضوة في المنتدى (نسيت اسمها ) :
المقادير( هذه المقادير تعطيك زوج تارت أو حوالي 15 تارتولات):
– أربع كيلات فرينة مغربلة – كيلة زيت – قرصة ملح – بيضة مخفوقة – 1 خميرة حلويات – ماء وماء الزهر لجمع العجينة هذي الوصفة الأصلية وانا زدت فيها مغرفة وحدة سكر ناعم و شوية فاني لكن الوصفة الاصلية كيما راهي مليحة وماتحتاجش إضافات او تعديل تعرفو الانجليز مايحبوش الحلاوة في الأكل لهذا الوصفة مافيهاش سكر وماتخافوش مع حشو التارت ماتحسوش باللي مافيهاش سكر بالعكس تماما تحسو السكر في الوصفة مضبوط – ملاحظة : الكيلة اللي كيلت بيها هي غرفية حليب
نحط العجينة في كيس ونخليها ترتاح في الثلاجة حوالي 30د ( وقت الراحة مهم باش العجينة تحافظ على شكلها لما تدخل للفرن ) .
|
مشكورة ختي
بلا مزية أختي نيكيتا و أختي ميفا .
ماشاء الله يعطيك الصحة والله غير يهبلوا
بارك الله فيك اختي ماريانا و اختي فاتي
و صح عيدكم
بصحتكم وصحا عيدكم
bsahatkouum te3aydouu b saha nchallah
ممممممم يسخفو يعطيك الصحة