تحكمي الديول و تقطعيهم دوائر على حساب les moules de dziryat و تدهني كل دائرة بالسمن و تحطي 4 دوائر في المول ثم العقدة ثم ضفي 3 دوائر تلويهم و تحطيهم بشكل عشوائي من فوق
شكرا اختي
لكن نحوس على طريقة تصلح بيها كي نديرها في بلاطو ونقطعها عادي
لكن خفت الذيول يجيوني طريين وتخرج لبقلاوة طرية
على هاذي حبيت نسقسي كاش وحدة جربتهم او تعرف طريقتها
سلام انا جربتها اختي تجي نورمال انا درتها بلابات فيلو الى تتباع انا درت 6 من تحت و 6 من فوق وديري العقدة في النص قد ما تكثؤي اوراق نورمال هي صح تجي شابة بصح ما تقطعش كيما البقلاوة الى مداري بصح تجي شابة جربيها وما تهابيش حتى كن ديري بلاطو صغير
|
المشاركة الأصلية كتبت بواسطة k.takoum
 سلام انا جربتها اختي تجي نورمال انا درتها بلابات فيلو الى تتباع انا درت 6 من تحت و 6 من فوق وديري العقدة في النص قد ما تكثؤي اوراق نورمال هي صح تجي شابة بصح ما تقطعش كيما البقلاوة الى مداري بصح تجي شابة جربيها وما تهابيش حتى كن ديري بلاطو صغير
|
ياريت تقوليلي كيفاش درتيها بالتفصيل
بالصح انا عندي ذيول نضن ماهمش كيما الفيلو وكلا كيف كيف
وباش دهنتي الاوراق ؟زيت او زبدة او سمن
وكيفاش الحشو والتعسيل
ما تجيش مليح بالديول لاني جربتها تكون فالبداية مقرمشة و من بعد تطرى تولي ماشي مليحة
ديري بيهم سيقار محشي بشوية كوكاو و قرفة و القليل فقط من السكر و افتلي بماء الزهر و اقليهم
و من بعد عسليهم بعسل ثقيل يبقاو مقرمشين قداش من يوم و بنااااااااااااااان
نظن كي قاتلك الاخت بالديول يجى شوية سامط ديريهم كي البوراك يجو شابين مداري نديرهم بصح لا شريتي لا بات فيلو يجوك خير وتانى مشي غالي 12mil فيها 12 ورقة كيما ديول بصح هوما مخدومين بالعرض ملاح يعاونوك في الخدمة انا كي درتهم خلطت وحدة زوج مغارف كبار سمن وشوية زيت وتدهني بين كل ورقة واختها والورقة لى ديري فوقها العقدة ما تدهنيهاش وتزيدي تكملي الطبقات ا لفوقانيين ومن بعد تقطعيها نص تقطاع وتزيدي تسقيها من فوق بالسمن الي بقا ولا شفتيه قليل بزاف زيدي شوية وتدخليها تطيب وعسيها كي تشوفي الحواشي حمارو شعلي من فوق وتكوني وجدتي عسل ابيض كيما يسموه تديري عبر سكر مع عبر ماء وكي يغلي حسبي 10 د وطفي كي تدخليها تطيب ديريه هو يطيب باه كي تخرجيها يكون هو برد شوية وواش تاني والله راني نتفكر كاش حاجة على خاطر انا كتبتها بكامل اللغات باه خرجتلي وكاش حاجة زيدي قولي لي نورمال تفكرت انا كي جربتها بالعجينة هادي بقات قاع ليلة وما طراتش
صح تفكرت كي تحلي العجينة داهيك ديريها فر فوطة مندية على خاطر تبس تم تم ووجدى كي شي قداك العقدة ديري وحد البول صغير وزيديها وحد المغرف ولا زوج سكر مشي بزاف انا رشيتها بوحد الزوج قطرا ماء الزهر والا ما ديريش خلاص وديريها في سنى صغير وتانى الحواشي هادوك ما تقطعيهم ما والو غي ثمة وطويهم انا نموت على الحواشي تع البقلاوة هتداك ما ناكل فيها
يعطيك الصحة اختي k.takoum
يعني حتى ونديرها بلابات فيلو تقعد مقرمشة ليلة برك ومن بعد تطرا ؟
كنت نضن تقدر تقعد اوموا اسبوعين ؟
وكنت نضن تقدر تخرج كيما هاذو
يا اختي انا جربتها وخرجتلي كيما هي قتلك ما تهابيش جربي بلا صغير وشوفي وناكد لك بلي ما غاديش تبات هههه انا درت بلا صغير والله غي كمل في نهارو ههههههههه
ان شاء الله نجربها اختي
يعطيك الصحة
انا جابيلي ربي تخرج بلبات فيلو احسن وتجي هايلة بالنسبة للديول مانعرف جامي جربتها في رايي ديرهم ليسيقار خير هكدا كا تخسري ماوالو