اخواتي اليوم حبيتكم تشاركوني فرحتي
بقصعتي الجديدة شراتهالي امي العزيزة
ربي يعيشهاوعلمتني كيفاش نطيبها
قصعة صغيرة وضريفة اليوم درت فيها الكسرة اول مرة
كنت ندير الكسرة في قصعة كبيرة وثقيلة
تاع العايلة
شوفوا قصعتي واش مليحة
اليوم درت فيها كسرة الرخسيس
قصعتي طيبتها بالحنة والدباغة
كاين اللي مايعرفوش يطيبو القصعة كي يشريوها يخدمو فيها هكاك خشب ابيض
اليكم الطريقة الي علمتهالي امي والي بيها
تبقى القصعة صحيحة ومليحة في الشكل ايضا
أولا
كي تشري القصعة تفرغي فيها 2بايط تاع
الحنة طبيعية بنت اليوم اوجميلةتاع بلادنا
وفنجان زيت وماء دافي تجريها بزاف بحيث تمر
في الانبوب تاع الحقنة وتدهنيها كاملة حتى
من التحت ومرة على مرة تحركي الحنة عليهاكاملة لمدة اسبوع حتى تشرب القصعة
الماء كامل وتيبس الحنة تنفضيها بيدك
وتغسليها ثم تهرسي الدباغة الي تتباع عند
العشابين
هذه صورة لها
وتسيريها في غربال تاع الدقاق وتحطيها في القصعة وتسقيها بماء دافي كيما درنا للحنة وتخليها حتى تنشف
ثم تغسليها مليح وتخليها تشيح ثم تدهنيها
بالزيت وتخليها تبات حتى تشرب ثم تغسليها
وتعاودي تغسلي ومن بعد تدهني حتى يعود الماء تاعها صافي وتبداي تخدمي فيها وكل ماتكملي ادهنيها واحفظيها
بهذا الشكل لانها ممكن تتعوجلك لو تحفظيها واقفةمثلا
واتمنى انني افدتكم ولو بالقليل
وتحياتي
سامحني انا مانيش جزائرية
حبيت نسألك ياخي القصعة لوح؟؟؟؟؟ و ما تتحرقش كي تحطوها على النار؟؟؟؟؟؟؟
بصراحة عجبتني برشة !!!
ربي يجازيك كل خير على هذا الموضوع
|
المشاركة الأصلية كتبت بواسطة أنا أمهم
 سامحني انا مانيش جزائرية
حبيت نسألك ياخي القصعة لوح؟؟؟؟؟ و ما تتحرقش كي تحطوها على النار؟؟؟؟؟؟؟ بصراحة عجبتني برشة !!! |
ممكن اختي مافهمتينيش انا لا اعني بنطيبها اني نحطها على النار القصعة خشب لوكان تحطيها على النار مايبقى فيها والو
كي قلت نطيبها يعني تولي صحيحة وما تتكسرش
يعني المراحل الي نديرهم للقصعة يسمى طيبناها اتمنى تكوني فهمتيني
|
المشاركة الأصلية كتبت بواسطة هباهبا
شكرا اختي لمرورك
ممكن اختي مافهمتينيش انا لا اعني بنطيبها اني نحطها على النار القصعة خشب لوكان تحطيها على النار مايبقى فيها والو |
اه فهمتك , هههههههههه الله غالب في الاول فهمت اللي انت تستعمليها فوق النار لطبخ الخبز هههههههههههه
المهم انه موضوعك حلو برشة, و ان شاء القصعة مبروكة عليك و ربي يفضلك الوالدة.
|
المشاركة الأصلية كتبت بواسطة أنا أمهم
اه فهمتك , هههههههههه الله غالب في الاول فهمت اللي انت تستعمليها فوق النار لطبخ الخبز هههههههههههه
المهم انه موضوعك حلو برشة, و ان شاء القصعة مبروكة عليك و ربي يفضلك الوالدة. |
وربي يخليك
تعيشي حبيبتي على الطريقة الهايلة انا من زمان وانا نحوس نعرف كيفاه يطيبو لقصع شكرا جزيلا
|
المشاركة الأصلية كتبت بواسطة ام جلال
تعيشي حبيبتي على الطريقة الهايلة انا من زمان وانا نحوس نعرف كيفاه يطيبو لقصع شكرا جزيلا
|
بارك الله فيك
|
المشاركة الأصلية كتبت بواسطة ميرثا
بارك الله فيك
|
مشكوووووووورة اختي على طريقة الطياب
كنت نسمع بيها وبفضللك كي نزوج نشري قصعة هههههه ونطيبها وحدي
الله يحفظلك الوالدة طريقة مليحة اول مرة نسمع بيها حنا عندتا يديرو الشحمة
بارك الله فيك منكم نستفيد
|
المشاركة الأصلية كتبت بواسطة نور الهدى 809
مشكوووووووورة اختي على طريقة الطياب
كنت نسمع بيها وبفضللك كي نزوج نشري قصعة هههههه ونطيبها وحدي |
|
المشاركة الأصلية كتبت بواسطة mzzmimi
الله يحفظلك الوالدة طريقة مليحة اول مرة نسمع بيها حنا عندتا يديرو الشحمة
|
كيفاه يديروا الشحمة بصح تبقى بيضة يضهرلي
|
المشاركة الأصلية كتبت بواسطة تغرينية
بارك الله فيك منكم نستفيد
|
معلومة هايلة وجديدة عليا
حابة نسقسيك على القصع اللي نشروهم نتاع تايوان تنفع معاهم ولا لا
بارك الله فيك