مساء الخير اخواتي
اليوم جايبتلكم موضوع مفيد جدا لكل الاخوات لي يتعلمو في الخياطة
راح نوريلكم ابسط طريقة للتفصيل والتي استعملها في تفصيل قنادر الدار
اول شيء لازم ناخذو القياسات التالية
طول الجسم
عرض الكتف
طول دورة الصدر
طول حفرة الابط
الطول المرغوب فيه للكم
بعد اخذ هذه القياسات نبدا على بركة الله العمل
نحضرو القماش نتاعنا و نطووه على ارعة ونبداو العمل
و الصور توضح طريقة العمل و بها الشرح المفصل
انا حبيت ندير شوي اضافات للقندورة نتاعي
لانو اللون نتاعها ماعجبنيش ياسر
قلت نزيدلها لون اسود تولي مليحة
عملتلها قطعة في الصدر
و لانو دايما نحتاج حوايج جنبي
قلت ندير جيب فيها منو زينة منو نستعملو
هاهم كيفاش فصلتهم
وهنا بعد الخياطة نتاعي و التزيين بالقالون
بقالي شوي قالون درتو بابيونات في الجهة الاخرى المقابلة للجيب
و زينت بيهم واش رايكم
و هنا القندورة اقرب
اكيد تحبو فيفي تلبسها باه تعطوني رايكم
جاتني مليحة والا لا
هكا لبنات نكون وريتلكم اسهل طريقة في التفصيل
واللي ماتحتاجش الاخت تكون خياطة ماهرة باه تعرفها
الان كامل طبقوها في قطعة قماش و ردولي الخبر
و ان شاء الله يكون الشرح مفهوم
واي استفسار راني موجودة للاجابة عليه
بارك الله فيكي فيفي على المودال و الشرح
ماشاء الله عليك راكي استادة في الخياطة
ربي يخليك اختي بترا
العفوووو لؤلؤتي
صباحك فل يا فراشة المنتدى
ماشاء الله خياطة شلطرة
والقندورة جات رايعة
الله يسلم يديك
صباح النور اختي دولي
ربي يخليك
ماشاء الله يالفحلة ربي يبارك جاتك روعة، و الله يسلمك على الشرح المبسط
تمنيتها راهي باقة ورود تاع صح تستاهلي أكثر……..
يعطيك الصحة جاتك فورررررررررررر ربي حبيت نسوالك وين تعلمتي الخياطة عبر النت؟؟؟؟؟؟؟؟؟؟؟؟؟ تبان لي بلي تعلمتيها في مركز مهني او ما شابه
ادا تعلمتيها في الدار راكي تطلعيلي المورال يعني في يوم من الايام نعود كيما انت لاني مهتمة بهدا المجال وخاصني الكوراج ونحي الخوف من الكتان
شكرا يا حبيبتي فيفي راكي تحفزي فيا يوم بعد يوم و ان شاء الله نبدا قريبا
ولكن عندي استفسار كيف ناخد قياس طول حفرة الابط
a quelle distance je dois marquer la taille merci beaucoup ma chere
|
المشاركة الأصلية كتبت بواسطة ام ابتهال و ياسر
 |
والف شكر على باقة الورد
|
المشاركة الأصلية كتبت بواسطة windows0306
يعطيك الصحة جاتك فورررررررررررر ربي حبيت نسوالك وين تعلمتي الخياطة عبر النت؟؟؟؟؟؟؟؟؟؟؟؟؟ تبان لي بلي تعلمتيها في مركز مهني او ما شابه
ادا تعلمتيها في الدار راكي تطلعيلي المورال يعني في يوم من الايام نعود كيما انت لاني مهتمة بهدا المجال وخاصني الكوراج ونحي الخوف من الكتان |
ربي يخليك
ايه انا تعلمت الخياطة من الانترنت
و نجرب وحدي
هكاك في روحي نخيط لقنادر
ولحد الان نخيط لروحي وللدار برك
ماتخافيش من الكتان خاصة راهو جاي الصيف والقماش رخيص جربي في روحك وان شاء الله تتعلمي
خاصة اذا فهمتي طريقة الفصالة هاذي
|
المشاركة الأصلية كتبت بواسطة lilou 2024
شكرا يا حبيبتي فيفي راكي تحفزي فيا يوم بعد يوم و ان شاء الله نبدا قريبا
ولكن عندي استفسار كيف ناخد قياس طول حفرة الابط a quelle distance je dois marquer la taille merci beaucoup ma chere |
شوفي راني درتلك رسم توضيحي للمقاسات
بالنسبة لطول حفرة الابط تقيسيه على حسب الخط الاخضر في الرسم
و لازم تقيسيه بطريقة تعرفي من خلالها انو ذراعك يكون مرتاح في الحركة
اما على la taille راها تدخل بثلاثة سنتيمتر من الفصالة
و الخط نتاعها يجي بعيد على دورة الصدر بعشرين سنتيمتر
و اذا كان اي سؤال اسئلي ضك نجاوبك
بصحتك فوفا جاتك تهبل , انا تاني نفصل كيفك الاختلاف انو انا نوصل الخط من الابط الى اخر القماش و من بعد ندير 25 سم , نهبط ب 3 و ندخل ب 3 و نزيد نهبط ب 15 و ندخل ب 3 و من بعد نروح ل 25 و ندخل ب 2,5 و نرسم لاتاي و من بعد نبدا نرجع بشوية للخط
هايلة يعطييك الصحة
مي المقاسات مادخلوش راسي
كي نكمل السموك والحاشية نتلهي بالفصالة يلا كتب ربي