السلام و رحمة الله و بركاته
اليوم و نظرا لطلب بعض الاخوات هده طريقة تحضير عجينة شخشوخة الظفر بالشرح و الصور
نبدا بسم الله .نضع في قصعة السميد و من الاحسن رقيق و باش يجيكم مليح شوفي نوعية مليحة متلا انا نستعمل موليكس
او بن عمر حطي قليلا من الملح ماتكتريش و هادا لان المرق يكون فيه الملح ادا كترتي في العجين تجيك مالحة بزاف راح اللحم يجي مسوس و صامط اعجني مع اضافة الماء تدريجيا ما لازمش تكون طرية باش ما تتعبيش عندما تحليها بالحلال لازم تعجنيها مليح بصح تبقى ناشفة ديريها كرات صغار غطيهم بمنديل
حليها رقيقة
حطيها تطيب في الطاجين انا نستعمل تاع المطلوع نقسي في النار باش ما تتحرقش لازم تنشف برك تكون شفافة ادا طيبتيها بزاف تدير بقع و تتحرق
اقسميها و حطيها في قطعة قماش الاحسن لونها ابيض لما تبرد ضعيها في كيس نيلون و ضعيه في التلاجة باش ما تيبسش ادا كانت الكمية كبيرة
فتتيها بالظفر و لازم تكون رقيقة في التفتات كيما في الصورة
و ادا حبيتي ديريها بالسكين قطعيها شرائط رفيعة و لميها مع بعض على شكل حزمة و قطعيها مربعات صغيرة جداااااااا
كيما في الصور
ملاحظة. حنا عندنا المراة لي تفتتها رقيقة خلاص هي الفحلة هههههههههههههههههههه
ان شاء الله يكون الشرح واضح
في انتظار ردودكم
سلاااااااااااااااااااااااااااااااااااااااااااااااا ااام
فحلة وعليك الكلام
طريقتك سهلة ومبسطة ربي يجازيك
يعطيك الصحة يا اللبة مرا ونص ربي يحفضلك ايدياتك انا شخصيا نفضل قصة السكين
|
المشاركة الأصلية كتبت بواسطة cata
 يعطيك الصحة عملتيها روعة
|
الله يسلمك انت اروع شكرا
|
المشاركة الأصلية كتبت بواسطة مقدسية
يعطيك الصحة يا اللبة مرا ونص ربي يحفضلك ايدياتك انا شخصيا نفضل قصة السكين
|
الله يسلمك و يخليك شكرا الموضوع نور بوجودك صح حتى بالسكين هايلة خاصة لي ماعندوش نساء بزاف لانها تاخد وقت
|
المشاركة الأصلية كتبت بواسطة ام ظافر
فحلة وعليك الكلام
طريقتك سهلة ومبسطة ربي يجازيك |
و الله هادا من دوقك الله يحفظك اسعدني مرورك
يعطيك الصحة تسلم الايادي والله يجزيك كل خير
احنا هنا فى المنطقة منعملوهاش ان شاء الله نجربها و لو تكرمتي و تعطيني طريقة التحضير المرق وخطوته اكون لك شاكرة
تحياتي الخالصة
يعطيك الصحة
|
المشاركة الأصلية كتبت بواسطة mimicha1977
يعطيك الصحة تسلم الايادي والله يجزيك كل خير
احنا هنا فى المنطقة منعملوهاش ان شاء الله نجربها و لو تكرمتي و تعطيني طريقة التحضير المرق وخطوته اكون لك شاكرة تحياتي الخالصة |
الله يسلمك و يخليك و الله وصفاتك تعجبني و طبقت منها و نجحت خاصة خبز الدار درتو تقريبا كل يوم في رمضان انا سمعت انه في منطقتكم تعملوها في المهراس و فيما يخص المرق نضع اللحم او الدجاج او الاتنين مع بعض ملح فلفل اسود طماطم مصبرة و تقدري تضيفي حبة طماطم مرحية هريسة حسب الرغبة زيت تقلي كلش مليح من بعد تمرقي و المقادير حسب عددافراد عائلتك تاخدي الشخشوخة لي تكوني يبستيها مسبقا عدة ايام في الظل تم تحطيه في الشمس لما تيبس ملح نسيرها و نخبيها ضعيها في قصعة و صبي عليها الماء بزاف و قطريها في كسكاس مليح ادهنيها بالزيت حطيه تتفور المرة الاولى ومن بعد بليها بشوية ماء خليها ترتاح فوريها للمرة التانية بعد ما تكوني اسقيتيها بقليل من المرق لي يجي في اعل القدر اي اليدام برك ما تكتريش صفي المرق و طيبيها مباشرة قبل موعد التقديم باش تبقى كل حبة وحدها لما تجي تجمريها المرق يكون سخون حطي فيه الشخشوخة و يكون المرق شوية برك فوقها ادا تحبي الحار اقلي حبات و حطيهم مع اللحم و نسيت نقلك لازم تحطي الحمص في المرق ا ضعي ايضاقليلا من الزبدة
ملاحظة طيبيها دقيقتين فقط و شكرا لمرورك
اسفة جدا نسيت البصل و التوم
|
المشاركة الأصلية كتبت بواسطة موسى2207
يعطيك الصحة
|
الله يسلمك شكرا لك
شكراااااا بارك الله فيـــــــــــــــك
العفو و فيك بركة تسلمي
اختي راني جربت الفرمسة والله جاتني تهبل لكن في الطياب انا مزلت ناقصة نحب واحد يحكم معايا اما العجينة اول مرة جيني تقولها استيك الف الف شكر ربي يكملك ولصاحبة الوصفة واش في قلبك
يعطيك الصحة يا ام سفيان والله بغيت نتعلمها وموضوعك جا في وقتو بارك الله فيك