شاركونى فى المشكل 2024.

المشكل هو تاخر سن الزواج بالنسبة فى لماضى كان الرجل ابتداء من 18سنة يبدا يخمم فى الزواج مايجى يوصل
25 تلقاه عندواطفال يوصل 60 سنة يبدا يكبر يلقى اولادو الله يبارك كبرو بجنبو
الان اغلب الرجال راهم يكبرو باش يزوجو الاغلبىة فوق 30سنة وكاين مسكين لى يوصل حت 40سنة
كى تجى تحسبلو مانعرف يلحق يشوف اولاد ولادو ولالا
وكاين ناس يقوللك الراجل كى يكبر فى العمر خير باش يزوج باش يشرب عقلو
وكاين ايضا الان شروط تعجيزية فى الزواج لازم السكنى ولازم ولازم اى لازم تكون ولد مليونينر باش
توجد روحك وانت صغير

اذن كاين ناس عندها فلسفة انو الزواج المتاخر للرجل خير باش زعما يقولو يعيش ويتمتع بلا مسؤلية
فترة اكبر وكاينا ناس تقولك مليح الراجل يكبر باش يشرب عقلووكاينا ناس تقولك
لازم يوجد روحو مليح ينضرو الى الزواج بالنضرة المادية لا الدينىة انو الراجل كى يتزوجو راح يصون نفسو
من الحرام….
وانتم اخوتى الكرام واش رايكم

والله صح كاينة هاد العقلية عندنا خاصة في قسنطينة خطيبي الان رح يقفل 28 من العمر وبطريقة غير مباشرة امه ماش عاجبها الحال لانه مازال صغير بنظرها رغم انه يخدم واخوه اللي اقل منه رح يقرا ويخدم شافت معاه قاتله واش انتا تاني حاب تزوج راك صغير
هاد العقليات كاين منها بزاف وكاين العكس قريبة امي زوجت ولادها الذكور كامل وهم في سن 22 و 24 ودارتلها حانوت حانوت تحت الدار قالت هذا هو الح ولا اريد اولادي ان يقعوا في ما لايحمد عقباه خاصة في زمننا

شكرا اخى العزيز لهذا الموضوع عندى اخى مسكين راه بدى يشيب عمرو 37 سنة عندو عامين من بدى يخدم مقاول مالقاش الخدمة
بدى بشوية تاع صوارد سلفهم وعندى والديا عندهم عقلية ممنوع التخمام فى الزواج تحت 30 سنة

السلام عليكم أخي المهتدي عكس — التائه — بإذن الله
ربي يكون في العون لكل مشاكله و قصصه مع الزواج لكن اظن ان الاغلبية تعاني من غلاء المعيشة و ضيق المسكن
غير هذا لا أظن ان واحدا من الناس يفكر في تأخير الزواج لانه فطرة انسانية و الا سينحدر من قمة الاخلاق الى ما لا يحمد عقباه
شكرا اخي و بارك الله فيك على الموضوع المفيد
ســــــــــــــــــــــــــــــــــــــلام

شكرا لك على طرح هذا الموضوع الشائك . و الرسول صلى الله عليه و سلم يأمر الشباب بالزواج المبكر " يا معشر الشباب من استطاع منكم الباءة فليتزوج " .
مؤخرا تعرفت على ممرضة في مستشفى سوق أهراس بانها عمره 25 سنة لديه ابنة عمرها سنة و ابنها الآخر عمره 22 سنة و هو ينتظر مولوده الأول .
و الزواج المبكر ليس ناجحا دئما . خالتي زوجت ابنها و عمره 19 سنة و هو جد ىلآن و مازال يلهث وراء نزواته .

زواج ليلة تدبارو عام كيما قالك ناس بكري …..يعني ظروف الانسان هي التي تحدد وجهته وتفكيره لان مسالة فتح بيت وتكوين اسرة مسؤولية ووضعيات بعض الرجال لا تسمح بتحملها …وانا شخصيا مع العقل والمنطق والدين في هذه المسالة يعني ماكش قادر تتزوج وتتفتح بيت وتعيش انت واسرتك حياة كريمة فلا داعي لذلك واعمل واجتهد لتحسين حالك واحوالك بتوكل على الله وبعدها اكمل نصف دينك…واذا كانت وضعيتك مريحة وتفكيرك سليم وناضج وقد المسؤولية فلا حرج من ان تتزوج ولو في سن 18 سنة هذه المسالة باختصار … لانه رانا انشوفو في زيجات اليوم وما تبخر عنها ناس ذراري ليسو قد المسؤولية لا خدمة امسقمة لا وضعية مستقرة لا عقل ناضج وتورطو في زيجات بايعاز من اهاليهم وبعدها عاشو المر لان اهاليهم اقولولهم الان زوجتك اتخذ واتحمل مسؤوليتك ….يا خاوتي الانسان يتزوج باش اريح واعيش حياة كريمة ومستقرة ماشي باش يتمرمد وامرمد بنت الناس معاه …هذا رايي ولا الزم به احدا وبالتوفيق للجميع.

هذا راجع يا أخي إلى أن العائلة اليوم غلب عليها الطمع و لو أننا نظرنا إلى الماضي ليس في السن فقط بل حتى الحياة الاجتماعية كانت بسيطة المعيشة الكفاف و العفاف و اليوم تجد الرجل لا يعمل أو لم يجد عمل أيضا الدراسة خصوصا الجامعية تأخر الرجل الزواج يقول حتى نكمل دراستي حتى يغزو الشيب رأسه و ربما يهرم و الفتاة كذلك منهن من تحب الزواج و لو بشق تمرة رغم أوليائها و ربما يكون زواجها مباركا و منهن من يأخذها الطمع و كأنها سوف تغنم بغنيمة من الرجل الفقير إلى الله و لكن ندعو الفتيات أن يتفهمن الوضع فهناك يوم آت لا مرد له تتكالب فيه النساء على رجل واحد و هذامن علامات الساعة

اقتباس:

المشاركة الأصلية كتبت بواسطة sarl02 زواج ليلة تدبارو عام كيما قالك ناس بكري …..يعني ظروف الانسان هي التي تحدد وجهته وتفكيره لان مسالة فتح بيت وتكوين اسرة مسؤولية ووضعيات بعض الرجال لا تسمح بتحملها …وانا شخصيا مع العقل والمنطق والدين في هذه المسالة يعني ماكش قادر تتزوج وتتفتح بيت وتعيش انت واسرتك حياة كريمة فلا داعي لذلك واعمل واجتهد لتحسين حالك واحوالك بتوكل على الله وبعدها اكمل نصف دينك…واذا كانت وضعيتك مريحة وتفكيرك سليم وناضج وقد المسؤولية فلا حرج من ان تتزوج ولو في سن 18 سنة هذه المسالة باختصار … لانه رانا انشوفو في زيجات اليوم وما تبخر عنها ناس ذراري ليسو قد المسؤولية لا خدمة امسقمة لا وضعية مستقرة لا عقل ناضج وتورطو في زيجات بايعاز من اهاليهم وبعدها عاشو المر لان اهاليهم اقولولهم الان زوجتك اتخذ واتحمل مسؤوليتك ….يا خاوتي الانسان يتزوج باش اريح واعيش حياة كريمة ومستقرة ماشي باش يتمرمد وامرمد بنت الناس معاه …هذا رايي ولا الزم به احدا وبالتوفيق للجميع.

نعم ما قلت أخي

البنات كي يكبروا عقليتهم و يحبسوا من الأحلام الوردية و مايزيدوش يتفرجوا المسلسلات التركية و المكسيكية و…..عند ذلك الحين يصلون إلي مرحلة النضج الفكري و يصبحون جاهزون للزواج و المسؤولية ………………………………
و ما ننساوش العقلية تع الأسر الحالية أي غلاء المهور و التقلاش و أصبحت البنت سلعة للبيع ألي يمد الدراهم بزاف يدي بنتي
و بالتالي نقع في العنوسة و تأخر الزواج …….لأنهم بكل هذا نسو قول رسول اله -صلي الله عليه وسلم- " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

شكار اخى تعم ليس اللوم فقط على النساء حتى رجال طبعا ماشى الكل اليوم ماداير روحو كيما البوكيمون سروال طايح تريكو غوز 4سناسل
شعرو مشكلو كى تاع البيروكى…… ووزيد تلقى فى عمرو 25 سنة كون جا 16نورمال نقولو صغير
هل هدا يقدريتحمل مسؤلية اسرة

اقتباس:

المشاركة الأصلية كتبت بواسطة knives55 شوف سبب هو شروط تعسفية تقلاش تاع لبنات على الراجل على هذي واحد يخمم انو يأخر زواج خير وزيد نساء تاع اليوم ما يصلحوش لزواج ولا هم على قد المسؤولية ديما صيعين في زنق ومكياج و شفون ربي يسهل كل واحد حر في اخر لمراة لتبور موش راجل على هذي معدنا حتي مشكل في تاخير ولا تقديم ونزيدلك نساء هم سبب هذ اختلال لان بكري نساء كنوا في عمرة 14 راه مراة ناضجة تصلح لزواج وضورك 23 سنة راه مزال بيبي تشرب في لحليب

السلام عليكم خويا
انا قلت خلاص الحمد لله راك بدلت رأيك لكن خويا مازلك عندو
معليش خويا لما تكتب قول البعض كيما راك تشوف فاللي فالزنق شوف اللي راهم محترمات وقاعدين فالدار او حتى تخرج وتخدم وتروح وتجي ومحترمة نفسها ومرات تكون فالدار ودايرة جلباب وخاربتها خويا كل شي للخوف من ربي والصالحين والفاسدين فالنسا وفالرجال لما هكذاك كامل نعرفو باللي رجال يروحو للجنة والنسا لجهنم لالا كل واحد وأفعالو مرا او راجل نتمنى تشوف للموضوع من الزواية هذي لو تبقى هكذا تكره حتى يماك لأنها مرا وسامحني على ردي شكرا

السلام عليكم اخي
موضوعك فعلا مهم المرأة تنتظر الزواج وتقول الرجل هو المبادر والرجل مسكين لا حول ولا قوة الشروط ومشاكل الزواج ومرات الاهل يعني هناك من ترفض أن تخطب لإبنها لسبب صغر سنه او اخاه الذي قبله لم يتزوج يعد عقليات يعني صراحة انانية متى الرجل بتزوج ويربي أبنائه تجده فالاربعين ومازال ما تزوج يعني يرجع فال 50 وإبنو عندو سنة او سنتين ربي يهديهم
والنسا ثاني الشروط بزاف رجع الزواج بيعة مش شراكة بين زوجين شكرا وربي يقدر كل شاب على الزواج شكرا

السلام عليكم
اخي
سبب عزوف الشباب على الزواج
هي المشاكل الإقتصادية
السكن
العمل
وزيد
الاسر الجزائرية
وشروطها في الزواج
الرجل مسكين
منين راح يلقى نفسه
من كل هذه الشروط