يالحراير
يالبنات
عرس اختي تعيشو واش نديرو في سنيوات العروسة عاونوي مدولي ديغوسات من الجلفة يليقو بسنيوات العروسة تعيشو
ديري
المقروط
الكفتة
البقلاوة
التشاراك
الدزيريات
الغريبية
العرايش
القريوش
الصابلي
مرسي ربي يبارك فيك مي باغية مع الصور والوصفة ان امكن
ماعليك ااﻻبتصفح هذا القسم فهو مليء بالوصفات الرائعة و ستجدين مبتغاك بإذن الله.
مبروك على اختك 
و لعقوبة لكااامل لعويتقات ان شاء الله
حبيبتي …. اذا تدو سنيوات لعروسة للعروسبن ، يعني تحتفظ بيهم العروسة في دارها ليها و لراجلها و باروك لناسها اذا جاوها ننصحك ماتكثريش ، و ديرولهم الحاجة الي يحبوها و تنتكل … لأنو ساعات العرايس يدو قاطو معاهم فقط للزينة و الزوخ ^^ في النهاية يبقى يترامى واحد ما يدنى ليه
و اذا تدوه لناسها ، يعني فالصبوحي تروحو لدارها و تشربو قهوة مع ناسها اقترح : بقلاوة سورية لانها رااااائعة و سهلة التحضير ، تلقاي احسن وصفة عند ام أماني 77 ، و الشرح المفصل بالفيديو شوفي فاليوتوب فارس جيدي
كذلك حلوى السلطانيات وصفة أم أماني ، تحمر الوجه و سهلة
عرايش او تشاراك بالطلية ايضا شوفي الوصفة السحرية تع ام اماني اجنا فالدار معتمدينها من زمان و الحمد لله عمرها ماخيبتنا ، فقط نقصي فيها كمية الحليب ، يعني ام اماني دايرة كيلة حليب ، احنا نديرو كيلة الا اصبعين حليب ، و خلي العجينة تريح ليلة كاملة اومبعد اخدميها ….. صدقيني تجي مبسسة و هاااايلة
ايضا الكفتة وصفة مناسبة لسنيوة العروسة ،
اخيرا كحلوى جافة صابلي التاج تع ام اماني هاااايل شكلا و طعما خصوصا اذا زدتي للمعجون الي تلصقي بيه عطر الفراولة ، ريحتو تعبق من بعيد و الطعم مانحكيلكش ، انا والله نديرو في كل مناسبة و البارح برك قدمت سنيوة منو هدية لصاحبتي في خطوبتها ..
كاين مقروط القارص تاني هاااايل ، من باب التغيير
هليلات الجوز ،
تارت محشية بالنسلي
و لك الاختياار
المهم حافظي على القاعدة الابدية في الحلويات الجزائرية :d قاطو معسل ، قاطو بالطلية ، قاطو مسكر ، و حلوى جافة
و ربي يكمللكم بالخير ان شاء الله ^^
meeeeeeeeeeeerci