جبتلكم اليوم سمبوسك كيما انا نديرها اليوم درتها بالخضار
انا نحب الخضرة بزاف وهذي طريقة باش تدخلو الخضر لاولادكم سورتو اللي مايحبش ياكلها
نبداو بالعجينة
الفرينة قيس 2 كيسان كيار ناص كاس لاتاي زيت انا ندير زيت زيتون واللي حبت تدير زيت الطبخ نورمال
رشة فلفل لكحل ملح وماء باش تتلم العجينة وتلميها وتكون لابات ماشي طرية لازم تكون يابسة شوية باش تقدري تتحكمي فيها
ديري العجينة في صاشي اليمونتار وتخبيها في الفريجيدار
هنا تديري الخضرة اللي تحبيها انا درت كورجيت وزرودية وفلفلة حمراواللفت وحبة طوماطيش ثوم وبصل
هنا رحيتهم كيما راكم تشوفو وتحطيهم في المقلاة وتخليهم يطيبو ديري فلفل لكحل وملح مليح ومن داك قلبيهم حتان تشوفيهم طابو ونحيها وخليها تبرد شوية
انا هذي المرحلة ماصورتهاش نسيت اسمحولي خاطر كنت صايمة ونطيب ونزرب الوقت مابقاليش للمغرب
هنا كي طاب وبرد زدتلو حبة بيضة صعيرة واذا عندك بيض كبير ديري غير الصفار باش ماتجيكش جارية ونسيت زيديلها معدنوس وفورماج
وهنا تجبدي لابات نتاعك تفتحيها رقيقة كيما راه باين وتقطعيها دوائر صغار ولا كبار انا درتهم كبار شوية وتحطي الحشور اللي وجدتيها
وتقفليهم هكذا مليح بالفارشيطة وتبداي تقلي فيهم
وهنا كي طابو شوفو شحال هايلين وعجينتها تجي رقيقة وتقرمش وبنينة
وهنا قريبة شوفو شحال هايلة اممممم
وهناقسمتها على النص مازالت سخونة اللي حبت ترفد تاكل
المرز الجاية نبدل الحشو اللحم مرحي والبطاطا مقلية وبالدجاج مرحي ونزيد نحطلكم
واش رايكم؟؟
بارك الله فيك ،وصفة رائعة
.أختي كم من الوقت يجب لكي ترتاح العجينة؟
خليها في الفريجيدار الوقت اللي توجدي فيه الحشوة نتاعك امباعد كي تبرد مليح وتكوني خلاص باش تحشيهم اجبديها وافتحي وديري كيما راه باين
Wachraki okhti mouniya
ya3tik asaha jouk ychahou w ani dit wahda bla mata3ardi merci
لاباس حنونة وانت كيغاش راكي
بصحتك والله لوكان قدامي نديرلك سبيسيال ليك
Mmmmmmmmmmmmmmmmmmmmmmmmmmmmmmmmmmmmmmmmmmmmmmmmmm mmmmm
machkouraaaaaaaaaaaaaaaaaaaaaaaaaaaaaaaaaaaaaaaaaa aa
اممممممممممممممم يشهيو يعطيك الصحة وصيام مقبول
ممم شهيتينا
راني رفت وحدة
و كي نديرها نوريلك التطبيق
ماشاء الله يعطيك الصحة
|
المشاركة الأصلية كتبت بواسطة terrou
 Mmmmmmmmmmmmmmmmmmmmmmmmmmmmmmmmmmmmmmmmmmmmmmmmmm mmmmm
|
مرسي حنونة
|
المشاركة الأصلية كتبت بواسطة ام انفال 12
machkouraaaaaaaaaaaaaaaaaaaaaaaaaaaaaaaaaaaaaaaaaa aa
|
مرسي حنونة صجيتي
|
المشاركة الأصلية كتبت بواسطة ام فريال
اممممممممممممممم يشهيو يعطيك الصحة وصيام مقبول
|
اللهم امين
مرسي حنونة
yatik esaaha khtitou chahitini maa sbah kolili hadik el khodra rhitiha f robot ou laajina mandiroulhach lakhmira ji mliha bsahtakoum hanouna
|
المشاركة الأصلية كتبت بواسطة سمراء الدنيا
ممم شهيتينا
راني رفت وحدة و كي نديرها نوريلك التطبيق |
بصحتك
ان شالله نستنى تطبيقك