المقادير:
القليل من اللوبيا الجافة من عدة انواع
القليل من اللوبيا الخضراء
نبيتو كل نوع من اللوبيا في الماء
و غدوا من داك نشلوها مليح و نطيبو كل نوع وحدو فالماء برك بلا ملح
تستغرق حوالي من 30 الى 60 دقيقة باش تطيب
بعد ما تطيب نقطروها من الماء و نخلطوها مع بعض في ايناء واسع و نزيدولها الماييس
للصلصة نحتاج حبة بصل
1/3 كاس خل ابيض
1/2 زيت زيتون
القليل من الملح
القليل من الفلفل الاسود
ثوم (انا ما درتوش ما يحبوهش )
و زيدي عطريها كيما تحبي ….
يمكن ايضا اضافة الموتارد , الفلفل الحار, الهريسة ….الخ (استغنيت عنهم ما ناكلوش الحار)
في ايناء اخر
نسكرفج البصل و نضيف له الزيت و الخل و الملح و الفلفل …. الخ
من بعد خلطيها مليح و صبيها فوق اللوبيا و دخليها للثلاجة و خلطيها من حين لاخر باش تشرب مليح
كذلك غلي اللوبيا الخضرا و زيني بها الطبق مع رشة من المعدنوس
ان شاء الله تسيوها و تعجبكم
سلام
اللهم صل و سلم على نبينا محمد
فنااااانة سلطة هايلة شكراااااااا
الله يبارك الالوان تشهي
يعطيك الصحة اختي تشهييييي
ما شاء الله اختي كنت نحوس على الوصفة قولي بنينة؟؟؟
الله يعطيك الصحة 444444444444.
ماشاء الله روووووعه
ماشاء الله تحفة
والفكرة روووعة يعطيك الصحة
وربي يبارك فيك