السلام عليكم ورحمة الله
حبيت نسالكم يا بنات شكون تعرف سعر وحدة الكروشي مثلا كيما هاذي
ارجوكم يا اخواتي متبخلوش عليا بالجواب
و عليكم السلام و رحمة الله و بركاته انت شوفي شحال دخل فيه خيط و شحال شريتيه من بعد الاغلب يخدمو الضعف تاع سومة الخيط و انت شوفي تعبك بالتوفيق
اختي الخيط الرقيق سعره اغلى لانه يتعب اكتر من الخشين
يعطيك الصحة اختي على جوابك
بصح انا وحدة عطاتلي الخيط من عندها ونخدم بيه كيما هاذو الوحدات حتى يخلاص الخيط ومازال ما تفاهمناش على سعر الوحدة وانا ما عندي حتى فكرة
ارجوكم حبيباتي لي عندها فكرة على الموضوع تجاوبني
أنا كاري فيه 9 وحدات و نزيد دور عليهم كامل نخدمه ب 30000والخيط من عندي
ممكن نعرف اختي واش راح تخدمي بهذا الوحدات ؟؟؟؟؟؟؟
بارك الله فيك اختي حفصوص ربي يجازيك الجنة
اختي صفية هاذ الوحدات يخدمو بيهم الشورا تاع الكروشي تاع العروسة
شكون عندها فكرة تعاوني
الله يجازيكم الجنة
|
المشاركة الأصلية كتبت بواسطة هديل الحمام
 السلام عليكم ورحمة الله
حبيت نسالكم يا بنات شكون تعرف سعر وحدة الكروشي مثلا كيما هاذي ارجوكم يا اخواتي متبخلوش عليا بالجواب |
شوفي احنا عندنا يتباعو 13بياسة ب100 الف والخيط من عندك يعني 6نابوات صغار فيهم 4 بياسات و2 كبار فيهم 9 بياسات ب100ألف انت نقصي حق الخيط
40 دج و متخافيش راهو يتعب الكروشي و اذا درتي الخيط من عندك 50دج
يعطيكم الصحة يا بنات والله فضلكم كبير عليا
ثلاث الاف سنتيم للحبة و الخيط من عندها هكذا نخدمهم انا نفس الوحدات الى عندك لفراش لكروشيه و شكرا
ربي يوفقكم
ممكن باترون هدا المفرش هايل عجبني شكرا
انتي عارضة 6 وحدات احنا نخدموا هذو الوحدات ب20دج للوحدة الخيط مش داخل في الحساب اي لكل مربع صغير ….ونخدموا بيهم دراوات
بارك الله فيكم يا لبنات على تفاعلكم
انا راني كملتهم كبة كبيرة تاع الخيط دارتلي 50 وحدة
وبانسبة للسعر فالاول قاتي 10 دينار للوحدة وبتشناف باش رجعتهملي 15 دينار للوحدة