السلام عليكم
شكون فينا ماكلاتش الحمص تاع المطاعم ؟؟وشكون لي ماتساءلتش علاه نطيبو في الدار ومايخرجليش بنفس البنة؟؟؟
اليوم حبيباتي حبيت نفيدكم بهد السر
وان شاء الله تتحصلي على حمص بنيييييين وكما يديروه في المطاعم
لا بصل لا تقلية لا طماطم ولا تكسار راس هههههه
اليكم الطريقة
حمص منقوع قبل بليلة
نغسلوا ملييح ونحطو في كوكوت فيها ماء سخون
نحضر حبتين متوسطتين من الجزر ونقطعهم وسنات توم
ونضيفهم على الحمص ونزيد 2 مغارف زيت وملح وشوية كمون وتوابل مخلطة وفلفل اكحل
لما يغلي نغلق الكوكوت ونخليه يطيب 45 دلما يطيب
نحضر سنات توم ونفس التوابل ومقدار لوش تع حمص مع المرق تاعو ومغرف هريسة ونرحيهم في ميكسور
ونضيفهم للكوكوت
لما يغلي نغلق الكوكوت 15 دقيقة اخرى ونطفي
حتى يخثااار مليح مالازمش يكون مااايه
التقديم يكون مع القليل من البصل الاخضر والمعدنوس وزيت الزيتون ولي مايحبهمش يقدمه مع زيت الزيتون وحده
بنيييييين وينفع في هدا البرد
تحياتي 
يعطيك الصحة شهيتيني يم يم يم
مممممممممممم يعطيك الصحة
مشكورة يا الغالية على الطريقة
يممممممممممم شهيتيني فيه يعطيك الصحة اختي ام كوثر .
merci alah ya3tik asaha
اممممممم يعطيك الصحة يا ام كوثر شهيتيني فيه غدوة ان شاالله نجربو
شكرا لكي يا ام كوثر
العفو اخواتي منورين الصفحة
يعطيك الصحة حنونة وصفاتك دايما في القمة
معطاءة ياام كوثر وستظلين ان شاء الله
رغم اني ماناكلش الحمص بصح شهيتيني راح نجربو للولاد يموت عليه حبيت نسقسيك الزردية نرحوها مع المزيج
شكرا جزيلا اختي ام كوثر الله يعطيك الف صحة وعافية
سبحان الله كنت رايحة نسقسيك عليه درتو يغلي وجيت وانت حطيتي الموضوع
يعطيك الصحة انتظري صور تطبيقي