احتاج الى مساعدتكم اخوتي
ساروي مشكلتي
انا مخطوبة وخطيبي انسان ذو خلق ودين
عامل بسيط وانسان فقير
هو اكبر اخوته وهو من ينفق عليهم جميعا
ودخله لا يكفي لشراء مسكن خاص
لذا قام بالبناء وتوسيع مسكنهم
لنعيش مع اهله
والمشكلة
كي خطبني ما جابش خاتم ولا اي شيء اخر مثل ما يفعل الناس اليوم
فاليزة وخاتم وغيرها
واهلي كي شافو هكذا قالولو كي مادرتش خاتم وما اشريتلهاش فاليزة
زيد في المهر واعطيلها 15 مليون
وهو ما عندوش
واهلي ما حبوش يتنازلوا على هذا الشيء
عادات تافهة بعيدة كل البعد عن الدين ستفرق بيني وبين خطيبي
هل لاجل المال يحصل كل هذا
قولولي كيفاش راحية نتفاهم مع اهلي
كيفاش نقنعهم
حاولت بزاف وما اقدرتش
سبق وان تكلمت مع اهلي
لكنهم قالوا لي لا تتدخلي هذا امر يتكلم فيه الرجال وليس انت
السلام عليكم اختي الله يكون في العون انت حبيتيه لدينه واخلاقه واهلك للتباهي الله يهديهم ومن رايي حاولي تتفاهمي مع خطيبك وممكن يجيبلك خاتم منها للملاك وهي نتاع المهر في نفس الوقت ولكن هاد الشي يبقى سر بينك وبينوا والله يسهلك وطمنينا عليك
ربي يهديهم برك قوليلهم بللي ممكن الان ميديرهمش بصح من الممكن مبعد يدير اكثر
عندما ياتى شخص لخطبة فتاة اول سؤال يسال – واش يخدم- كم عنده عندو دار او لا…كل هذه الاسئلة تعطى لنا صورة واضحة على ان المجتمع يهتم بالمادة اةلا ثم تاتى الاسئلة الاخيرة عن اخلاقه ومواصفاته.
اختي عندك دعاء الحاجة وادعي ربي يفرج واتركي كلام الناس واهلكي خلف ظهرك
اختي نقولك حاجة اولا ربي يجعلوا مكتوبك يا رب و يجمع بينكم عاجل غير اجل
شوفي كاين مجموعة حلول و خيري منها
اولا فكري في واحد في العايلة او شخص تثيقي فيه تسلفي من عندوا المبلغ
و اعطيه لخطيبك يزيدوا للمهر و كيفاش ترديه اما تشريه ذهب و كي تتزوجي بيعيه
و خلصي الدين و ربي يعوضك اما داذ الشخص يصبرلك تردوهلوا بعدما تلمديه
ثانيا المبلغ اللي كان ناوي خطيبك يدير بيه عرس يزيدوا للمهر و هو يبطل ما يديريش
عرس يدير غير معروف حتى واحد ما يسالوا المهم الهنا
او كاين حل اذا عندوا خواتاتو يتسلف من عندهم ذهب و يقول لاهلك نجيب المهر دراهم و ذهب
و انت كي تتزوجي رجعي الذهب لاهلوا و قوليلهم بعتوا حتى واحد ما يسالك
يا رب قدرت نساعدك و ربي يهنيك
ما فهمتش كيفاش قدر يوسع مسكن العايله وما قدرش على خاتم واش التوسعه اللي دارها
قولي لوالدك يفسخ الخطوبة و انتهى المشكل
هو يبحث في جهة اخرى ربي يسهل عليه و يهنيه
وانتي يجيبلك ربي من يعطيك 15 مليون و فاليزا
الله المستعان
ماذا أقول أخيتي ، حاولي التكلم مع الوالدة بلطف وإفهامها، فهي لها تأثير كبير على الوالد بإذن الله تعالى
ولا تنسي الدعاء ، وإن كان من كتبه الله لك فلن يفرّق أحد بينكما.
وفقكِ الله لطاعته.
عسى ان تحبوا شيئا و هو شر لكم
بالاك هاذ الشي اللي راه يصرا راه سبب باش يبعد عليك خطيبك
بالاك راح يضرك من بعد
و كوني رزينة
و ما تدي غير اللي ربي راه كاتبو ليك
كلشي نتقلقو علي غير الزواج اللي لالا على خاطر قسمة و نصيب
يجي ليك مكتوبك يجري غير وحدو بلا ما تكسري راسك
الله يجيب الخير و الخمير
اختي فيه مثل يقول اذا دخل الفقر من الباب هرب الحب من الشباك
احنا صحيح ضد الطمع
لكن فيه امور مهمة مالازمش الوحدة تتخلى عليها
و15 مليون من حقك باش تجهزي نفسك وكل شيء في الاخير رايح لداره
اختي خلي اهلك يهتمو بالموضوع
خايفه عليك يجي نهار وتندمي
ان شاء الله يصير غير الخير وتفرحي
انا ننصحك بحاجة واحدة ما تخسريش والديك وزيد والديك عمرهم ما يحبولك الضر مادابيهم تكوني سعيدة في حياتك .
معليش اذا كان يحبك و ناويك للحلال ليه
يدفعها
و ياك اي حاجه تشريها بهداك المهر راح تروح ليك و ليه
اهلك ما راح ياخذوووو وااااااااااالوااااااااااا
خلي اهلك يديرولك الشان………….. و راح يجي الوقت وين تحسني العون نتاعوووو
راح حياتك تفوتيها و انتي تحسني في العون و تساعديه و تبنو دار ان شاء الله
بالتوفيييييييييييييييييييييق
النبي صلى الله عليه وسلم قال تهادوا تحابوا
ومادام النبي قال هكدا اكيد للهدية دور كبير في خلق المودة والحب بين المتهادين وكيما سبق وقالت وحد الاخت مادام قدر على التوسعة اكيد يقدر على خاتم يالوكان خفيف
فالاخير نقولك جامي تخسري والديك سيرتو في بداية حياتك على اي شخص ومهما كان