السلام عليكم و رحمة الله و بركاته
اخواني أعاني من مواد الحفظ (النسيان)
أحفظ الدرس بكامله أستغرق فيه ساعات وعند اتمامي أحاول إختبار نفسي أجد نفسي و كأنني لم أحفظ قط
ما العمل؟؟ حاولت الحفظ في أوقات مختلفة قبل صلاة الفجر و بعد صلاة الفجر في الصباح و المساء
و النتيجة نفسها 
فكرت في تلخيص الدروس فخشيت أن أحذف أشياءا قد تكون مهمة
ارجو منكم ارشادي و لو بنصيحة واحدة أو فكرة صغيرة
و إليكم مني الدعوات الخالصة
بالتوفيق للجميع
ييي ربي يكون في عونك اختي
مي متنسش رانا كامل فينا النسيان
لازم تحفضي وتعاودي ولازم التركيز وتم التركيز
انصحكي يا اختي عندما تقومين بالحفظ حاولي ان تستخدمي جميع حواسك مثل البصر وتكلم بصوت عالي اثناء الحفظ فهذه الحواس ان شاء الله تساعدك وتسهل لك عملية الحفظ
|
المشاركة الأصلية كتبت بواسطة lamia_23
 ييي ربي يكون في عونك اختي
مي متنسش رانا كامل فينا النسيان لازم تحفضي وتعاودي ولازم التركيز وتم التركيز |
و الله غير نحفظ و نعاود و دركا حبست راهي عليا الحمى و راني خايفة من نهار الأحد
راني ناسيا كامل
بارك الله فيكي على النصيحة
|
المشاركة الأصلية كتبت بواسطة رابح بن علي
انصحكي يا اختي عندما تقومين بالحفظ حاولي ان تستخدمي جميع حواسك مثل البصر وتكلم بصوت عالي اثناء الحفظ فهذه الحواس ان شاء الله تساعدك وتسهل لك عملية الحفظ
|
أنا ديما نحفظ بصوت عالي و ندقق النظر باش نحفظ كيفاش راهي مكتوبة لابروف كي نحفظ و ننسا نضرب طلة نلقا روحي شفتها من قبل اي نعرفها مي متفكرتهاش
بارك الله فيك أخي على النصيحة
و بالتفيق للجميع
انا كنت كي نحفظ حرفيا ننسى مي دوكا نفهم الدرس والفكره تاعو وا نعاود نكتب بطريقتي الخاصه
|
المشاركة الأصلية كتبت بواسطة nadamohammad
انا كنت كي نحفظ حرفيا ننسى مي دوكا نفهم الدرس والفكره تاعو وا نعاود نكتب بطريقتي الخاصه
|
مشكورة فكرة ممتازة
ربي يحفظك و يوفقك
اختي ماتخافي ماوالو
ايه صح خطرات الانسان يحفظ مبعد يحس راسو فارغ مافيه والو بصح مين تجي ورقة الاختبار وتشوفي الاسئلة راح تبداي تسترجعي المعلومات تدريجيا
مالا ماتقلقيش خلاص روحك
ربي ينجحك ان شاء الله
أفضل طريقة للحفظ هي النسيان
+ احذرك من الحفظ الباباغائي لازم تفهمي قبل الدرس ومن بعد احفضيه ديري مخطط في راسك للدرس
ربي كون في عون كل مترشحي الباكلوريا في الحفظ
أختي رانا في الهوا سوا لكن ماننساوش قول الامام الشافعي شَكَوْتُ إلَى وَكِيعٍ سُوءَ حِفْظِي فَأرْشَدَنِي إلَى تَرْكِ المعَاصي
وَأخْبَرَنِي بأَنَّ العِلْمَ نُورٌ ونورُ الله لا يهدى لعاصي
ركزي على النقاط الاساسية و خلي عقلك مع الدرس و ركزي مليح في الحفظة و جربي كي تكوني تحفظي تكتبي واش راكي تحفظي ممكن تسهلي على نفسك ؟؟